【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 陰濕股滑女神好雙乳
210k釋出
我哋雙方都停一停不約而同咁望過去，廿一比十六，兩局內已經分出勝負決定誰是冠軍；睇嚟喺對方嘅力挽狂瀾下，嗰對怪獸組合仍然係可以毫無懸念咁取勝，雖然嗰條仔係會天然地撩架嗌，但佢女partner其實都幾得意，無論如何都要恭喜佢哋。
只不過我哋呢邊先十五平，睇嚟重要惡鬥多好一段時間…阿冰妳快啲融啦，我重要強姦妳多一盤㗎。
嗰邊廂嘅鎂光燈閃個此起彼落，呢邊廂嘅我哋戰火重燃；戰況繼續拉鋸落去，嚟到二十比十八，重點係我哋二十分，只要我哋攞多一分就可以解決呢一盤，無論如何嚟緊呢兩分都係機不可失，只要一打到deuce我哋嘅優勢又會無晒。
呢一分由企喺右手邊嘅詩敏開波畀重壑，可能因為佢哋都知道我嘅體力已經消耗得七七八八，殺球嘅威力開始減弱，佢竟然主動咁回咗一個右手邊嘅高遠球過嚟；無錯，我同詩敏早就謦好，有遠球可以殺到嘅就全部交晒畀我，所以我話咁快就跑咗去右手邊一嘢殺去阿冰度，而詩敏就即刻補返位去左邊前場。
後場扣殺嘅威力係有限嘅，加上阿冰早就知道自己係目標而準備妥當，擅長拉吊嘅阿冰為咗避免詩敏突襲又或者我會越殺越前，韌力驚人嘅佢竟然完全放棄咗上手回波，每一下都隨住我殺球嘅球道而調節身體走動，等到個波落地前先用下手用力咁挑返嚟後場，而大家都可以預期我又會繼續殺返去畀阿冰。
對面呢個戰術都可以話係將計就計，明知我哋嘅目標只有阿冰一個，而所有殺球都會由我嚟包辦；既然係咁，阿冰就一於回返晒畀我殺，可以話只屬於我同佢嘅正面對決，就睇我殺到無力自我崩潰先，定係佢接到手軟發生失誤先。
就喺我哋私片嘅時候，攞完冠軍對怪獸組合無端端坐咗喺我哋對面嘅觀眾席前排上面，我諗係因為佢兩個已經被訪問完掛，唯一要做嘅嘢就係等埋我哋呢邊賽果然後頒奬…呀，唔係…條仆街仔重有一個任重道遠嘅環節，就係欣賞詩敏嘅裙下春光…呀…我唔知呀，但打緊波嘅我想還擊昅返佢partner對美腿都實在分身乏術。
同一時間，阿冰亦將我嘅位置由右後場調咗去左後場，變成對角殺球下威力就會再打一個折扣，不過既然策略已經一早定好我都唯有繼續殺落去；無波打嘅詩敏就補返去右前場，可以肯定嘅係佢而家點都唔會走光，即係嗰條仆街仔就九成九睇緊我做殺球表演，諗起呢點就令到我渾身唔自在；大佬，我唔係你呀，唔係下下都可以做到對角跳殺射穿對面防守㗎…
突然，阿冰一個變調向前踏出一步，呢一板由拉變成吊；俾阿冰調到去左後角嘅我當然就反應唔切接呢一下放網，好在說時遲那時快詩敏已經趕到嚟我嘅前面，但由於阿冰回得相當之刁鑽，搞到詩敏接到唔湯唔水…死！右邊空晒！
就係因為我發呆咗呢零點一秒，重壑已經跑咗上嚟前場跳高欄截點殺落我哋嘅右邊T字位度，其實…真係好靚，就算我無發呆睇怕呢一分都係失硬…二十比十九，對住佢哋打到想喊咁滯。
唔得，一定要冷靜，下一分絕對唔可以再失！
敏：「靠你喇，堅持住。」
女神嘅淡淡一句，輕輕嘅一個眼神，就係我哋最好嘅溝通模式，一路走嚟已經歷太多，用最簡單嘅方式就可以互相明白。
呢一球由對面左手邊嘅阿冰開波畀我，開波前佢望到我實一實死盯住我，就好似要食咗我咁；雖然望落去佢依然係好冷靜，但我早就知道佢已經怒火中燒；唔知點解我覺得佢有啲似曉彤望住我，睇怕如果個場得返我同佢嘅話我係會狠狠咁食佢一巴。
無所謂，阿冰，一巴好閒㗎咋，我同妳講，呢一分我食硬妳呀！我同佢互相對峙，呢種無形嘅眼神角力竟然令我感到越嚟越興奮，曾經有人同我講過，激烈競爭運動所帶嚟嘅高潮其實同性愛並無二致，嚟啦，阿冰我需要妳呀！
