【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 人多就要開P的不成文規矩
215k釋出
跟住詩敏同Wing都走咗埋嚟一人攞起一枝嘢飲。
敏：「喂，要頒奬喇，唔好要人等呀！」
係喎，我剩係諗住贏完就算，唔記得咗今日呢場係show嚟嘅添；就算再攰，都要行上個頒奬台上面俾啲三唔識七嘅人影相，企喺第三名嘅位置上面做嗰對變態sex parter嘅襯托…唉，打波都有自動導航mode，我好想有人攞咗個搖控remote住我周圍行呀，喺我可以正式累低之前。
然後行上台，接受頒獎，再俾人影相…我竟然覺得好鬼死老尷，打咗咁多年波，讀咗咁多年書，都未試過上台攞奬嘅；早知以前就唔好咁懶報下sport day玩下，我諗要攞一個半個牌都唔係太難嘅。
「喂，詩敏妹妹。」早知條仆街一定會開口。
面對住眾多鎂光燈嘅閃耀，我諗佢哋一早就慣晒，慣到可以keep住個微笑喺頒奬台上面撩女仔；詩敏企喺我右手邊，而佢右手邊高一格就係嗰條仆街仔。
敏：「做乜呀，麻煩友？」詩敏亦都輕鬆回覆。
「唔知，我重有無機會同妳打波呢？」
敏：「無㗎喇，我重要讀書。」
「哎喲，咁真係大嘥，明明妳咁有潛質。」
屌，明明我頭先表現得咁好，又唔見你讚下我。
敏：「傻啦，唔通入嚟體院做B隊同你哋練波咩。」
「唉，靚女妳唔好咁睇通睇透得唔得？」
敏：「論睇通睇透我又點夠你對眼嚟呀？」
「係呢，想問下點解今日係薄荷綠而唔係湖水藍嘅？」就算攰死，都仍然有想打架嘅衝動。
敏：「琴日洗咗未乾，所以咪唔同色囉，低B…係呢，你問埋啲咁嘅問題，唔驚你隔籬個女伴黑面㗎咩？」
「如果咁小事就黑面，我哋重點喺球場上面一齊打波呀，落到場就講過信字㗎啦。」
佢又講得幾有道理嘅，平均嚟計重壑同劍冰嘅實力絕對喺我哋之上，就算唔計詩敏嘅傷患；但就係因為佢哋兩個打得太分工而無整體性，所以先會俾詩敏嘅奸計得逞。
「我都信你睇得好開心，平時我著親都係CK黑白灰，怕且你都對到無晒興趣。」
「唔好咁講啦，各有特色嘅啫，但正所謂窈窕淑女，君子好逑，欣賞美好事物之心人皆有之…」
「得喇，知你好興奮，難得贏到冠軍，一陣幫你打個飛機嘞。」明明贏梗咁滯…做乜咁謙虛。
「嘩，做乜咁好死呀，多謝晒喎。」
屌，咁係咪幫佢J嗰陣佢會諗住我女人呢？但呢啲嘢又無知識產權嘅，我都阻止唔到佢，唯一可以做嘅睇怕就係諗返呢個同我一樣高嘅姐姐嚟射精…唔知，係咪鍾意運動嘅人都會特別開放嘅呢？呢對怪獸組合又係咁，詩敏暗地裡就更加唔使講。
「客氣啦，為咗令你刺激啲我會用辣椒油洗乾淨隻手先再幫你，包你有耳目一新嘅感受。」
「…」女人…實在係唔講得笑。
敏：「呢個主意幾好，等我第時都參考下先。」
頒完奬一落台，就有體院嘅教練走埋嚟派卡片同埋同我哋寒暄幾句，不外乎係讚我哋打得唔錯，問下我哋會唔會有意向投身專業運動員咁，而我哋就當然例牌回覆慎重考慮一下啦，雖然係無可能；不過我喺度諗，如果真係入去打混雙，睇怕好可能會同對怪獸打埋換妻，重點應該係詩敏肯就得，對面條女睇怕就好吃得開。
「兩位好呀！你哋好似係大賽嘅新面孔嚟喎，對於第一次參加公開賽就攞到咁好嘅成績，想問下兩位有乜嘢感想呀？」
無端端有個姐姐仔彈過嚟，睇怕就係唔知乜學界體育版嘅記者嚟嘞，我都攰到個腦停止思考咁滯，呢啲公關嘢當然交晒畀我身前嘅女人啦，至於佢答咗啲乜，其實我都唔係幾聽到入腦。
「咁你呢，志華先生？」
我個樣都擺到明唔想出聲㗎啦，做乜係要強人所難喎，但畢竟攞到奬又無理由唔答佢問題嘅。
我：「我今日所擁有嘅一切，全靠我身邊呢位女仔，多謝妳，X詩敏。」
