【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 一齊的感覺

130k釋出

我喺後面拉起佢條裙，將條底褲褪到落大髀度，用個龜頭頂咗兩下發現到佢下體已經變咗水簾洞，輕輕一推就毫無阻力咁一桿入洞；我一路抽插，一路喺鏡入面望住著校服嘅佢，佢又望返住我，初音咁淫又點可以餓親佢呢，如果要等兩日先可以再喂佢就實在係太失禮喇。
敏：「啊嗯…啊嗯…唔得呀…危險呀…啊啊…」
係喎…就算色慾薰心都唔可以衝昏頭腦…
我拉返詩敏埋張床度推冧佢，然後用九秒九拆咗個condom出嚟戴落自己度，再即刻泊返埋架飛機入去跑道，呼！
敏：「哈，算你啦…又幾專業喎。」
我：「俾某人訓練過吖嘛…」
敏：「唔使咁含蓄喎，我唔介意食曉彤口水尾。」
我：「唔知…佢又介唔介意食Wing口水尾呢…」


敏：「重講！快手啲啦，遲到喇！」
我：「返學同做愛，邊樣重要的？」
敏：「都咁重要呀！快啲插我啦！」
妳個淫賤小魔女，我當然聽晒妳話啦，就講就插，由於時間緊迫，我大概以每秒三下嘅頻率嚟抽插佢，務求用最短時間嚟令到大家高潮，而佢亦都好聽話咁擘到隻腳大一大嚟俾我服侍。
敏：「嗯啊…舒服…我要呀…啊啊啊啊啊…」
大約三分鐘之後，已經插咗差唔多六百下，有少少攰添，於是我抱實佢喺床上面轉咗半個圈，變成我喺底佢喺上面。
我：「想準時返學就好好努力啦。」
敏：「衰人！死變態！」
雖然喺度鬧緊我，但佢條腰已經自動自覺喺度䟴緊，一個著住校服嘅女學生喺你身上面搖曳，睇唔到佢嘅身體係有少少可惜，但換嚟嘅就係另一番滋味；趕住返學又要享受性愛嘅靚女學生妹，喺度同時間競賽，加埋佢嘅運動體格，每秒鐘分分鐘唔止三下，同曉彤女上誓願個樣完全唔一樣，而我都喺下面好好配合佢頂返上去。
敏：「嗯啊…啊啊啊啊吖！」


睇到詩敏興奮個樣我亦都順理成章咁射出我嘅精子…落去個condom度，而佢就趴咗喺我身上面攬住我…三十秒。
敏：「好喇…真係要行！」
我：「嗯！我都著衫。」
呢啲打仗趕返學嘅情景就時有發生㗎啦，但喺時鐘酒店同愛人做完愛一齊趕真係好特別，好在一出酒店就見到架的士，我就拉咗詩敏上車，而佢亦都無為咗呢二三十蚊反對我呢個動作。
喺車上面我哋手拖手，無講過嘢，都唔使講啦。
敏：「司機呢度落得喇。」
於是我就畀錢落車。
我：「咁快落嘅，重有成個街口喎？」
敏：「使唔使揸埋架的士入學校先放低我呀？費事又俾人作新聞啦…雖然都唔係作。」
然後佢攬住咗我再惜一啖。


敏：「愛你，返屋企再瞓下啦，等你嚟同我練波。」真係好甜，女神絕對係完美女朋友。
我：「嗯，返學畀心機喇。」
唔係我repeat，都唔會出現呢啲送女朋友返學嘅場景，真係…哈哈哈，多謝曉彤囉。
磨咗咁耐，我同詩敏可以走埋一齊，竟然係因為曉彤，唔知佢點諗呢？既然自己得唔到，所以就成人之美？定係…只係想彌補以前犯過嘅錯？不過坦白講我又唔覺得佢有乜錯，唔係詩敏放縱佢亂嚟本來就唔會搞成咁。
我想當面多謝曉彤，想同佢講其實我一早已經無怪過佢，想話佢知我唔係因為可憐佢而同佢一齊，就算…做唔到我心入面嘅第一名，我對佢嘅感情都係出自一片真心。
只不過，而家同佢講呢啲又有乜用…亦都唔適合。
返到屋企喺張床胡思亂想都唔太瞓得著，半夢半醒去到點幾嘅時候有人打電話嚟。
鳴：「喂，返到屋企未呀？」
我：「吓？我一早就返咗屋企啦？」
鳴：「吓！你唔係…咁失敗…算…懶得理你。」
睇嚟佢以為我哋無開房，琴晚漏夜捲逃咗。
我：「唔係…我送人返學啫…」
鳴：「呀…係喎…我都唔記得咗添，點呀，一唔一齊食飯？」
我：「而家咁多人，放假無謂迫啦，我個胃好似重有兩件KFC雞喺度…」
鳴：「咁晏啲去食Tea囉，落唔落嚟呀？」


