【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 布蘭詩歌中的荒誕酒館
235k釋出
我：「但呢度咁多妹妹仔，飲呢啲會唔會唔係幾好呀，話晒佢哋未夠秤。」
其實我都要下個禮拜先夠秤，而詩敏就要下個月，重點係我唔想佢哋太癲。
豪：「你咪咁阿閣啦，唔係以為自己真係主人家呀？」
我：「呢啲唔係啤酒嚟㗎，成十幾度…」
詠：「十幾度咪啱囉，我先唔飲啤酒，咁難飲！」
「係囉，唔緊要啦，我想飲呀。」
冰：「咪咁naive啦，我哋學校高中開始有邊次聚餐係無酒㗎，唔冧緊幾個都唔使指擬有得走呀。」
咪用你哋學校嚟同我哋比啦…standard都唔同。
我：「唔理你哋喇…一枝咁多人分應該無嘢嘅。」
鳴：「唔止一枝…係兩白兩粉紅。」佢無奈咁望住我講，睇嚟佢都係啞子吃黃蓮嗰個。
頂，做乜咁大方呀？四枝又千幾…你出晒呀？我今次真係無眼睇，唯有棄療算。
豪：「感謝一鳴老細對今次活動嘅贊助！」
詠：「唔好摮枝酒呀！打柒你㗎！」
一睇就知Wing姐都係酒鬼嚟…
而呢個時候呢，啲雞呢，斑球呢，都開始上菜，而慢慢喺酒精嘅影響之下呢…
※※※※※
首先進入狀態嘅係Tiffany同阿文兩隻嘢，一隻我剩係知佢食Baileys雪糕都會面紅，而另一個就係從來滴酒不沾嘅乖仔；肥豪就醒呀，係咁幫妹妹仔斟酒，自己就嗌多碗白飯送炸蝦棗同脆鱔，佢都真係黐線㗎，明明重有炒粉麪未上，都要當大排檔咁食…
而我就梗係食嘢先啦，唔係認為條海參同鵝掌會食得飽我呀？成隻右手痠痛到飛起，我決定用左手攞匙羹潷嚟食算，脆炸生蠔正呀！
旎：「我要你愛我呀！」
文：「梗係愛你，但唔可以俾人知…」
無眼睇，兩隻嘢貼到張凳零距離，旖旎捉住阿文隻右手夾喺佢嘅中線度，即係乳溝，肚仔，再直落髀罅用腳夾住佢隻手…都正常嘅，佢兩個忍咗咁耐應該好饑渴，我都唔好意思望佢哋。
旎：「你入到U唔準玩O camp呀，啲組媽專色誘組仔㗎！」我係希望啲組爸唔好為咗詩敏大打出手…
文：「唔玩O camp…識唔到人好大鑊㗎…Tiffany，我重擔心妳啦，Physics班得嗰幾個女仔…實好多人追妳。」
旎：「所以day off一定要返嚟中學探我呀！你重要教我中化同UE，如果你唔理我我走去姣仔㗎。」
救命，佢兩個夠鐘食藥喇，A level都未考就擔心埋啲咁嘅嘢，唔俾過兩個月你哋就散嘅。
文：「唔好呀，Tiffany…志華，你同佢同班…要幫我…好好看住佢，唔好俾人搶走。」
喂…你兩個玩還玩，唔好阻住我食嘢得唔得？
我：「嗯…嗯嗯…」我口入面一整隻生蠔幫我代言。
而呢個時候女神都開始high high哋。
敏：「阿文，你傻咗呀？捉隻老鼠入米缸監守自盜…」妳當我係乜？好歹規矩咗成大半年…
文：「咁點算呀…我唔制呀…」
敏：「由佢哋囉，我同你喺大學玩家家酒！」
巴黎之花出名易入口，點解一鳴你要咁做？我理得你喺屋企灌醉曉彤同淫Wing玩3P，但唔好攞過嚟吖嘛，我今日已經好攰。
旎：「妖女，唔準呀！乜仔都俾妳搶晒喇…」
詠：「家家酒好玩呀，浸埋我啦。」
Wing姐明顯地係好清醒，重一路攞住杯香檳嚟飲，擺到明係嚟趁墟為攪局而攪局。
我：「詩敏，妳唔好再飲喇。」
敏：「走開呀，你條廢J去陪淫Wing玩家家酒啦，我要教師妹服侍文師兄呀！」
我同Wing相視而苦笑，真係無晒佢哋符。
※※※※※
