【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: She will follow him
135k釋出
食完麪之後四點到，太陽斜返少少都行得舒服啲，我哋就反返轉由後門行返去正門；嗯，首里城係一座用木搭建成嘅宮殿，出面有個操場畀以前琉球嘅文武百官喺度罰企…即係咁，一鳴第三次嚟，我第二次嚟，純粹行一圈啦，有石牆，有石橋，有城門，有哨站，其實係幾靚嘅。
大殿入面就變咗展館，我哋當然要放低幾百円入去望一望，裡面展出咗當時用嘅瓷具，酒器食器，宮廷衣服，書法等等，由於琉球年間係用漢字，感覺上呢度有啲似迷你版嘅故宮。
當然最重要係幫佢哋同石獅子影相；其實呢，香港滙豐銀行隻銅獅子都好出名，但你住咗十幾年都唔會同佢影相，偏偏飛到過嚟呢，就會隔籬飯香，人就係咁…曉彤，妳好似變好咗咁嘅？
行完古蹟，我同一鳴早就自動波知道下一站喺邊，搭四個站單軌去到一個好多日文字嘅站，Omoromachi，呢度嘅定位係有啲似香港嘅Mega Box咁，同傳統旺區間開咗嘅一個大型購物區。
鳴：「嗱，畀張卡妳happy，自己行下啦…」
彤：「嗯…好可疑喎，你哋想搞啲乜？」
敏：「你望下嗰邊門口都知啦。」
詩敏一手指住商場另一邊Bandai Namco嘅門口，女神果然係冰雪聰明…
鳴：「咁呢度都唔啱妳哋…可以行住街先…」
彤：「邊個話唔啱！跟我過嚟啦！」
曉彤捉住一鳴件衫拉佢入去Namco，我同詩敏唯有跟住，曉彤即刻就去咗排夾公仔機度睇。
彤：「喂，我要呢隻！」
鳴：「吓？哆啦A夢…乜妳啱㗎咩？」
唔好問我呀…我都唔知，我送過熊bearbear咋。
彤：「唔係佢呀！我要佢個妹哆拉美！」
鳴：「我唔知…夾唔夾到㗎喎…」
彤：「理得你，等你咁鍾意玩，而家慢慢玩啦。」
然之後一鳴就唯有唱咗一萬円嘅一百円銀嚟努力，我叫佢分咗廿個銀畀我用。
敏：「咁我有無份㗎？」
我：「妳想要邊隻吖？」
敏：「我無所謂呀，不如你睇下有邊啲夾到先啦，我哋唔好企喺度阻住一鳴喇。」
我：「我重諗住佢夾唔到就笑鬼佢添。」
敏：「唔好咁衰啦！你係咪當人朋友㗎…」
於是乎我哋就兜咗個圈睇下有邊啲公仔易夾啲，發現咗有隻中size柴犬四隻腳打橫晾起咗，應該OK，而詩敏都話覺得幾得意，咁咪夾呢隻囉。
敏：「多謝你呀！你好叻呀！」
詩敏抱住隻柴犬惜咗我一啖，我就順勢抱住佢，都算幾好彩，啱啱一千円就夾到。
我：「嘻嘻，妳開心就好。」
敏：「我好開心呀！不過…你兄弟好似重頭痛緊。」
我：「哆啦美圓菇轆咁，唔易夾㗎。」
敏：「真係辛苦晒佢。」
我：「係咪應該要幫下佢？」
敏：「作死你呀，係咪想搶人哋條女呀？」
我：「點會喎，我有妳就已經係圓滿。」
可以同詩敏一齊對我嚟講當然係完美，但我都好想曉彤可以得到幸福，就算幸福太遙遠我都想佢過得開心…佢係咪真係鍾意一鳴？一鳴係咪真係欣賞佢，同佢一齊唔會覺得辛苦？而唔係因為無咗Wing所以有女就要住先…好多問題，我都想有個答案，曾經愛得死去活來，要我完全放低佢係無可能嘅事。
敏：「不如我哋打下機吖。」
我：「妳啱㗎咩？妳個樣完全唔似喎…唔使話特登就我嘅。」
敏：「點會呢，你過嚟先吖。」
佢帶咗我去一部叫DMX嘅手舞機前面。
我：「妳…真係識玩呢啲㗎？」
敏：「唔識㗎，不過羽毛球隊有個師妹好迷呢部嘢，重畀我睇過佢玩嘅錄影，佢話當啲波波好似羽毛球咁飛落嚟，用隻手撥走佢就得，紅色係高波，藍色係低波。」
我：「有啲咁可愛嘅師妹妳都唔介紹我識嘅？」
敏：「哦呀，有一個Tiffany你重嫌唔夠煩呀？定係你已經玩厭咗我喇？」