然後個記者姐姐聽到呆咗，繼而露出傻笑，跟住我就拖住詩敏隻手離開現場，實在唔想同啲陌生人再繼續糾纏落去。
敏：「無嚟正經，咁樣答人哋都有嘅。」
我：「吓，我只係講緊事實咋喎。」
事實就係詩敏搵返我打波，再一齊撞到曉彤，之後嘅所有嘢，詩敏成為我嘅女人，一齊去沖繩旅行，到今日攞到混雙季軍，都係全因為佢。
敏：「但弊在你咁樣答人聽到想嘔呢…」
我：「未驚過，鍾意就原汁原味放落報紙或者體育雜誌啦，等全世界知妳係我女人無人敢搶走妳。」
敏：「知你鍾意放閃喇，情聖。」
我：「唔准再笑我呀，淫賤初音。」
確實又真係幾sweet嘅，而詩敏都面紅紅咁。
返到看台，我又攞多枝葡萄適檸檬味嚟飲，今次輪到詩敏幫我開嘞；其實我真係好鍾意飲呢樣嘢，加埋兩個幾禮拜無食過澱粉咁滯，由今晚開始我終於可以放肆亂嚟；最多係唔食咁貴，一次過食焗豬加肉醬意差唔多啦。
我：「咦，得返你哋幾個嘅？」
強：「你嗰幾個女同學，同埋曉彤一鳴話去Time Square行街喎。」
嗯，都正路嘅，幾個小魔女要re-u，嚟緊曉彤一鳴同我哋同班，佢哋熟絡下先都好；而Wing就喺度同詩敏謦欬，佢唔跟埋去行街都正常嘅，無謂同EX面阻阻啦。
我：「阿文你唔跟埋旖旎去行街？」
文：「黐線嘅，做乜要陪佢行街，容乜易佢報仇咁報迫我幫佢埋shopping啲單㗎！」
你呢個死直男無得救㗎喇，旖旎都唔係咁差啫…
文：「係呀！頭先第二局同第三局我幫你哋影咗好多片呀，睇下，你哋可以留為紀念喇…」
我：「得得…第時先慢慢睇呀下…」
確實我都唔係幾想睇返自己點虐待阿冰，雖然當時係殺得好興奮。
我：「咁而家點呀？係咪散㗎喇？」
強：「你問呢個囉，佢揸莊嘅。」
傻強指住肥豪，而肥豪由啱啱開始就一直攞住部電話講個雞啄唔斷，都唔知搞乜鬼。
豪：「乜嘢散呀！難得咁多人出到嚟梗係要搞返個慶功宴賀一賀你兩個啦。」
我：「吓…但係我好攰想快啲返去瞓覺喎。」
豪：「無得謦呀！呢度所有人為咗睇你打波咁遠水路走過嚟，你唔準縮沙呀下。」
我：「唓，又無人叫你哋嚟嘅…咁，快快脆脆出返去灣仔道食大家樂囉。」
豪：「我大家樂你個頭呀，有我呢個班會主席喺度搞嘅班會活動點可以食大家樂咁cheap，我啱啱已經訂咗位喇，今晚就豪一豪佢啦。」
我：「乜春班會活動呀？呢度夾埋有兩個form四班嘅人喺度喎，又唔見你選學生會主席？」
敏：「由得佢啦，去食飯都唔係好攰啫。」
詩敏…真係龍門任妳搬，一時又話我出街食都唔俾要自己煮，一時就叫我同呢件嘢一齊癲。
我：「咦，係呢，唔見咗Tamama嘅？又行街？」
強：「唔係喎…佢話行開一陣，跟住就無見過佢喇，可能肚痛走咗去爆石掛。」
敏：「咁你book咗幾點喺邊度食呀？」
豪：「喺銅鑼灣咋嘛，book咗七點半囉。」
敏：「咁電話聯絡啦，我哋去沖涼換件衫就過嚟，一陣見。」
我哋頭先場波激戰咗七十分鐘有多，搞埋啲無謂嘢而家已經六點九，沖埋涼就啱啱好。
去到更衣室門口走廊我見無乜人，就一嘢抱住詩敏，再聞落去佢條頸度。
敏：「搞乜鬼呀，低B仔…」
我：「詩敏，我愛妳。」
敏：「我都愛你，但你做乜突然咁樣呀。」
我：「我又要薄荷綠，我同妳喺同一邊都睇唔到。」然後我左手隔住裙摙落去佢pat pat啲肉度。
敏：「哈，咁快就識硬返喇咩，重以為你真係郁都郁唔到。」
我：「右手郁唔到啫，有妳喺度條朘幾時都識郁。」我壓咗落去佢下半身，郁條嘢嚟頂佢肚仔。
敏：「使唔使我而家除條薄荷綠出嚟畀你入去用呀，鹹濕仔？」
我：「唔使喇…左手都唔夠力打住。」
敏：「咁快啲入去沖涼啦，今晚你可以食餐好喇。」我哋嘴對嘴啜咗一啖，就各自入去沖涼。