我對面嘅阿冰一睇就知係老司機嚟，塊面紅都唔紅下咁喺度食椒鹽吊片，而佢隔籬嘅易等冰已經喺度呆下呆下咁挨住佢，雖然Tamama喺正常嘅時候個樣都差唔多，實在有啲難分。
詠：「曉彤，恭喜妳搵到個好老公！」
呢條友真係唔知真醉定玩嘢，睇住佢一杯接一杯咁飲無停過，似係嚟呃酒飲嘅多啲，再順便灌曉彤飲。
彤：「多謝Wing姐，乾杯！」
低B曉彤真係成杯香檳一啖就清晒，嘥鬼晒啲酒，話晒都幾嚿水一枝，實在唔應該攞嚟咁飲。
詠：「你呀！生生性性呀！曉彤等你照顧㗎，唔好令我失望知唔知？」
鳴：「知道喇…Wing。」
對於由細到大成屋酒嘅我哋嚟講，當然無咁易醉，一鳴夾喺兩條女中間尷尬非常；我就梗係一路繼續食嘢兼睇好戲，而劍冰嘅眼神都睇得出佢係對呢幾隻嘢嘅關係有啲興趣…唔知頭先曉彤灌輸咗啲乜嘢誤導資訊畀佢呢…
彤：「鬧佢就啱㗎喇…呢隻嘢唔鬧唔聽話㗎！」
詠：「鬧咗兩年喇，有鬼用！係妳先治到佢咋。」
彤：「其實都唔係，佢重係好不知所謂，嘻嘻！」
最不知所謂就係聽肥豪話拎咗四枝香檳過嚟…
詠：「總之靠妳幫我睇住佢喇，貨物出門，恕不退換。」
彤：「哈哈哈，Wing姐唔使客氣喇，多謝妳隻玩具，我玩爛佢都唔會退貨㗎喇…」
曉彤…有隻啱妳玩嘅玩具就最好嘞…但，都唔使大庭廣眾之下扯起佢件衫搣佢兩粒lin㗎…啲女色魔實在係太不知廉恥。
如果要講曉彤，其實佢一直都係咁任性，同我一齊嗰陣，係偏向刁蠻，執著嗰邊；但而家呢，可以話佢係亂咁嚟，淨係上次喺沖繩醫院當住詩敏同一鳴攬住我喊已經夠晒離譜，係一鳴先忍到佢…不過諗落一鳴有得同女神玩下已經連女朋友姓乜都唔記得啦，對佢嚟講可能唔使蝕底比較重要，呢兩隻嘢可能就係一擔擔先夾得埋。
※※※※※
終於到炒粉麪飯上菜，啲女仔基本上已經無晒戰鬥力，我同一鳴當然一於少理繼續食，Tamama抖咗一陣之後好似迴光返照咁重新起筷；旖旎同阿文就互相挨住對方膊頭郁都唔郁，我極度懷疑佢哋腦海入面已經播放緊搭巴士返屋企嘅畫面；詩敏同Wing兩姐妹就褪後咗少少張凳喺度謦密欬，我當然識趣唔會打攪佢哋。
咦，點解食得最多嗰兩個停晒手嘅？
「哈哈哈哈哈！好低B呀！」
搞乜鬼？！小魔女同佢哋兩個咁好謦嘅？到底發生乜事，唔係我醉咗眼花吖嘛？無可能！幾條友望住部電話細聲講大聲笑，等我起身昅下先…
強：「唔係我哋恰佢呀，阿嫂叫到我哋奉命行事㗎咋…就連Tamama都係幫兇，段片就係佢影㗎喇！」Tamama聽到自己個名望一望，無乜反應…
「邊個阿嫂先？」小魔女疑惑地問。
豪：「唔重要啦呢啲，自己計timing啦，兩個阿嫂都想將佢餵鯊魚㗎啦。」
「哈哈！佢足足轉咗三圈先跌到落水！」
有啲嘢，道理我係明嘅，即係你兩條毒腐宅，要同女仔打開話題最容易嘅方法就係搵第二啲男仔嚟開玩笑；算，我都好清楚明白你哋因為廢先會出此下策，今日我就大人有大量由得你哋set我嚟做炮台較炮，唔同你兩個斤斤計較。
「唉，我都好想去船P呀，一次都未去過。」
嘩，小魔女妳哋醉喇，做乜咁主動。
豪：「最衰呢兩條友留班啦，無咗佢哋搞乜都阻手阻腳，一啲又話要溫書，一啲又話無錢，對面嗰兩條女又唔會自己去，如果唔係我都想搞多次。」
我：「你每次搞funtion除咗搵我哋笨掠我哋一筆重有乜貢獻？」
彤：「都OK啦，嗰陣睇住你飛落海段片都幾開心。」妳竟然幫佢講好說話。
重有，同詩敏同學玩奧斯卡其實係好開心，明明我同佢乜都做齊晒，但又要飾演到好似一般同學咁，呢種心動感覺未試過係好難會明。
