【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 意想不到的四人行

人氣作家榜廿二位釋出

我哋一早放緊暑假，對上一次見已經係六月中時鐘酒店門口嗰陣。
敏：「嗯！我哋去過關啦。」
兩個靚女就咁掉低咗我同一鳴，無理過我哋，手拖手一齊行入禁區。
鳴：「靠晒你喇，我乜都唔識㗎。」
我：「咪玩啦，今日會係你第三次去首里城。」
其實我都將會係第二次去…
鳴：「其實點解唔可以cut咗佢啫。」
我：「咁佢哋第一次去沖繩吖嘛，你有無外國親戚嚟香港你係唔使去山頂㗎？」


鳴：「咁的確無…」
我：「你去過幾多次山頂？」
所以都係唔好投訴喇，乖乖服侍女人啦。
彤：「喂！我要飲Starbucks！」
鳴：「好好好，妳要飲邊種呀？」
過完e道一入到禁區曉彤就有要求，咁佢係…幾難服侍嘅，辛苦晒你喇一鳴；見返Starbucks，就會諗起我嗰陣同佢一齊溫書，俾佢摷到銀包入面詩敏幅証件相，係幾咁非常之大鑊。
我：「詩敏妳要唔要呀？」
敏：「唔使喇，啱啱飲完成枝水先入嚟，無謂嘥錢啦。」詩敏真係完美女朋友…
一鳴嗌咗杯Iced Mocha Venti兩份share。
由於時間尚早，我哋四個就行下duty free先，咁呢度嘅鋪頭就大部份都係luxury嚟，對詩敏嚟講當然好新鮮，不過我知道佢唔會買；曉彤就俾佢成功扭到粒價值二百蚊嘅名牌手鍊金屬charms bling bling，其實又唔使扭嘅，對於我同一鳴嚟講，只要兩位女士有啲乜要求，唔係太過份嘅我哋都會盡量滿足。


敏：「嘩！好多朱古力呀！」
機場嘅candy shop一向收集各國唔同出品，德國熊仔軟糖，上百種味道嘅化學啫喱豆，數之不盡嘅瑞士朱古力以至Lindt assorted catalogue；詩敏入到去就好似變返個細路女咁，真係好可愛。
敏：「嘩！好大條三角朱古力！」
佢講嘅就係jumbo size十磅裝瑞士三角朱古力，香港係得機場呢度先有，我屋企曾經收到一條，食半粒…已經想死，係就好得意嘅，但千祈唔好買，我寧願妳叫我買個名牌手袋畀妳…
敏：「喂，幫我影相吖！」
詩敏攞住條手臂咁長嘅朱古力又攬又惜，我就幫佢影相，呢度啲staff應該慣咗周不時有啲大細路嚟搗亂所以唔會嚟搞我哋，咁麻煩完人哋之後我都買咗條加大360g黑三角朱古力畀詩敏，呢條叫做合理好多。
詩敏，妳真係好靚女，成熟得嚟又有好可愛嘅時候，我好想成世以後都可以望到妳嘅笑容。
彤：「㖿…我想食吖嘛…」
鳴：「一陣上機有飛機餐食啦，重食乜鬼…」
彤：「你係咪唔聽老婆話喇！」


佢兩隻嘢喺香港知名手信鋪榮華餅店門口擾攘，冷不提防我同詩敏突然出然喺佢哋後面。
敏：「嘩！原來妳做咗人哋老婆嗱？」
彤：「唔係呀，我想食老婆餅咋嘛…」
敏：「咁你重唔買畀佢食，食完就當求婚成功㗎喇，睇下幾慳水慳力！」
彤：「喂呀！唔準亂講呀！」
鳴：「有無…問過…我想唔想㗎？」
彤：「幾時輪到你想定唔想呀！算…唔食喇，詩敏我哋繼續行啦。」
都唔知有幾多年無喺機場禁區入面行得咁認真，行完我哋就搭無人駕駛列車去機口，兩個女仔又係鬼死咁興奮，明明上年先同曉彤搭完。
由於分開check in，上到機我哋係前後隔咗幾排，我同詩敏喺後面，兩個女仔都有窗口位，咁都好嘅，有時分開下可以有返啲私人空間。
敏：「同你一齊去玩真係好開心！」
我：「嗯，我以後每次去旅行都要同妳一齊。」
詩敏喺窗口睇住飛機慢慢駛離停機坪，轉入跑道，本來搭飛機只會瞓覺嘅我都受到佢影響而變得興奮，順便睇下前面部電視機仔有乜嘢睇；到起飛嘅一刻，佢拖實我隻手一齊感受椅背傳嚟嘅推力，繼續望住窗外嘅景色，睇住地面變得越嚟越遠，腳下嘅香港越嚟越細，再漸漸沒入雲層。
敏：「我耳仔…有啲痛…」第一次飛通常唔慣。
我：「氣壓細咗嘛，妳試下擘大口吸氣。」
敏：「好似無乜用…」呢個傻妹樣太得意喇。