我：「講笑咋，唔好咁認真啦…妳係咪想玩呀？我哋一齊玩好無？」我摟住佢條腰同佢講，呢部手舞機可以兩個人一齊玩真係非常之好。
敏：「我哋鬥高分吖，輸咗嗰個今晚要做上面。」
我：「乜上面呀？」
敏：「唔係呀…你都會聽唔明嘅？」
我：「上面…上面…啊！妳個淫賤小魔女。」
唔係講笑，聽到佢嘅淫flirt我轆鳩即刻硬咗一硬。
敏：「重講，入銀開始啦！」
我平時有喺PSP玩下太鼓之達人，點都贏面大啲掛，睇怕今晚我可以睇住淫敏踎喺我身上面䟴䟴䟴服侍自己，一對軟奶拋下拋下，認真風光明媚景色怡人心曠神怡精蟲四溢…估唔到喺沖繩嘅第一晚就可以…不過正常嘅，做愛已經係我哋生活嘅一部份，有乜可能一齊瞓而唔交合呢？
第一首揀咗家傳戶曉嘅I will follow him。
敏：「喂！咪打我隻手呀！企開啲！」
我：「係妳動作大咋喎，拂到過嚟我呢邊…」
呢部機如果同啲初相識嘅女仔玩係會好正，因為可以係咁唔小心掂到隔籬隻手。
只見詩敏跟住音樂節拍喺度左右手正手反手切來切去，唔係…我根本睇唔到佢，因為我要望住個螢幕所以只可以感受到佢嘅動作；與其話似羽毛球，不如話似乒乓波重貼切。
結果我個分輸佢少少…
敏：「哈哈，乜唔係應該男仔打機好叻嘅咩？」
我：「唔係，要熱下身…無理由第一首就認真計。」
敏：「好呀，到你ready要比賽就話我知。」
玩咗一鋪三首歌，只有一首我微勝，於是我又開多局嚟玩，終於嚟到第六首…
我：「好喇…呢首嚟認真啦。」
敏：「怕你呀？再玩多次I will follow him好唔好？我幾鍾意聽呢首歌。」
我：「無問題，邊首都得。」
結果今次詩敏佢full combo，而我就甩咗兩粒…
敏：「點呀？今晚等你好好服侍喇喎。」
我：「分明係妳聽到follow him就興奮得滯…淫到隻手識自己郁先贏我咋嘛…」
敏：「係呀，你屌得我舒服咪跟你成世囉。」
唔得，真係即硬，我喺部機前面攬住佢嚟嘴，下體當然頂到實佢嘅肚仔，人在外地係猖狂啲㗎喇，懶得理側邊有無人一於貼到實一實打茄輪。
點知呢個時候曉彤佢哋行咗過嚟，即刻鬆返開。
我：「終於…搞掂嗱…恭喜晒。」
曉彤抱住隻哆拉美公仔，呢個畫面都幾搞笑，因為哆拉美係冷靜，認真，有條不紊，而曉彤就比較係一個亂咁嚟嘅女仔。
鳴：「係呀…真係好鬼貴…」
彤：「唔好話你自己水皮，無鬼用！」
敏：「唔緊要啦，夾到都好叻㗎喇。」
彤：「呀！隻柴柴好cute呀！不如我哋去影貼紙相咯。」一鳴想打機真係話都…無咁難…
行咗去貼紙相區，我哋首先分開兩部機影。
我：「唔知…一鳴同曉彤一齊壓力大唔大呢？」
敏：「你係擔心你好朋友吖，定係擔心你EX呢？」
我：「都一樣啫，邊個唔開心都唔好。」
敏：「如果佢頂唔順自然就會飛咗曉彤㗎啦。」
我：「妳又咁肯定？」
敏：「正常人嘅反應嚟啫，如果唔係佢以前都唔會同Wing係咁分手啦，係你先會咁傻豬死守喺曉彤身邊，忍到要掟羽毛球拍。」
我：「咁樣好傻咩，我只係認真啲啫。」
敏：「同喺我身邊做兵一樣咁傻，不過我鍾意。」
我：「咁好彩我唔聰明啫。」
敏：「聰明你就食咗唔少女啦，使乜嚟搵我。」
我：「如果我無機會認識妳嘅好，可能就唔會咁傻…」詩敏，係妳教識我乜叫愛一個人嘅感覺。
敏：「咪講啦，擺post喇。」
我哋嘅post簡單得很，先係望鏡頭，再側側哋對望，然後越貼越近，跟住嘴埋一齊，最後兩條脷唔知喺度做緊啲乜…當然我哋係可以影啲更過份嘅嘢，但話雖曉彤佢哋應該唔會要睇我哋啲相，不過唔小心俾佢見到就唔係太好啦。
影完相畫畫嘅重任當然交畀詩敏，講起嚟就奇怪，明明女仔係機器嘅頭號敵人，成部嘢又全部都係日文，但女仔偏偏就可以同呢部嘢水乳交融。
我：「如果…一鳴同曉彤鬧分手，係咪又會復合？」