「咁而家再搞多次屈佢哋兩個去咪得囉！」
豪：「得十幾丁友有啲難喎，同埋而家都八月，暑假檔期好爆唔知搶唔搶到…」
冰：「哆，你哋想要船咋，我打個電話就有啦。」
然後肥豪同傻強呆咗望住阿冰。
我：「阿冰…妳唔係屋企有私家遊艇呀？」
冰：「未有咁過份，不過我有同學屋企開遊艇租貸公司，佢剩係接我哋學校單都已經夠做咁滯。」
豪：「如果咁少人去架船會唔會好細？」
冰：「呢個錢問題嚟啫，其實佢如果有船idle嘅話，出細船同大船成本無乜分別，如果你哋日子無所謂嘅話我叫佢塞一日畀我哋就包平。」
豪：「好呀！絕對無問題！」
強：「一於咁話！」
鳴：「照除㗎咋！如果唔係唔去！」
睇嚟連一鳴都忍夠呢兩隻嘢。
我：「除咗照除之外，我淨係會出我同詩敏兩份㗎咋，一蚊都唔會畀多！」死都唔要再俾人搵著數。
豪：「得啦！你兩條友仔肯去就得！」
冰：「咁我聽日畀個期你哋啦。」
真係識人好過識字，易等冰今次撞彩掘到金礦…
強：「不過我哋搞嘅船P有個規矩，就係女仔一定要著比堅尼嘅！」
阿冰聽到即刻白眼佢哋，但就無出聲。
「㖿…你兩個好鹹濕呀。」
小妹妹妳哋醉喇，正常唔係應該say no㗎咩？
豪：「點會呢，咁樣係為咗令妳哋更加靚女咋！妳哋都唔想自己輸比嗰三個師姐㗎？」
彤：「姐你個頭！我係師妹！嗝…」
睇嚟女人醉咗都重識對呢啲嘢敏感。
「好衰呀你哋！如果唔使我哋夾錢就著啦！」
大個女喇…小魔女越嚟越識玩。
豪：「呢層，無問題吖，小意思嚟啫！」
我同一鳴矋住佢哋，警告佢哋玩女自己埋單。
強：「既然妳哋咁著數，泳衣款式就由我哋揀啦！」
「唔得呀，你哋肯定揀埋晒啲變態款！」
「咪係囉！肯定係得條線嗰啲…」
原來，妳哋都幾見多識廣㗎喎。
豪：「好喇，我哋作出讓步，而家猜枚決定啦，妳哋輸最多嗰個就我哋揀，輸第二就著比堅尼就得，輸最少嗰個就任佢著乜啦！」
高招喎，咁玩法肯定唔使著比堅尼嗰個都會著埋比堅尼，因為得自己著得太密實好尷尬㗎嘛；雖然呢兩隻嘢係唔識溝女，但諗game確實係有一手。
「喂，佢兩個喺度離間我哋呀…」
「但咁樣…我哋都係輸一個人啫。」
呢個時候有仔嘅旖旎望住佢哋奸笑。
豪：「放心！絕對唔會係一條線，起碼都係個三角形嚟，請相信我哋嘅人格！」
「講到你哋一定贏咁，如果你哋輸先又點呀？」
強：「君子坦蕩蕩，肉隨砧板上，妳哋想點就點啦…」我極度懷疑呢條友係M底。
豪：「總之妳哋嘅衣著都要跟返個排名嚟安排。」
「OK啦，唔好婆媽，嚟啦，怕你哋呀！」
豪：「啱喇，呢度重有大半枝香檳，等我哋清埋佢啦，邊個輸夠五次先就當輸，然後計排名，如果妳哋同分就再私片猜多鋪。」規則就夠晒認真。
我都懶得形容佢哋猜乜喇，都係細路仔嘢。
豪：「好，飲啦！」小魔女先輸一個。
嗯，荷葉飯好好味，富豪炒麪都係，佢哋顧住喺度玩，今次實飽死我同一鳴都似。
玩咗十零鋪之後，肥豪領先四分，傻強三分，三隻小魔女二二一，當然越多分越大鑊，而啲小魔女又飲多一兩杯後就更加紅。
「喂…頭先邊個話輸咗嘅話就任人魚肉呀？」
豪：「其實應該係傻強…」手持三分嘅傻強當然唔出聲，嚟到呢一刻其實邊個會輸都係未知之數。
「理得你哋，兩兄弟分甘同味啦！」
豪：「係嘅…如果輸咗…妹妹你哋想點就點啦。」
「輸咗就罰裸泳啦！我想睇下肥仔雞雞係咪特別細！」
「重要唔準遮住，企喺船頭跳落水！」
「好呀好呀！輸咗就要裸泳！」