【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 男人唔食豬扒食牛扒

QQ1.05M釋出

女丙雙打確實無乜好睇，九個字唔夠就打完，而且啲細路女比起我身邊嘅女人呢，咳咳…實在係乏善可陳，我又唔係鍾意洗衫板嘅妹控。
嗯，然之後到女乙，咦，好似有啲好睇喇喎。
呢種剛剛發育嘅小師妹呢，同Tiffany都差唔多。
敏：「喂，你哋唔係話去食飯㗎咩？」
我：「咁急？十一點幾咋喎。」
文：「係囉，都重可以睇多一兩盤先。」
敏：「哈，想留喺度睇妹妹仔咋掛？」
我：「傻啦，識睇梗係lunch之後返嚟睇女甲啦。」


敏：「你認為你會唔會有呢個機會吖嗱？」
我：「可能…妳會想參考下佢哋打法呢？」
旎：「再唔行唔請你食飯㗎喇！」
搞乜鬼喎，啲女人真係吖，睇下其他人打羽毛球比賽都要爭風呷醋，服咗佢哋。
算啦，早啲食完早啲返去抖都好，本身自己都已經好攰，於是我同詩敏就換返衫一齊出發，搭的士去金鐘；放過我啦，四個人去金鐘搭的士好抵㗎喇，我唔想再摷呢度有邊架巴士可以去到金鐘…阿文主動去咗前座坐，詩敏就分開咗我同旖旎，唔知係有心定無意嘞。
廿分鐘就去到金鐘力寶中心，十二點幾啲人都未放飯所以間餐廳都幾多空位下，入到去坐低就攞起份餐牌睇；set lunch有忌廉湯，薯菜，甜品，點睇詩敏都係唔會俾我嗌㗎喇，最後我哋決定share一塊16oz嘅ribeye，一份細嘅燒蝦，一份女神揀嘅唔知乜沙律；喺我努力爭取嗌多份crab cake之下，最後都係俾人reject咗…
揀好就點菜，我哋嗌先…然後…
旎：「愛份Ruth’s chop salad吖。」
文：「食草就夠嗱？」
旎：「對住你無心情食呀。」


都唔知好嬲定好笑，聽到Tiffany咁講嘅侍應姐姐繼續維持住一貫嘅職業笑容。
文：「愛份Tomahawk ribeye吖。」
今次侍應姐姐反而郁咗一郁條眉…正常嘅，有幾多人會日光日白一條友嗌一份Tomahawk喎，成四十oz一公斤有多，一塊扒已經要八百蚊，真係服咗佢，好彩贏餐飯啫，唔使食咗人哋隻車呀，咁嗌法同去文華廳或者龍景軒已經分別不大。
我：「阿文…你食得晒㗎？」
文：「機會難得，俾我任性一次啦，我咁大個仔都未食過Tomahawk，真係一次㗎咋。」
懶得理佢有幾感動，只係見到Tiffany塊面紅晒咁滯，願賭服輸啫，都唔使嗌全餐牌最貴嗰樣嘢呀，雖然呢兩隻嘢頭先又真係吹到咁大。
我：「唔好話你，我都未食過，因為真係好難食得晒，share嚟食又好麻煩。」
好似我同詩敏咁我一啖你一啖喂埋入口就話無乜所謂啫。
文：「食唔晒咪分畀個傻妹，橫掂係佢找數。」
旎：「乜嘢傻妹呀！」Tiffany塊面重燶過牛扒。


