【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 寧可出軌，不可出界
QQ1.15M釋出
敏：「你收咗我份禮物，咁就唔使呃我嘞，到時你出咗軌，可以直接同我講，你唔使驚我怪罪你，有乜嘢問題我哋就坐低一齊謦好唔好，我想我身邊可以有一個向我完全坦白嘅男人。」
我：「嗯，我明白…雖然無出軌嘅打算。」
敏：「你無打算啫，可能你身邊嘅女人有打算吖嘛，如果你再俾妹妹仔強姦，到時話我知我一定會幫你討回公道㗎喎。」
我：「唔好啦…我唔要被迫呀。」
敏：「同你講定呀，就算出軌都搵個優質啲嘅女仔呀，我唔想我嘅對手係啲唔三唔四嘅女仔，咁樣我會無心情同佢哋正面決鬥㗎。」
我：「點解係要講到我一定出軌咁喎…乜妳真係覺得我咁唔可信咩？我都唔係話咁受歡迎啫…」
敏：「而家應承咗你，到將來發生咗…就好似…因為你有我默許先咁做，我就唔會太過唔開心。」
我：「放心，我唔會做令妳傷心嘅事嘅，詩敏。」
敏：「又或者…可能出軌嗰個係我先呢，咁到時我就無咁重罪惡感，因為我都俾咗你出軌㗎嘛。」
我：「…」
我佩服到佢五體投地，點解打緊比賽可以諗呢啲…
我：「咁如果輸波點算？即係唔出得軌？」
敏：「輸波嘅話，咁你實在太廢J喇，唔使你出軌，我去搵過第二條J幫我後面破處好過。」
我：「放心！我一陣就強姦到阿冰高潮為止畀妳睇。」喊，係唔夠嘅，阿冰，對唔住喇。
敏：「咁就啱喇，係威係勢，記住中出埋佢呀！」
我：「如果有咗點算？」
敏：「無乜點算，到時我會好好恭喜你。」
詩敏…係真的黐線的…
敏：「好好打波啦，上面好多人睇緊你表演㗎。」
我望一望上面，成班同學都望住我…其實，我唔expect有咁多人睇住自己打波嘅，有自己嘅EX曉彤喺度，有麻煩嘅Tiffany妹妹喺度，唔知佢哋諗緊乜呢，應該支持緊我掛…反而肥豪同傻強兩個就似係認真睇波嘅，兩個撓埋手若有所思咁望住個球場，希望佢哋唔係又開緊賭盤做莊啦；另外重有好多其他觀眾，因為隔籬場嗰啲走晒過嚟睇，包括兩隻怪獸球手。
嚟到第三盤，第一球由右手邊嘅詩敏開出…不過一切都唔再重要，我唯一要做嘅就係繼續炮轟落阿冰度；咁當然啦，詩敏嘅防守同快速調動係好重要嘅，亦都大大咁限制咗對面打四方球嘅得分效益；另外就係唔知點解，當我知道嗰條木嘴喺度䚎緊詩敏條底底嘅時候我就特別興奮，就好似我喺度幻緊想每一下殺球都會打落佢嘅胯下度…
真係不知所謂，明明身邊就有個咁正嘅女仔喺度，又會同你打波打上床，重要䚎其他女仔嘅底褲，男人真係吖，呵呵…
好快就殺到不亦樂乎，其實過咗十一分之後，我隻手已經無乜感覺，每一下嘅進攻都好似set咗自動導航系統咁，當我感覺到個球線可以進攻嘅時候，就會自然揮動上臂，個波就會跟住直飛落去阿冰嘅身邊…
我知道我隻手已經over咗，只不過暫時嘅運動神經亢奮麻痺咗我嘅痛楚，積聚落嚟嘅乳酸早就侵蝕緊我嘅身體；但無辦法，最後呢幾分我一定要盡力打埋佢，就算我有可能以後都打唔到波都咁話，因為睇怕我呢一生都唔會再有機會喺呢啲大比賽上面出現，而且為咗詩敏…
