【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 纏綿遊戲
我：「啜卟。」我忍唔住惜咗佢塊面一啖。
敏：「做乜咁大膽呀？」
我：「對住女朋友就係咁㗎啦。」
我心諗，無理由妳惜過我兩啖，但係我唔惜得妳㗎，平時我就係兵啫，拍拖時應該係相對公平。
佢無講啲乜，然後企起身擰轉面騎咗上嚟我度；晏晝喺我屋企都係跪喺度重有少少距離，但而家係坐咗上我大髀上面夾住咗我，就連個身都貼到實一實，呢一下真係完全喺我意料之外，好彩佢條裙係有開叉，如果唔係分分鐘俾佢嘅動作拉爆。
我同自己講，其實好正常啫，畀著其他男女識咗咁耐一早上咗床啦，但真正始料不及嘅係…
敏：「嗯嗯…」佢惜咗落我嘴度。
好香，好軟滑，好暖…剎那間我好似暈咗咁，原來第二日拍拖係唔止可以拖手㗎；佢攬實咗我，我都攬返實佢，佢慢慢伸咗條脷出嚟掂我個嘴唇，咁我就學返佢微微張開口，吐條脷出嚟，當我哋兩條脷尖掂到嘅一刻，我彷彿有觸電嘅感覺直接到達大腦，我哋嘅動作唔係好激烈，佢用脷尖輕輕撞我，我又用條脷挑逗舐返佢，好似用條脷呃手謦欬咁；慢慢我哋個口都開得越嚟越大，條脷慢慢伸入對方嘅口腔度試探，互相糾纏，上下交疊換位，玩咗陣我哋個口都越嚟越濕，我開始想將佢嘅口水捲入脷心帶到我口入面，而詩敏佢亦都無吝嗇將個頭微微斜向下等啲體液沿住佢條脷流到落我條脷上面，呢一刻我第一次感受到我哋用肉體相愛緊。
而喺我條脷初嘗濕吻嘅時候，隻手亦都貪婪咁進迫佢嘅身體，本來我喺抱住佢條腰，慢慢越褪越落，去到佢屁股，再逐吋逐吋裙咁褪起直到成條裙俾我撥起咗，我摸落佢條底褲度，佢條底褲好滑手，但滑唔過佢pat pat嘅肌膚，慢慢我隻手啲手指就唔小心咁滑入咗條底褲入面，唔小心咁掂住佢啲幼嫩白滑嘅pat肉，直至兩隻手完全掌握住佢嘅pat pat，我知道只要向入郁多一吋就可以掂到佢身體最私密嘅位置，但我始終唔敢入雷池半步。
當然，我係一個正常血氣方剛嘅男仔，詩敏嘅神秘三角位俾我嘅下面頂到實，只係隔住佢條底褲，我諗如果呢一刻我哋無著衫嘅話，粗心大意嘅司機一定又唔小心跣咗入條濕滑嘅公路。
敏：「喂，你咁曳唔驚我嬲咩？」
佢縮返開個口，舐一舐條脷，一路講一路keep住條脷半吞半吐嘅狀態，性感得嚟又誘惑，眼神係介乎住女朋友同女神之間，唔知佢係想欲拒還迎定係想興師問罪。
我：「唔驚，因為我只係想我女朋友開心。」
我攬返住佢個背脊，將佢個頭擺落我膊頭度，可能我係驚自己心虛，唔敢望住佢隻眼。
敏：「女神要罰你嘅話唔好問我呀。」
我：「咁我咪聽日再死死地氣咁氹返妳。」
敏：「你下面咁樣，小心一下唔覺意打咗我飛機…」
我：「唔會…一定唔會！詩敏…妳係咪唔鍾意呀？」
敏：「唔會呀，我咁正！你有反應好正常。」
佢推開咗我彈返去我前面望住我。
我：「嗯，放心，我會忍住。」
敏：「我再益你真係驚你將我喺度就地正法。」
我：「邊敢喎…拍多幾日拖先啦。」
講完都真係呻笨，要知道拍多幾日拖，隨時已經過咗兩三年，講真我點會唔想同佢做嗰啲嘢，但如果太快，就好似變咗唔係我哋原來段關係咁，呢種慢慢拖，一步步發掘嘅過程其實係好吊癮，亦都好甜蜜；最重要係我同佢而家相處得好好，互相尊重待之以情，完全無爭執詏撬，亦都減少咗好多無謂嘅壓力。
敏：「係咪想食咗我呀？」
我：「想…都唔等於要做…」
敏：「傻瓜…咁就畀咗個初吻你。」
我：「多謝，我都係…」
敏：「同我一齊會唔會好辛苦？」
佢呢度嘅『一齊』我係分唔到係指做佢男朋友定係做兵，但無論如何兩者我都唔覺得辛苦，呢段咁特別嘅關係令到我更加珍惜。
我：「唔會，識到妳係我人生最開心嘅一件事，我差唔多日日都想同肥豪叩頭感謝佢咁滯。」
敏：「係囉，明明係一場鬧劇。」
我：「如果無佢，我真係唔知原來表白咁簡單。」
敏：「無佢？你表白嘅話可能一早踢走你。」
即係話我會同其他男仔落得同一個下場？其實都好正常嘅，我都唔係好明點解我會得到佢嘅特別待遇；但嗰場鬧劇完咗之後，都係全因為我留咗詩敏喺課室表多次白先有而家嘅我哋。
敏：「好喇，我都差唔多要上去。」
我哋拖返住隻手行，好快就到咗大閘。
敏：「我決定咗一樣嘢？」
我：「嗯，係乜嘢？」
我有幻想過佢會話唔使再抽，直接做我女朋友，但我竟然有啲糾結唔係太想佢咁講。
敏：「考完A level之後，無論點我都畀你食一次啦。」好似比我想像更over，有啲不明所以。
我：「咁…如果我哋鬧反咗呢？」
敏：「聽唔明呀？係無論點，任何情況都得，除非你到時唔想啦。」
我：「詩敏，我…唔係太明白。」
敏：「唔使明呀，bye！」
我應該驚定係喜？係咪想講我要做兵做到考完A level先有得食？但又無乜理由吖，佢都算主動，無理由對我無意思，如果我再抽中多幾次會發生嗰啲事都好正常；不過佢咁講得，我相信係認真嘅，即係我點都可以同佢愛一日，但只係食嘅話…
我同自己講，一係我要追到佢，一係我做兵做到考完A level而且關係都咁好，否則我唔會食佢！
一個唔覺意俾佢呢句拋窒咗添，本來重諗住抱佢惜多次…不過算啦，來日方長，總有機會。
然之後就有個傻仔喺條街跳下又彈下咁返屋企。
嘻嘻嘻，第二日拍拖就可以拖手，嗰頭詩敏教完人哋飛啲去打茄輪，呢頭就同我實踐，真係吖…咁快就畀咗個初吻我，叫我點算好喎，下次再拍拖都唔知會發生啲乜…嘻嘻嘻。
到咗第二日星期六起身無耐。
敏：「喂，check下你樓下有無場吖。」
妳個女神吖，重唔係鍾意我？琴日先拍完拖咁快就又嚟搵我，不過我唔會踢爆妳，呢個遊戲我會繼續同妳慢慢玩落去，A level啫，話咁快就到啦。
當然，我同女神關係越嚟越好，我嘅另一場遊戲就令我越嚟越頭痛；如果我同詩敏一齊，佢分分鐘會爆我大鑊整死我；如果我提早同詩敏坦白，可能又同自殺無乜分別，或者真係到A level之後個痛腳消失先一齊可能重好啲。
四月都重有啲事發生嘅，首先係調位。