文：「妳睇少志華都唔好睇少詩敏吖，係咪唔記得妳幾年前俾佢打到喊呀，頭先佢喺網前不知幾穩定，我數過廿六分入面，對面自己打失四分，詩敏攞十二分，志華攞十分，嘻嘻，要怪就怪師姐打得咁出色，叫佢呵返妳啦。」
乜事…呢條友竟然計到咁精準？！即係話詩敏打得好過我嘅啫，雖然我都唔否認，對住呢啲怪獸級對手喺後場真係好難有所發揮，反而詩敏網前突擊好多下都好靚；至於對面打失嗰四分，我諗至少有兩分要歸功於詩敏條顯眼嘅底褲。
睇怕，嗰條仆街仔而家一定喺度諗住詩敏條底嚟扑佢條…partner；其實嗰個女仔都幾好呀，又高又瘦黑黑實實fit到漏油，成個御姐咁款，雖然個樣係普通咗啲，但氣質搭救吖嘛，如果有得交換嚟玩下我都制㗎。
嗯…如果交換嚟打混雙又會點呢？好似，換條仔返嚟拍我開心啲，重點係喺佢嘅攻擊力度。
黐線…我到底喺度諗緊乜？
旎：「詩敏姐姐…」
敏：「唔好喊啦，下次請返妳食飯。」
你個死人阿文呀，真係抵你做異性絕緣體，平時無女黐埋嚟都話事不關己啫，而家難得有個妹妹仔喺你身邊都重係咁；都唔知係你本身性格係咁吖定係有心想激走啲異性，抑或係你睇唔起旖旎妹妹上眼；點都好，唔理喇，愚子不可救也，你慢慢練你嘅少林拳啦。
到上菜，Tomahawk係堅大塊，成隻手臂咁長，直頭唔食攞嚟睇都正，咁震憾嘅場面結果兩條女又要同塊扒合照留念搞咗一輪；至於阿文食唔食得晒？食得晒都唔應該勉強啦，所以佢鋸咗四份一畀Tiffany送佢啲沙律，Tiffany就當佢啲扒好似殺父仇人咁咬。
食完飯就由我呢個敗家仔攞張附屬卡出嚟轆，Tiffany就喺佢銀包攞咗九舊水出嚟畀我，咁我無得唔收嘅。
然後我哋一齊走去搭904返屋企，正好可以俾我同詩敏喺巴士上面瞌下；我哋四個上咗上層嘅右手邊中間位置坐，我同詩敏喺後佢哋喺前，我哋當然唔使再避忌拖到實一實互相挨住，橫掂佢兩個都已經知道我哋一齊；而佢哋呢，就有一種微妙嘅距離…
文：「我到喇，多謝旖旎妹妹妳餐飯。」
旎：「你去死啦！」好似堅係嬲咗…
唉…賭錢傷感情呀。
我：「Tiffany，使唔使我share返啲呀？」


旎：「唔使你咁好心呀！」
我：「當請妳食份沙律囉。」雖然只係一百唔使…
旎：「最衰都係你呀！明知無得贏重搏晒老命咁做乜喎，攞少幾分又唔會有影響嘅。」
敏：「唔好意思，係我要佢咁做。」
Tiffany望一望詩敏，然後又無聲出，繼續又擰返過嚟我呢邊帶住抱怨嘅眼神睥我。
旎：「哼！我都到喇，bye bye！」
就咁睇住佢落咗下層。
敏：「而家啲妹妹仔到底諗緊乜。」
詩敏師姐，妳都係大佢唔夠一年㗎咋…
我：「我都唔知道…」
敏：「咁你好好同人哋溝通下喇。」
我：「可以有乜嘢溝通？」
敏：「你自己諗掂佢。」
我：「咁詩敏妳中四五嗰陣諗緊乜？」
敏：「唔記得喇…我只係知我而家好想要青春，想玩下隻兵，唔想成日對住本physics書。」


啱啱攞完CE physics A話唔想對住本書，有無咁得人驚呀，真係深得咁緊要？
我：「放心啦，我會一直陪住你㗎。」
敏：「唉…我都有啲後悔頭先太搏命，我個背脊…哎喲！」
我：「係咪好痛？」
敏：「唔郁咪唔痛，我呢兩日唔好再郁…」
雖然話對住實力強橫嘅對手搏盡無悔係一件好痛快嘅事，但係…後日嘅季軍賽點算好…
我哋到站之後就落車。
我：「詩敏，而家…妳諗住？」
無非我都係想知要送佢返屋企定係…
敏：「嗯，上去你度hea下先，我想嘆免費冷氣。」
我：「好呀，不如我哋去屈臣氏買撒隆巴斯吖。」
敏：「多謝老公。」
我：「做乜呀，想嫁畀我嗱？」
敏：「今日嫁一日啦，好攰呀我…」
呢個女朋友吖，真係古靈精怪得佢…唔知我係咪真係會成世對住佢呢？但至少我同佢而家一齊好開心，如果可以一直維持現狀就好。


買完撒隆巴斯之後我哋就返到我屋企，詩敏入咗我間房就好自然咁剝自己光豬，除到剩返條水藍色底褲之後就攤咗上我張床度，而我當然好識做咁即刻開咗房冷氣同埋幫佢貼撒隆巴斯，貼完就再幫佢摙下個上半身。
係真係認真咁幫佢按摩㗎，我自己都散晒咁滯，呢個時候唔會鹹濕揸佢個波啦，整硬咗自己都唔會有力做愛住，不過望住佢個背脊又真係覺得鬼咁靚嘅。
我：「老婆舒唔舒服呀？」
敏：「嗯，都幾好咁啦，做乜呀，想養我一世嗱？」
我：「如果我養到…哈哈，我都想呀…」
敏：「唉，靠你真係，嫁畀你一日都夠。」
我：「唔好咁講啦，至少我會好好幫妳按摩。」
敏：「呢啲嘢搵兵做都夠啦，可以摸到我嘅身體，即刻就有千軍萬馬啦。」
我：「又係你話…只會搵我一個做妳隻兵。」
敏：「驚你辛苦吖嘛，搵啲下屬幫下你唔好咩？」
我：「唔使，同妳一齊我永遠都唔會辛苦。」
敏：「聽住先啦，點知你會唔會背叛我第二次。」
我：「唔會，打死都唔會…係呢，我媽大概六點半返到嚟屋企。」
敏：「我都知你阿媽幾時返，做乜呀，想趕我走呀？」
我：「點會喎，況且佢哋都鍾意妳，只不過佢返到嚟見到妳又實叫妳留喺度食埋飯，我唔知妳使唔使返屋企食飯啫。」


