當問題少年遇上問題少女: 14.變得孤僻的原因

「係喎，文浩幾時追到Chloe架?」
 
「下?妳地唔知架咩?」
 
「唔知架」
 
「就係我地第一次黎妳地學校果日，Chloe迫文浩送佢返屋企，佢地當日就一齊左」
 
「咁…咁快?」
 




「我都唔可以相信」
 
Polly雙手托住自己下巴望住我「咁你呢?你有冇鍾意嘅女仔?」
 
Polly單刀直入咁問我呢條問題，搞到我唔知點答佢
 
「呀…我其實...即係點呢…」
 
「唔通你未拍過拖?」
 




「又唔係嘅…我之前都…」
 
「唏~唔好咁down，總有方法治療情傷嘅。不過，你真係唔出場?」
 
原來Polly都係教練派黎嘅刺客
 
「冇理由因為要療情傷而要出場架嘛」
 
「你上次比賽嘅事…我好清楚…」
 




「算啦…過左去」
 
「但係果下真係唔係你嘅責任」
 
我檸一檸頭「除非文浩死左或者斷手斷腳，否則我係唔會出場比賽」
 
「如果我同你拍檔呢?」
 
「Polly妳仲要單打，邊得黎夾得切呢?」
 
「唔…」
 
就係Polly諗緊野果時，另外果pair人到啦
 
佢地坐低叫哂野飲之後，文浩開始問Jessie嘅事




 
「你對佢好有興趣?」
 
「始終佢係我拍檔，如果我對佢一無所知嘅話…」
 
其實文浩講得冇錯嘅，身為自己拍檔，點可以對人地一無所知呢
 
「Jessie嘅實力，你地都親身嘗試過啦」
 
我地兩個點點頭
 
「無可否認，佢係比較難相處嘅。唔…點講好呢…佢小學果時唔係咁樣」
 
「小學?」
 




「冇錯，Jessie同我同一小學，佢亦都係我小學時羽毛球隊嘅雙打拍檔」
 
「Polly妳係Jessie拍檔?」
 
「嗯….自從小學5年級…一次比賽後，Jessie俾人笑佢身世之類，從此佢就變得好孤僻，連我呢個拍檔都唔睬」
 
「發生咩事?」
 
Polly放低杯果汁…低頭回想「果次係班際比賽，只要我地女雙贏埋就可以做全級總冠軍。不過因為我一個失誤，累到Jessie救唔到波….我地輸左果場比賽」
 
「然後呢?關Jessie身世咩事?」
 
「Jessie佢….點講呢，唔….佢父母係新移民，黎到香港生Jessie」
 
「又點?Jessie即係香港人啦」




 
Polly檸一檸頭「係咁簡單就好….因為Jessie細個講野係有口音，有一種奇怪口音」
 
「咁都唔奇嘅，有時我講野都有啦」文浩係到示範佢d口音
 
Polly望一望佢「你果d叫懶音呀」
 
「妳繼續啦」
 
「有時d同學聽到佢同父母用另一種語言傾計，又唔係普通話又唔係廣東話，而且佢屋企環境又唔好，所以大家就開始笑佢。唔….應該話，d女仔開始妒忌佢」
 
「點解呢?」
 
「不如我問你地兩個丫，Jessie靚唔靚女」
 




「還可以」「ok啦」
 
「估唔到你地會咁答喎，Jessie小學果時有好多男仔都鍾意佢，所以佢係一眾女仔嘅眼中釘。今次有機會俾人入，班女仔就不停笑佢係大陸妹、鄉下妹…最慘就係…Jessie果時爸爸係地盤有意外過左身，對佢打擊好大」
 
「咁佢媽媽呢?」
 
「佢媽媽…係佢F.1果時病死左」
 
「咁Jessie佢點呀?」
 
「當時有教會修女做佢監護人，佢先唔洗去保良局」
 
「即係佢而家自己一個住?」
 
「嗯…」
 
「咁Jessie講咩語言令佢俾同學笑呀?」