當問題少年遇上問題少女: 25.我地唔只係滿洲人

我地坐返係佢屋企
 
「妳技術好好丫」
 
「你都係呀，但係點解你唔出學界?」
 
「點解嘛…」
 
「有難處可以唔講」
 




「我冇無謂瞞住妳啦，妳係我拍檔」
 
我飲一飲水
 
「F.3果一年，我代表九華出賽，一直好順利」
 
「去到決賽?」
 
「嗯，決賽我地對喇沙。果場波，我完全俾人帶住黎打，而且係最關鍵一分，我仲因為大意而失左，最後我地輸左」
 




「你係咪果種一開始就不停攻不停攻，令對方冇反擊機會果種打法?一開始就拉到好大距離」
 
「冇錯丫，妳點知道?」
 
「因為你打法非常有攻擊性，上次我係學校同你打，我冇反擊」
 
「妳有辦法反擊?」我呆左咁望住佢
 
「當然，你跳殺完之後，個波係好快，但係我可以輕輕一彈就係前邊落波」
 




「妳果然係一個天才少女」
 
「我只係睇得多比賽者，下次練波會唔會早D到?我同你一齊加操好唔好?」
 
「妳約我，我一定會到」
 
「嗯….仲有呀，你…以後可以叫我中文名」
 
「叫妳…梓晴?」
 
「嗯，咁樣好似…好D」
 
「點解妳仲用公家拍?妳唔買塊拍俾自己?」
 
Jessie聽到我咁問之後，就面有難色




 
「我呢間天台屋都係租…仲有水電費，電話同上網，日常洗費，我幫人補習都係剛剛夠，自己儲錢唔多…所以…你明啦」
 
我望一望Jessie屋企四周，佢真係得一對返學皮鞋，一對白飯魚、一對去街波鞋同一對斯文d嘅平底鞋
 
「不過，我好開心，幫人補習幫到小朋友之餘，可以用自己嘅能力養活自己」
 
「其實，妳有需要嘅話，我同老闆可以幫妳」
 
「唔洗啦，我地唔係應該要苦中求存咩?就好似當年我地祖先對抗大明一樣」
 
「妳真係好樂觀」
 
Jessie拎起佢個fuda係我面前揈揈下
 




「我地滿族人唔怕吃苦嘛，可以由關外打到入關內」
 
Jessie個fuda上，有一枝少少嘅旗，莫非…
 
「梓晴，可唔可以俾我睇清楚妳個fuda?」
 
Jessie佢突然俾我咁問一問，先係一下呆，然後遞俾我
 
「係妳自己整嘅?」
 
「係我額娘整俾我，佢走之前整左幾個俾我」
 
「整左好多?」
 
「佢要提我，我地屋企係咩人」




 
Jessie個fuda上邊，繡有一枝旗，同我果個fuda差唔多，只不過佢係全個黃色
 
「梓晴，我有樣野冇同妳講清楚」
 
「係咩呀?」
 
我將我自己個fuda俾佢睇，佢見到果時，雙眼就快跌出黎咁滯
 
「你….傑仔…你同我都係……」
 
「冇錯，妳係正黃旗，我係鑲黃旗。我同妳都係上三旗嘅八旗後人，愛生覺羅氏嘅親兵」
 
「你…點解咁清楚?」
 




「妳姓佟，赫舍里氏…正黃旗，輔政大臣、一等公索尼，索額圖，保和殿大學士、戶部尚書、議政大臣，議政大臣領侍衛內大臣噶布喇，孝誠仁皇后、平妃。索尼係妳祖上?」
 
Jessie好似不能相信
 
「你…點會知道架?」
 
「妳….係郡主?正黃旗嘅郡主?」
 
Jessie點一點頭「咁又點?我屋企家道已失，我係索尼後裔又點?文革果時，我屋企左避右避，黎到香港，生活困難，旗人呢個身份對我屋企只係…一個包袱」
 
「我知道」
 
Jessie抹一抹眼淚「你呢?你地鑲黃旗點呀?」