無啦啦有三條女同左我一齊住: 50

太早食野，響酒店九點幾已經肚餓


「我落去買啲野食」

「哦好呀..」

larry求其答我一句






兩個人獨處既時間先發現，larry同我都真係無乜計傾

平時同暗hall如何一個人都起碼開到話題，但依家我對住larry，真係乜都up唔出


可能就係因為chantal，搞到我地兩個好似周身唔聚財咁

所以我都帶定哂d錢同passport，廢事larry痴起線上黎做野






一出房門，就見到椰奶

「喂...ching你又出黎既？」


「落街買野食姐..」


「我都係喎，一齊囉」






夜晚既白石市應該都接近0度，所以我地兩個都著定羽絨先落去


「哇屌凍撚到...」

一出酒店，我已經係咁擦對手


「男人老狗咁驚凍架！」

「你揸住暖包講乜都得啦」

「比你揸囉咁！」





雖然好似好耐無獨處過，但椰奶依然都同平時一樣同我鬥下氣

可能係因為唔係大城市既關係，距離酒店最近既便利店都要行幾百米




「喂新地」


「嗯？」



「其實你諗住點架？」






「吓？」

咩諗住點呀...



「仲扮傻仔？緊係講緊chantal啦」

椰奶見到我好似聽到r哂頭咁，個樣都少少嬲：「你跟我地呢邊，都係為左佢姐」


「....」





又的確真係...


「但係..其實我都唔知我對佢係咩feel喎..」

我道：「可能真係因為我a0，分唔到咩叫鐘意咩叫唔鐘意啦...」


「咁..你今日見到larry同chantal啲接觸...有冇咩感受丫？」


「感受呀...好似少少....」










「唉明哂」

椰奶嘆一口氣，煙都飄到我眼前


「你鐘意chantal，100%」




「吓但係...」


「仲但咩係丫，由幫佢拎電話，到跟過黎東北，都睇得出啦下話」

椰奶繼續講：「比著係我或者阿純，你都唔會咁癲返轉頭拎啦」



「唔係架...你既話可能...」



我倆入到familymart內


「....車，又想呃我...」

椰奶冷笑：「我同chantal由開sem識到依家，都叫fd既，佢其實都係個好單純既女仔黎」


「但係可能係佢個ex單野啦，所以佢都好似暫時未敢開新一段感情」



「但你既話...或者有啲機會既」

椰奶揀緊酒類飲品：「larry就唔好啦，個樣咁mk」


「吓你又睇得出？」我講larry


「嘩...你真係當我地女仔弱智架喎」

椰奶皺眉：「我同阿純就睇得出既，至於chantal呢...你自己諗下啦」



「自己諗下....」



「總之，chantal係好女仔黎，自己決定啦」

椰奶將幾罐啤酒放進籃入面：「好，就呢幾隻味啦，至於薯片呢...」



我腦海回憶返起chantal對我既微笑同舉動


我..開始覺得...自己真係鐘意...