知道我會傻咗猛攻嘅佢今次開咗一個短波過嚟，球道非常之靚，而且喺我反手位，所以都唔使諗點攻住，於是我又輕輕挑返一個大斜角近網畀阿冰，佢深知道呢一下可以剋制住我嘅攻勢於是食過返尋味繼續打我反手。無錯，佢已經幾乎唔會回波畀詩敏，與其以一敵二，倒不如同我one on one；而呢一球我又繼續斜角挑返畀佢，但我知道再咁落去一定又會走入佢嘅圈套入面，打控球係佢嘅強項越磨落去就越容易敗喺佢嘅變調。
點搞好呢？夾硬挑個高遠球畀佢？玩嘢回返畀條仔？好似都無乜用…唔得，要先下手為強唔可以再俾佢擺佈落去。去到第三下，當我見到佢塊板劃線嘅時候就知佢要重施故技，我先一步踏咗去左手邊，我會點打？繼續挑波放網？繞頭快推？都唔係，我無呢個美國時間繼續同佢拖落去，我再行前一步，右腳踏左，斜背對住個網用後眼嚟感受個波去到邊，呢個波唔太高，亦唔太貼網，不過就好斜…啱啱好夠我反手欄截點殺。
「啪。」一聲，我根本睇唔到個波飛咗去邊，然後全場一片安靜，死火…會唔會出界呢？我聽唔到網聲應該就唔會落網…
「啪，啪，啪…」首先聽到嘅係怪物男嘅掌聲，然之後開始到其他觀眾嘅鼓掌，跟住詩敏亦走過嚟攬住咗我；我望一望，原來粒波跌正喺佢哋後場中線入面，我攞到呢一分，繼而盤數打成一比一。
敏：「呢一球好靚呀！可以繼續打第三盤喇。」
中盤休息，我同詩敏去到場邊回氣。
我：「嗯…但係…我就散喇…」
敏：「唔得，你唔可以咁快散住㗎。」
我：「好難控制喎，我唔知自己重可以維持到幾耐…我驚打打下一陣累低…我覺得可以打成咁已經無悔無憾，呢個第三對我哋嚟講可能真係無咁簡單…」
敏：「喂！係嘅，輸贏可能的確唔太重要，但你打到而家先嚟嗌有心無力，你咁樣對得住阿冰咩？」
吓…無力就無力㗎啦，我點樣對唔住我嘅對手？
敏：「你諗下喎，你已經不擇手段咁去打亂對手嘅陣腳，就好似你將阿冰推入牆角，再一件又一件咁剝晒佢啲衫…」
我：「喂，我邊有咁變態呀？！」
敏：「係咩？你問下阿冰囉，又或者問下其他觀眾點睇囉，你嚟到呢一刻先嚟同阿冰講，『我玩夠喇，無力再強姦妳喇。』，然後就留低個赤裸裸嘅女仔喺牆角度再迤迤然走開，你估佢會乜心情吖？觀眾睇住你奇兵有異於仁義，但最後你竟然同人講輸贏無乜所謂？！」
我：「我又唔係話放棄…打到嚟呢度當然會繼續盡力啦，但妳要知道人嘅體力係有限。」
敏：「係吖，所以嚟到呢盤係靠你精神同意志。」
我：「嗯，我會…好好努力。」
敏：「如果呢場贏咗，我送樣嘢畀你吖。」
詩敏又用佢古靈精怪嘅眼仔轆轆嚟望住我，真係諗唔明點解佢打緊比賽途中都可以有咁多諗法…
我：「妳重有乜可以送畀我呀？幫妳後面破處？」
其實我都係隨口亂噏，因為諗唔到佢重有乜我係得唔到，斷估佢唔會叫我贏咗就婜佢掛…
敏：「哎呀，如果你鍾意呢啲嘢嘅話，我又點會唔同你試喎，傻豬嚟嘅…」
真好嘢，本身打波已經夠晒㷫熻熻紅卟卟，詩敏呢個moment重要無端端整個閉月羞花咁嘅衰樣出嚟，本身就虛脫嘅我受到刺激又精神為之一振！
我：「喂，係都過兩日先啦，J都無力硬喇…」
敏：「嗱，如果贏咗，我准你對我出軌三次啦。」
乜？！乜事！？我無聽錯呀，贏咗場波我就可以出軌？聽落好似好吸引，但真係唔知呢個係乜嘢邏輯嚟…唔通呢個又係女神嘅一個圈套？
我：「喂…妳咁講係咪想我輸波咋？」
敏：「點解？你一定要贏，我要你贏。」
唉，做乜要強人所難喎，打波咪打波囉，點解係要將輸贏同呢啲嘢掛勾…但諗落佢又真係咁。
我：「詩敏…我都無諗過要背叛妳…」
敏：「你而家梗係咁講㗎，我哋都重有大把青春，你敢百份百同我擔保你無機會出軌？」
我：「我…我…」
敏：「我乜吖，快啲贏咗場波，收埋我份禮物啦。」我望住佢瞳孔，從來都唔識反抗。
我：「對唔住…我應承唔出口…」
敏：「我無怪你喎，總好過你隨便誇下海口，到時又變成呃我吖。」
我：「詩敏…你知我係對妳真心，點會呃妳呢。」