敏：「我哋而家都咁，就算你媽返到嚟見到我同你喺個廳扑緊嘢可能佢都唔會有乜反應。」
我：「佢反應可能係叫我唔好掹出嚟射晒入去…」
敏：「唔制呀…我重未玩夠，唔要湊仔。」
我：「哈哈…我都唔制，我要同妳二人世界。」
敏：「夠喇，舒服好多，你都休息下啦。」
我同詩敏喺床上面互相攬住，好舒服。
敏：「喂，我哋後日打完波係咪要即刻去做愛？」
我：「先唔講輸贏，照道理嗰日打完都散㗎喇喎。」諗起對面嘅牛皮組合未打就覺得攰。
敏：「忍咗好耐無做吖嘛…好想畀你插呀。」
我：「乜妳咁曳㗎咩？」
敏：「你對我係咪有啲啲誤會呢？原來你覺得我好乖嘅…乜你唔係好鍾意百厭嘅初音㗎咩？」
我：「詩敏，無論係乖定曳，只要係妳我都咁鍾意，清純女神又好，淫蕩初音又好，我兩個都要晒，不惜一腳踏兩船都要溝晒妳哋，我一定拆得掂嘅，直到你哋唔會呷對面醋。」
敏：「睇嚟你真係自尋煩惱，成世辛苦命。」
我：「係呀，我不朽都咁傻㗎啦。」
敏：「有人唔做走去做兵，唉，無藥可救。」
我：「唔使救，我嘅一生已經玩完。」
敏：「嘻嘻嘻，乖乖喇。」
詩敏嘴咗埋嚟，侵入我嘅口腔，掠奪我嘅舌頭，注入佢嘅唾液，抽乾我嘅靈魂。
敏：「如果你打完波無力信唔信我搵其他男人代勞吖嗱。」
我：「唔信。」
敏：「如果真係發生咗你會唔會恨死我。」
我：「我…我唔知。」
我諗以我嘅立場同之前發生過嘅事，我無乜資格去恨佢；又或者可以咁講，我同佢所建立嘅愛情已經超越咗世俗一般關係嘅定義，好難會有一件事令我對佢產生憎恨。
敏：「嘻，你一定會原諒我嘅；好喇，我都攰，一齊瞓下先。」
結果我哋唔使一分鐘就瞓著咗，瞓到六點多啲就送佢返屋企；到第二日我哋就各自留喺屋企休息，養精蓄銳去準備星期六嘅季軍戰。
話咁快，星期六就嚟到，今日嘅比賽會移師灣仔新伊館舉行，因為嗰度會有比較多嘅觀眾席，會以一個類似表演賽事嘅形式進行；今日嘅比賽項目係八組雙打決賽，另外六組嘅單打唔關我哋事，就會喺星期日進行，如果無嘢做都可以去睇嘅，因為參賽者都可以免費入場觀賽。
都唔知大會根據乜原則編排，前日就一大朝早比賽，今日反而混雙甲組係排最尾；但對我哋嚟講係好事，因為可以瞓耐啲而有充足嘅休息，又唔使勞煩我老竇車我哋去會場；不過我哋今日都係十點鐘就起咗身，然後我接佢去食咗一餐合適嘅蛋白質早午餐，再慢慢熬巴士去到灣仔。
兩點幾入場嘅我哋一入到去就有女雙乙組嘅比賽睇，我就當然睇得…好開心啦，咁詩敏其實唔會介意嘅，都係由得我好好欣賞場上面嘅女孩子；到咗三點幾阿文同旖旎都嚟到，不過就無乜嘢講，可能對前日嗰餐飯重心存少少芥蒂。
唉，何必呢，人哋都話打混雙好難唔打到上床，點解你兩個會咁㗎。
講真，女雙甲組係最好睇嘅…
然後混雙乙組都有其中一邊分出咗勝負。
敏：「我哋要落去準備喇。」
文：「畀心機呀！攞個銅牌返嚟啦！」
旎：「今次要攞兩場廿一分呀！」
我：「當然啦！」千祈唔好攞兩場廿一比廿三…
我哋落到去場邊搞埋啲報到手續，開始拉筋熱身…
強：「情聖！」
豪：「等埋！咪開波住！」