【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 出發去旅行
QQ400k釋出。
六月尾，詩敏考試，Tiffany練波，同一鳴繼續頭痛沖繩應該點玩好。
鳴：「唔係呀化…沖繩都唔夠…重要去外島？」
我：「你唔覺得沖繩本島同淺水灣或者赤柱無乜分別嘅咩？而且那霸…咪又係咁。」
鳴：「講就咁講啫，未去過我唔識㗎喎…我連渡嘉敷島都未聽過。」
我：「我老竇去沖繩都係去慶良間群島潛水，我諗都係咁嘅啫，有錢就有得玩㗎啦。」
香港嘅後花園係西貢，日本嘅後花園係沖繩，後花園呢個概念可以無止境延伸，慶良間群島就係沖繩嘅後花園。
鳴：「得唔得㗎？又水肺潛水，又水上電單車？」
我：「你唔覺得詩敏鍾意玩呢啲嘅咩？」
鳴：「咁我嗰個點算好…」
我：「如果你哋唔玩嘅咪喺岸上面堆下沙，曬下太陽，食下刨冰囉，無所謂㗎。」
鳴：「嗚嗚…我好掛住Wing呀…」
我：「咁嘅嘢你都講得出嘅？唔驚身首異處？」
鳴：「你好嘢呀下！乜你有資格批評我咩？」
我：「無囉…話時話你咁得閒嘅，乜曉彤無搵你咩？」
鳴：「嗯…我今晚約咗佢去睇戲囉，做乜？」
我：「你唔使覆佢message嘅咩？」
鳴：「嗯…今日無message喎，一陣出門口先message佢囉。」
嗯…咁得意嘅，睇嚟曉彤對住佢同對住我嘅態度都好唔同喎…不過都唔關我事。
然之後…就係買機票嘅問題。
我：「媽咪…你哋係咪有好多里數剩？我想…唔知可唔可以，暑假去下旅行？」
媽：「係呀？英文考成點呀！」
我：「無…無問題！實合格…」
媽：「斷估你都唔敢再fail嘅，點呀，同邊個去呀？重係咪上年嗰個女朋友呀？」
又真係好嘢，兩老成年其實無問過我嘅感情狀況，亦都無叫過我帶曉彤返屋企，更加唔知道我哋兩個一早已經玩完；雖則今次旅行曉彤都係有份…不過呢。
我：「欸…女朋友…唔同咗，另外重有一鳴同佢嘅女朋友。」
媽：「喂…相呢？」
我勉為其難開咗詩敏個Facebook出嚟，比起曉彤嗰個佢簡潔好多，得幾幅打羽毛波嘅相叫做應酬下大家交功課有個樣睇下。
然之後佢又攞咗去同老竇一齊study…
媽：「嗱，login咗喇，自己㩒啦，機場稅燃油費自己搞掂喇。」又真係順攤。
難得有里數，當然係坐…咦，原來沖繩係無JAL同CX…唯有搭KA去啦…至於等於幾多錢我其實唔多識計。
然後話咁快就到咗七月十號，大清早我就去到詩敏樓下等佢，第一次同佢去旅行點都有啲緊張。
敏：「嘻嘻，第一次搭飛機，竟然係同你。」
我：「呀，原來你係第一次搭飛機。」
敏：「做乜嘢呀？好失禮你咩…」
我：「唔係，點會呢，妳第一次搭飛機應該會好開心，咁樣實在太好。」
我已經唔知道自己第一次搭飛機係幾時，只係知道我最初有意識知道搭緊飛機嘅時候，我因為要困係個位度好耐而扭計…
敏：「係呀！我已經好緊張喇，快啲拖實我啦。」
我：「放心，妳去到之後包保你更加緊張刺激。」
敏：「喂！你重未答我，今次旅行要使幾錢？」
我：「欸…呢層呢，要去完慢慢計先知…」
要去外島玩水，又點會平吖…我甚至唔想同佢講其實去沖繩重貴過去東京，而且唔係搭廉航。
敏：「你呀，點可以咁亂嚟㗎？」佢拍落我心口。
我：「又係妳話妳係我女朋友之後，可以使錢喺妳度…」妳明明就係個億億聲嘅女人。
敏：「以前點同喎！一年先一齊嗰一兩日，你係咪唔想同我有將來喇？好心你就計劃下啦。」
我：「第一次同妳去旅行，我想玩得開心啲吖嘛。」
敏：「一次好喇，下次唔準再亂咁嚟。」