我：「等我幫下妳啦。」
我哄咗個嘴埋去佢耳邊，輕輕吹咗口氣入去。
我：「我愛妳…好啲未？」
望到詩敏嘅笑容，我知佢好滿足。
一件事令你有幾開心，往往係因為你嘅心情，而唔係睇件事本身，所以我都想快啲去食首里soba。
敏：「好嘢，有飛機餐食。」
佢一路睇緊哆拉A夢大電影一路講，可能由於航空公司無買到香港版權，語音只係得日文，但靠睇英文字幕佢都津津有味。
我：「唔好咁高期望，經濟位係個便當仔嚟㗎咋。」
敏：「哼，你一定覺得我成個低B妹咁。」
我：「點會，可以同妳一齊經歷第一次，重開心過自己以前嘅第一次。」
敏：「多謝你同我表白囉。」
我：「多謝妳睇得上我呢個傻仔先啱。」
敏：「就係知你傻先陪你玩咋嘛。」
空姐好快就推住架餐車經過我哋側邊，放咗兩份飛機餐落我哋張摺枱上面，我揀咗牛肉飯便當，而詩敏就揀咗蛋包炒飯便當，另外重有啲配菜，即係醃蘿蔔，海帶，蒟蒻，沙律菜咁，配合返傳統大和美食整色整水嘅風格；質素呢…其實JAL飛機餐就好穩定嘅，牛肉飯同吉野家差唔多，而蛋包飯就同大食代入面嗰間相約；我同詩敏食完一半再交換食對方口水尾，佢個樣開心到好似食緊米芝蓮餐廳咁。
香港飛沖繩三粒鐘唔使，睇下電影，食完嘢，望下出面嘅雲海，填下入境表…話咁快就到。


曉彤都係第一次嚟沖繩，一落機去到第二個國家佢哋都好興奮，啲獅子擺設又走去睇，汽水機又行去望，旅遊booth啲單張又想攞；唔係想打擾佢哋嘅心情，但如果咁樣喺機場吽嘅話呢個晏晝就一定會浪費咗，所以我哋扯住都要佢哋即刻排隊過關，而且比起香港，日本啲入境staff做嘢都重係慢好多，何況沖繩…
過完關之後就去belt帶攞行李，兩條女重喺度同海關隻狗玩，希望個關員無俾佢哋激死；其實點都唔會激死，兩條女踎喺度，詩敏個心口，曉彤就著住件鬆身字母印花連身短裙，即係讕係潮中間有幾隻大數目字英文字扮到好似棒球衫咁，裙尾就吊晒腳會令你幻想入面有無著褲嗰啲裙，我諗隻汪汪都開心死，high到毒品都聞唔出。
幾經辛苦終於上到單軌電車…
鳴：「點解你得一個喼㗎？咁過份嘅…」
睇住佢兩隻手一邊大一邊細嘅喼，我都戥佢辛苦…
我：「女神佢一切從簡，啲嘢入晒落我度。」
鳴：「咁都得？係咪Bra都唔使換呀？」
我：「唔使啦，佢香噴噴，底褲唔使著添呀。」
鳴：「信你呀…唔鬼理你。」
我：「入鄉隨俗嘛，呢啲係琉球文化嚟。」
然後佢大汗疊細汗過返曉彤身邊，詩敏就走嚟我身邊撓住我隻手；架輕軌得兩卡無乜位，搭得一陣都費事坐，而且方便兩條女喺車窗睇風景。
敏：「好開心呀，原來喺人哋國家搭火車會有咁唔同嘅感覺，唔怪之得你老死話要搭到去北海道啦。」雖然呢架唔算火車，但都無謂糾正喇…
我：「搭多幾次，搭足幾個鐘，妳就會怕㗎喇…」
敏：「唔會…只要同你喺埋一齊就得。」
係嘅，如果九州去北海道我一定會搭飛機，唔會俾妳坐到pat pat痛。


十五分鐘之後就到咗那霸市中心，國際通隔籬嘅牧志站，時間兩點幾即刻走去酒店check in先，呢度只會留一晚，所以只係一間cheap cheap商旅；攞完房放低行李我即刻推咗詩敏落床，拉高佢件背衫揸佢個波，再塞條脷入去佢口度。
敏：「喂！好多汗呀…臭！」
我：「以前打完波咪又係咁…」
敏：「而家點同！使唔使咁急呀…係咪要日光日白做完愛先出去…」
張床隔籬就係窗口，簾都未拉真係隨時俾對面樓睇晒，但係一諗到啲日本仔睇住我屌個咁正嘅女朋友就覺得好high，絕對靚過九成AV女優。
我：「真係好急，但唔係做愛，要出去玩喇。」
敏：「咁我哋要去邊呀？」
我：「去到咪知囉，放心跟住我哋啦！」
日本就係一個要同太陽賽跑嘅地方，我同一鳴都好清楚，所以洗完面又即刻出返去上單軌搭幾個站去首里，點知…
鳴：「有無搞錯…兩點就閂？懶成咁！」
敏：「重話信晒你兩個…呵呵。」
彤：「咁點算好呀…食其他嘢囉。」
我：「後門好似重有間㗎，去唔去睇下？」
鳴：「嗰間我都食過，你快啲check下閂咗未！」
敏：「果然係少爺仔，要食勻晒先肯收手。」


我：「收四點呀！快啲行過去啦。」
於是我哋就半行半跑咁兜去後門先，三點幾其實都又熱又曬，得我同詩敏嘅話絕對可以三分鐘跑到過去，不過要就住曉彤呢。
日本係一個一言不合就閂門嘅國家，好在呢間我哋趕到過去重肯做我哋生意。
我同一鳴即刻去部機度買飛先，一大堆…日文，除咗『so』『ba』兩隻日文係咁重複之外其他都可以話係天書嚟，漢字有野菜天同小鉢就係膽一定有；不過以我哋多年嘅MC做卷經驗，揀貴啲嘅set，拖多啲唔同組合嘅side dish就實無錯。
最緊要係有偉大嘅冷氣畀我哋送麪。
彤：「好好味呀！」
而詩敏已經食到雪雪聲懶得理對面嘅我哋。
首里soba食幾多次都唔會厭嘅，同大家樂一樣。