【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 一人冇一隻鮑魚
QQ1.3M釋出
之後就係重頭戲，鮑魚同埋鵝掌扣遼參，睇住個侍應好專業而有技巧咁上菜，我終於搞清楚個死人主席乜嘢葫蘆賣乜嘢藥，同埋頭先阿冰嚟嗰陣佢點解方寸大亂咁。
豪：「太感動喇！呢餐每個人都有屬於佢哋適合嘅食物，保證條條仔都有鮑魚食！」
無錯，佢嘅惡趣味就係男仔食廿五頭鮑魚，女仔食黑漆漆嘅大海參…我諗在座所有人都知道佢喺度諗埋啲乜鬼缺德嘢，除咗乜反應都無嘅Tamama。
我：「喂，搵啲食物嚟玩你好唔好意思呀？」
豪：「我想㗎咩…每人一個餐太貴呀，係咪你個少爺仔包底先？」
呢啲唔成理由嘅理由，無人叫你嗌廿五頭嘅啫，況且你咁叫法要廚房開邊都係可以嘅。
豪：「唔係吖嘛！我都係跟返大自然嘅原理，配合返每個人嘅相性嚟點菜啫，你唔好以小人之腹度君子之心啦，個腦充滿骯髒思想真係唔要得。」
冰：「哈哈哈！」劍冰睇到我窘樣就特別開心。
敏：「哎呀，唔好嘈啦，有得食你就食，唔啱食咪同人交換囉。」
轉眼間，詩敏就用佢碟海參換走咗我隻鮑魚。
我：「喂，女神…咁樣好似唔多啱規矩呢。」
豪：「詩敏佢叫你含『 』呀，收皮啦！」
對於佢漏空咗個字，真係火都嚟埋，不過唔得閒同佢嘈住，對於鮑魚我都係有堅持嘅。
敏：「呢啲嘢你都食到厭啦，讓下我好應該吖，而且…以形補形唔係幾好咩？」
俾佢咁講，我突然唔識反應，腦海入面就浮現咗詩敏個下體出嚟，由我開始認識佢到而家都一直令我死心塌地嘅一隻鮑魚…嗯，唔止廿五頭嘅，廿五應該係曉彤嘅數目，女神應該係廿二頭，不過呢啲嘢又唔係越大越好，雖然佢心口都大。
我…呢個時候喺度諗乜？我都係想食鮑魚啫。
冰：「妖女嫌你唔掂呀，反省下啦，快啲襯熱食咗條『軟淋淋』嘅海參呀。」雖然我頭先係對妳好衰，都唔使咁還擊我呀，D1嘅女仔真係唔得罪得，Tamama我祝你好運。
旎：「你隻手都無力切鮑魚啦，爭乜鬼啫。」
雖然…呢個又好似係事實嚟。
文：「Tiffany，我知妳鍾意食鮑魚，我切埋嚟喂妳呀下。」好嘢呀下…我終於有閃光彈食。
詠：「詩敏呀，我同妳一人一半好唔好呀？」
敏：「咁就梗係無問題啦，姐妹如手足吖嘛。」
詠：「妳打完波都攰㗎喇，我幫妳切吖。」
彤：「抵你死呀，等你對女人咁衰吖嗱。」
係嘅，我以前真係對妳唔好，對唔住。
豪：「哈哈！實在係太大快人心喇。」
強：「笑…笑死，身為情聖竟然無鮑魚食喎！」
妖，區區廿五頭吉品鮑，我先唔同你哋班平民一般見識，你哋慢慢食飽佢啦，有海參食都唔錯。
「喂！唔公平喎，嗰條友就算啦，點解我哋三個無得食㗎？！」其他一pair嘅，點都會share嚟食。
豪：「唔好咁啦…海參有膠原蛋白，最啱女仔食，有護膚作用，同埋妳哋一陣會有杏汁官燕…鮑魚呢啲高膽固醇其實無乜益㗎咋。」
六隻鮑魚，八條海參，八碗官燕…你兩隻嘢都得㗎喇，竟然叫到酒家咁樣幫你拆餐，其實呢個安排確實幾好，男女各取其所好，算係做到嘢…但你兩個既然對我落井下石，我都唯有…
我：「講到膠原蛋白咁好，我叫酒家整碟賽螃蟹畀你咪得囉，唔好食鮑魚喇。」
其實呢啲酒家專賣硬嘢，唔會有扮上菜嘅賽螃蟹…
豪：「乖啦…妳哋一蚊都唔使出㗎喇。」
「話過係豪華大餐嚟㗎嘛，無鮑魚點得！」
「我要食鮑魚，交換啦，一齊以形補形。」