我：「太好喇，原來真係有下次！」
我喺巴士站度攬到詩敏實一實，當其他等車嘅人係死嘅咁，呵呵呵…有個女神女朋友喺我身邊，你哋慢慢葡萄啦，後面位空姐好畀心機返工喇，妳個妝咁厚我都懶得昅妳。
敏：「你唔好得戚呀！小心激嬲我夜晚唔同你瞓呀，到時你就知味道。」
我：「唔同我瞓重可以同邊個瞓？」
敏：「哼，我去搵曉彤。」
我：「妳咁忍心嘅…阻人乜嘢…俾人燒乜㗎…」
敏：「係咩？我去一齊玩唔得嘅？」
我：「好好好，投降喇，唔敢曳…」
上到機場巴士，我哋兩個又去返專屬嘅拍拖位，一坐低我就抱住佢條腰嚟惜佢；唔知一鳴佢係有心定無意，總之就無約埋一齊去機場。
敏：「喂呀，做乜咁黐纏呀？」
我：「好掛住妳吖嘛，我等咗今日好耐㗎喇。」
我一路隔住佢件衫同個Bra嚟揸佢個波，喺個Bra杯邊嘅上方用隻手指掃佢啲波肉；暑假嘅香港簡直就係熱到火爐咁，我諗沖繩都不遑多讓，有乜可能唔去玩水吖；詩敏今日著住件都幾低胸下嘅白色背心，見到兩吋乳溝，入面係一個夏日清爽款嘅淺藍色Bra，有啲似泳衣style嗰隻，所以就算側邊露Bra邊，上面露Bra帶都有種自然熱情嘅感覺，而唔係暴露feel嗰種，下半身就係一條望到少少pat肉嘅牛仔熱褲；唔知係咪佢個人變咗呢，定係因為我喺隔籬嘅關係，佢係著得越嚟越靚女，喺街上面變得有啲顯眼惹人犯罪咁。
敏：「琴日先打完波…有等幾耐喎…」
琴日學年last day，啲學生走嚟走去，唔知我哋已經一齊咗嘅肥豪同傻強又走嚟睇我哋練波惡搞我哋，都唔覺得我同詩敏有獨處過。
我：「一晚唔見，如隔三秋嘛。」
敏：「咁呀，去完旅行之後不如抖返晚，三年後先再見好唔好？」
我：「唔好咁對我啦…同埋Tiffany阿文喺度我都無得抱住妳。」
本來送佢返屋企都可以抱嘅，但死人Tiffany又話要我陪佢買羽毛球鞋，捉走咗我，又要我請佢食乳酪雪糕，搞到我送唔到詩敏返屋企。
敏：「佢知道你同咗我一齊未㗎？」
我：「未呀…我無特別同佢講。」
敏：「做乜呀？驚人哋唔開心呀？」
我：「應該唔會嘅，佢本身就知我對妳有意㗎啦…而且佢又無問我，咁專登同佢講好似唔知點咁，我無咁自以為好受歡迎囉…同埋都係練埋呢個月波啫，之後都唔會成日見㗎啦…」
敏：「定係你想留返個唔小心食埋人哋嘅機會。」
我：「唔會，一定唔會！我會大聲嗌唔好。」
敏：「你哋下年好可能同班㗎，而且睇佢個樣應該會繼續留喺羽毛球校隊，下年睇怕都係你做隊長，點會唔成日見喎。」
我：「佢留意下都知我哋乜事啦…如果佢有乜動作我會直接講清楚㗎喇。」
敏：「小心多幾個曉彤喺你身邊，我睇你點死。」
我：「唔好！我黐實妳唔放，就唔會有女仔埋嚟。」
敏：「好熱呀！咪黐住我啲肉，有汗㗎！死開一二邊！」
我：「有汗咪啱，溝埋一齊可以溶咗我哋。」
敏：「死變態走呀！都唔知曉彤佢鍾意你乜…」
我都唔知…咁女神妳又鍾意我啲乜？純粹因為我同妳表白？我開始覺得，女神係要靠自己追返嚟，如果你唔主動，本身副牌有幾好都唔會食得出。
過咗陣就去到機場，一鳴兩個重喺巴士上面，我同詩敏就去check in先，呢度嘅一切對佢嚟講都係非常新鮮，包括嗰條將啲行李送去禁區嘅自動運輸帶；詩敏屋企無行李喼，所以我就將佢個背囊掉埋入我個大喼入面一齊check in，都好嘅，可以推少個喼，反正我就無乜嘢帶。
Check in完我哋就周圍行下，一鳴曉彤過咗陣都嚟到，等佢哋check in完之後就約喺禁區gate位前面等。
彤：「詩敏！好耐無見喇！」