我：「落嚟…做乜呀？」
鳴：「謦下點去旅行呀，佢哋唔係我哋，鳩搭下火車周圍去就會開心㗎。」
我心諗，其實係你條鳩有位放就開心啫。
我：「我洗個面先，等一等。」
落到去，一鳴間屋都無乜變過，諗落已經成年無嚟過…
我：「係呢…你琴晚同曉彤…」
鳴：「廢話就唔好問我啦！謦正經嘢啦…」
我：「你哋兩個一齊咗未？」
鳴：「呢層…我都唔知點講好喎…」
我：「吓…你自己都唔知…」
鳴：「由我嗰次話你知佢失驚無神上咗我之後，直到而家…其實都係差唔多咁嘅狀態，我都唔係好知佢諗緊乜，只係叫我好好陪佢就得。」
我：「你…唔介意吖嘛…」
鳴：「有乜好介意喎，曉彤又靚女，身材都唔係差…屌，你講乜嘢呀…Wing都唔係一手啦，咪又係咁，只不過咁啱…曉彤EX係你啫。」
我：「嗯，多謝你好好陪佢…」
鳴：「妖，我對女人不朽都好好㗎啦。」


我：「係咩…等我問下Wing係咪先。」
鳴：「你係咪玩嘢呀！快啲諗下沖繩有乜玩啦。」
我：「首里城，食首里soba。」
鳴：「大佬，我去過兩次喇…」
我：「嘩，咁悶嘅地方你都可以去兩次嘅？」
鳴：「你估我想嘅咩…」
我：「咁佢哋未去過吖嘛，啲soba都幾好食呀，睇嚟你可以準備去第三次。」
鳴：「我鍾意上海粗炒多啲囉…其實點解我哋要去沖繩啫，日本咁大。」
我：「鬼叫你成日將沖繩玩到北海道掛喺口邊。」
鳴：「但我唔係最想去沖繩吖嘛。」
我：「唔去東京呀，詩敏都唔多行街，睇完羽毛球拍已經唔知去邊好…」
鳴：「咁我都唔想由朝行到晚，阿媽喺東京都好恐怖，好在我可以去機鋪慢慢hea。」
我：「好呀，掉低佢哋行街，我哋去打機。」
鳴：「我唔覺得你唔使死喎…」
我：「暑假去沖繩，玩水囉。」


鳴：「曉彤唔識游水㗎，你又唔係唔知。」
我：「唔識游水咪啱，直接去潛水！」
鳴：「玩咁大，怕唔怕呀？」
我：「大得過由九州搭新幹線去青森？有你喺度睇住佢㗎嘛，最多出事我唔救詩敏救曉彤先。」
鳴：「詩敏使鬼你救咩，出事可能佢救咗曉彤啦…」
我：「咁咪無事囉，你諗下佢兩個著住泳衣…」
鳴：「你有乜未睇過呀…」
雖然無乜貢獻，但起碼決定咗詩敏放暑假就即刻去，因為放榜前去旅行點都穩陣過放榜後去，即係七月十號到七月十七號一個禮拜；而我就統一搞掂晒啲機票先，因為屋企人實在太多里數剩，錢呢啲真係好閒可以遲啲先慢慢計，反正都係我同一鳴兩個…
然之後我返到學校。
我：「咦，Tiffany咁早呀…」
旎：「放假無嘢做，好悶吖嘛。」
自從過咗琴日之後，我身邊有乜女仔都會好驚，Tiffany有時神神化化好似計時炸彈咁，我係咪應該要同佢講我同詩敏已經喺埋一齊？但太過煞有介事咁講又好似好尷尬，況且佢一直都知我心儀女神…就算有乜，應該都只會擺喺心中？
旎：「係呢，我聽日嚟會所同你練波得唔得？」
我：「啊…可以呀，妳咪嚟囉。」
星期六詩敏要同小朋友補習，自己又要準備考試，所以我都唔使擔心佢突然搵我；而本身旖旎周未都有時會嚟同我打波，我無理由突然之間話唔好，反正都係打波啫…而且得我同佢兩個，就算有啲乜事應該都可以解決到嘅。


我：「呀…係呀，七月十到十七號我要去旅行，所以呢段時間唔使留時間陪我哋練波喇。」
旎：「嗯，真係開心。」
然之後我哋四個照常練波，練完就陪詩敏一齊去睇琴日無睇到嘅羽毛球鞋，亦都避免咗旖旎佢纏住我唔知想點。
離開咗學校我哋當然拖返住手。
我：「詩敏，Tiffany聽日應該會嚟搵我練波。」
敏：「啊，咁快就主動投案？我無咁易呷醋喎。」
我：「無呀…我覺得有責任話畀妳聽啫。」
敏：「定係你忍唔住想食埋人地呀？」
我：「我邊係啲咁嘅人…唔好咁睇我啦。」
敏：「我睇佢進步咗幾多就知你同佢加操咗幾多啦，傻瓜。」
我：「所以我更加要話畀妳聽先囉。」
敏：「如果佢要同我爭你，咁你會點？」
我：「唔好玩我啦，我怕喇…妳明知我心入面最重要嗰個係妳。」
敏：「然後曉彤係第二重要…啱唔啱？」
我：「只會係咁嘅啫…」