「呀下…你哋唔係話好想要女仔friend嘅咩？」
同你兩隻嘢講，你哋死硬喇，四隻小魔女，由Dreyer's開始，食到Haagen Dazs，再到Movenpick，都唔知鋸咗我幾多次，咁鍾意有女仔friend吖嗱，慢慢捱吧啦，走唔甩㗎嗱。
「傻強，你對我哋好好㗎可？」
傻強隔籬個小妹妹開始施展閃閃眼攻勢，雖然呢三隻嘢無拍過拖，但同我玩咗大半年之後已經完全唔驚男仔，應該識嘅手段都學識咗，應該明嘅嘢心入面都有個譜。
強：「咁…呢個…都OK嘅。」
「係惜我哋嘅話，就畀隻『鮑魚』嚟啦。」
呢種眼神，呢種語氣，講鮑魚兩粒字出嚟，係男人都會腳軟；拜託點到即止好喇，如果俾詩敏知道我上年同妳四隻嘢謦淫欬有幾開心嘅話，睇怕會招來殺身之禍。
強：「嗱…鮑魚。」
「畀返條嘢你呀下。」
傻強個低B仔，竟然喺度面紅紅咁。
精明嘅劍冰就好似洞悉一切咁喺度睇戲，而易等冰個心應該已經唔知飛咗去邊喺度切鮑魚。
豪：「懦夫…你…叛徒…竟然…」下個就輪到你。
強：「唔理呀！有得舐鮑魚…重要過有得食鮑魚！我唔想再得自己一個人喇，嗚嗚，我都想要女…仔friend。」都唔使激動到咁直白呀…
詠：「知你誠實喇，傻強，小心嚇親小妹妹呀…」
又未至於嘅，小魔女同我謦欬再鶻突嘅嘢都講過晒，唔好睇小啲妹妹仔。
「哎呀，阿強，我哋唔好理啲油淋淋…肥尸大隻份人咁小氣都有，唔好同佢做朋友。」
一隻鮑魚，就令到傻強變咗阿強，人間冷暖啊…
豪：「明明…全靠我妳哋先有呢餐…」
三隻小魔女理都唔理佢，開始埋手處理佢哋隻鮑…
我：「有無聽過打完齋唔要肥仔呀。」
豪：「妳，妳哋…好一個惡性競爭…咁我…唯有…嗱…」睇住佢棄械投降，真係心都涼呀。
「算你啦。」小魔女雙手接過鮑魚。
豪：「咁…我條海參呢？」
「無呀，你呢啲咁唔主動，要罰。」
豪：「嗚嗚，慘無人道呀，係咪想餓死我喎？」
「咪嘈啦，一陣啲炒粉麪飯無人同你爭呀，食住隻鵝掌先啦，好朋友。」
我：「一早叫你去食大家樂你又唔聽，自己攞嚟，橫掂都係食炒粉麪飯。」
豪：「男子漢，大丈夫，我忍！」
敏：「慢慢忍啦，隔籬呢隻都忍咗三年喇。」
鍾意食鮑魚嘅公屋妹妖女，真係好正嘅啫…
無鮑魚食嘅肥豪，烏低身去枱底唔知摷乜，唔係因為傷心得滯要瓹落枱底喊呀？過咗幾秒之後，佢抬咗之前放葡萄適個保溫箱上去佢張凳度…呢度飲嘢貴啫，都唔使自備呀，我重諗緊條友仔無理由會唔嗌汽水，點知佢打開攞咗枝嘢上枱面。
豪：「算！唔同你哋計較，難得今日開心…」
詠：「正！係我最鍾意嘅巴黎之…」
Wing姐講講下煞停咗，我諗佢都知自己講錯咗嘢；巴黎之花，係一隻香檳嘅牌子，Perrier Jouet，而我知道有一個人，屋企放咗一大堆巴黎之花喺個酒櫃入面。
鳴：「多謝我啦，唔止你一個俾人打劫㗎。」
我：「搞乜鬼呀…你估我哋實贏㗎咩。」
彤：「詩敏話過一定會贏㗎，佢話你唔敢輸。」
冰：「妖女！明明就差嗰幾分…總分都係我哋多啲，唔制呀！」
旎：「你哋嘅弱點又真係好明顯嘅，睇完準決賽之後都知咁樣打係最好。」
冰：「Tiffany妳放心，我單打唔會放過妳。」
豪：「哎呀，無人得閒慶祝你哋場季軍戰呀，阿冰，恭喜妳今日贏咗個好男仔返嚟！重有阿文，恭喜你陪人練波都可以贏到個地下情女朋友返嚟！至於啲打波蝦女仔嘅廢物，我喺度予以強烈譴責，影衰晒我哋啲男仔。」
唉，反正我任務已經完成，理得你哋點講。