喺我嘅瘋狂炮轟下一直都領先住兩三分，我亦都知道阿冰已經俾我打到得返半條人命，始終喺我哋solo對決下，男仔嘅體力點都有少少著數嘅。
嚟到十五比十二，發生咗一件小插曲，就係我喺中場重殺嘅時候聽到嚓一聲…無錯，就係因為斷線個波插咗入塊拍入面；無辦法啦，粒波過唔到去變成十五比十三，但無問題，因為我知道我一定要贏；本來有呢啲意外我係可以換拍磨返大概一分鐘嚟抖下嘅，但嚟到呢一刻已經無作用，無必要，我只係想盡快了結咗呢場賽事佢，所以我換返原本塊拍就即刻返去場上面。
敏：「無嘢吖嘛？會唔會有影響…」
我：「唔會，而家畀塊GOMA我都照打呀！」
敏：「如果係咁你一早就可以慳返一大筆啦！」
咪玩啦，只限而家咋，我差唔多連拎住塊拍有幾重都唔知，莫講話用手腕控制塊拍，我就連揮拍撞擊嗰下嘅衝力都感受唔到，可以繼續打落去全靠肌肉記憶同埋身體嘅自然反射動作。
唔做開劇烈運動嘅大家未必明，就好似跑馬拉松去到最後幾公里，你對自己身體嘅掌控力已經所剩無幾，你係會無乜感覺唔知自己係點樣跑緊，而個身係會自動郁，但可能無端端有個人衝出嚟你要主動調節避開佢嘅時候，就會左腳戟右腳人仰馬翻。
唔止我，嚟到最後關頭就連詩敏都決意要將自己燃燒殆盡，全靠佢喺前場快推，兼且走勻全場幫我補位，無止境咁逼迫阿冰先可以為我製造到一次又一次嘅機會。
嚟到十九比十六，我哋已經勝利在望，阿冰嘅頑強意志力快要俾我哋消耗到土崩瓦解，焦急嘅重壑就只可以喺隔籬眼巴巴睇住自己嘅隊友苦戰束手無策；無辦法啦，你哋一開始嘅打法就保證咗會有呢個致命嘅弱點，嚟到而家勉強走位唔會帶畀你哋任何意義。
要知道男女授受不親，男左女右就係人都識，男上女下，女上男下，前後不分呢啲係真係要喺床上面先可以學到；精英真係精英，唔怪之得打混雙係一定要打到上床，床都未上過嘅你哋唔該好快啲乖乖認命…阿冰，如果妳要換過個男partner嘅話，麻煩妳搵一個敢毫不猶豫中出妳嘅男仔啦。
眼前嗰粒冰嘅眼神已經俾我同詩敏心底入面燃燒出嚟嘅殺氣化做液體，氣勢盡失之下對住詩敏嘅劈殺就只可以回彈到粒中空波嚟我面前；啱喇，最後幾下，隻手打完可以唔要㗎喇！
跳起，扣殺，我瞄都唔使瞄，隻手已經用盡全力將個波射穿阿冰嘅小龍門，直飛胯下再打落後場底線前面；無錯，阿冰就係咁樣俾我中出咗。嚟啦，阿冰，妳都幾靚女，妳快啲輸埋俾我之後我就攞正牌出軌，到時我又拍下妳打混雙好唔好？打到上床嗰隻㗎喎，我一定會好好補償返妳惜到妳燶。
二十比十六，幾球混戰之後又變咗個中空波，詩敏今次直頭踎咗喺度將個波交畀我處理，而我就喺後場彈入助跑再跳高，上臂拉弓準備狠狠咁將最後嘅力量發洩出嚟，用精力完全咁令粒冰變做一堆液體，如果唔係點同妳水乳交融呢？
當阿冰札好最後嘅馬步準備面對我嘅炮轟之際，我突然發覺到自己隻手好似飛機失重咁，揮到去一半突然啲力唔見晒…死火喇，睇嚟我隻手已經玩完；我成個上半身變得僵硬無比，再打直咁跌返落地跪咗喺度。
「啪…啪…啪…」又係嗰條仆街最先鼓掌。
跟住全場掌聲雷動。
啱啱，我隻手揮到一半突然發唔到力，於是乎鎖死咗塊拍喺半空，粒羽毛波輕輕觸碰到我手上面嗰塊凝結咗嘅球拍，再滋油淡定回彈過球網，最後直不甩咁跌咗喺對方嘅網前地板。
我估唔到，阿冰都估唔到，我諗全場都估唔到，最後嘅呢一分係會以呢種方式嚟了結呢場賽事，而阿冰今次真係好似急凍咗企定定望住粒波慢慢跌落地郁都郁唔到。
廿一比十六，贏得我好辛苦，我左手撐地，右手握住個拍柄插落地面，隻右手連帶住球拍喺度震緊；我只係知我攞咗個季軍，其餘嘅嘢乜都唔想理…我只想…求祈喺灣仔訂間酒店房即刻衝上去大覺瞓。
都係唔得，唔可以太求祈，灣仔嘅話就Grand Hyatt啦，不過呢度行過去好遠，要搭的士…
敏：「死得未呀…要起身同人握手喇。」
詩敏講完就用力拉起咗我隻左手，然後詩敏同重壑握手，我震住咁同重壑握，詩敏同冰，點知阿冰嚟到我面前嘅時候收起咗隻手。
冰：「我憎死你呀！」
第一次…打完波之後對方拒絕同我握手，唉，又傷害咗一個天真嘅女孩子，本來我重想同佢講啲乜，但係佢已經頭也不回咁擰轉身返去場邊執嘢；我哋作為今日所有賽事最後一場嘅勝方，詩敏就走去負責同裁判握手。
而我就攤咗喺場邊啲凳度，執嘢都無力…
豪：「呢度少少意思，自己揀啦。」
肥豪同傻強一人秤住一邊手抽，搦咗個保溫袋落嚟打開，入面有各種口味嘅葡萄適，保礦力，佳得樂等等…估唔到佢哋都幾有心意㗎喎，不過我首先想攞嘅唔係嘢飲，而係入面嗰幾包冰；我用左手僅餘嘅氣力抽起一包冰敷咗喺右手度，舒服晒。
然後再將一枝可樂味嘅葡萄適攞喺手，問題係我右手已經震到無力開，亦唔見得用牙可以轉得開，而我更加唔係可以用左手單手開蓋嘅癲佬。
我：「喂，大佬幫我開一開吖。」
強：「無嘢呀？咁大個人重要人哋幫你開蓋，細路仔咩，使唔使倒埋落奶樽度畀你飲。」
算，要求呢兩隻嘢重慘過哀契弟，都係靠自己好過，於是我擘大隻大髀用啲髀肉夾住枝冰凍嘅葡萄適，再嘗試用左手打開…
點知呢個時候有人一手搶走咗我髀罅枝嘢飲，好輕鬆就同我打開咗個蓋。
彤：「嗱，飲啦。」
我：「多謝曉彤…」每次嗌佢個名都有一種難以名狀嘅感覺湧上心頭，總覺得…分開咗之後先會掛住呢個傻妹以前對我做過嘅一切。
彤：「恭喜晒你呀，今日嘅你好型仔！」
哈哈…係咪即係話我，以前日日對住妳嗰陣從來都無型過呢？曉彤姐姐…
呢個時候Tamama唔知搞乜，喺個袋度攞咗枝寶礦力行咗去對面場交畀執緊嘢嘅阿冰，而重壑已經走咗唔見人。
豪：「叛徒！Tamama你做乜？肥水不留外人田呀，你竟敢私通敵國…」
我：「由佢啦…對面個女仔已經好慘…」
我制止咗肥豪追殺Tamama，的確我都覺得有少少對唔住阿冰，但如果咁樣行過去say sorry實在太假惺惺貓哭老鼠，所以…多謝Tamama幫我將少少心意帶過去喇。
強：「嗚嗚，睇到你頭先殺到阿冰片甲不留實在太大快人心喇！女仔都係衰人嚟，你簡直係幫我哋出咗一大口氣呀！點解乒乓波無混雙㗎，我都好想用晒渾身解數嚟打到對面個女仔崩潰呀，等妳哋成日睇唔起我吖嗱。」
唉，點解我會有呢啲低B變態同學做我師兄㗎，其實如果你球品好少少，女子隊嗰邊啲人又點會唔同你打喎，憑你咁嘅款想溝女睇怕重早咗一百年…
Bug發現：2010葡萄適係無可樂味，但應該有檸檬味，而家反而無咗，兩隻味好似無喺香港並存過。
P.S.講起灣仔就想寫哈廸斯，奈何06年尾已消失。