無啦啦有三條女同左我一齊住: 49

好彩，我地最後都趕到上1點半果班全日只有一架既狐狸村巴士

不過都真係好多人，我地五個都要企響巴士中間


「好彩都叫趕到咋」chantal笑得幸福


「你兩條友丫，放低行李就即走啦」





椰奶好似有少少埋怨我地


「一日最衰新地囉」

larry奸笑住：「又話攰又話要訓，搞到咁遲！」


我反駁：「下我攤左一陣咋喎...」





係囉，一日最衰拉莫斯


我已經開始feel到larry對我既敵意，睇黎今次旅行都唔方好過

「啊！」

忽然，巴士一個急彎，使三個女仔馬上失平衡






「小心呀chantal」

larry及時一手扶住chantal



而我就扶住較近既阿純同椰奶


「chantal有冇事呀？」

「無...無事...」


larry即刻轉頭對我暗笑





心諗，做乜鳩...




「唔該新地...」

阿純慢慢平衡返身子


「日本啲巴士仲chok過九巴既」

同我熟啲既椰奶就自然無講咩唔該多謝，自己揸返扶手






奇怪，見到頭先larry扶住chantal

個心，又好似有啲奇怪感覺




搭左半個鐘，終於上到山上既狐狸村


比完入場費之後，工作人員就同我地講下有咩要注意

例如唔好亂咁伸手、跪低果啲，唔係就會好易比狐狸咬親







一入到去，chantal就好似個細路仔見到玩具咁

「嘩好得意呀！」


聽工作人員講，除左特定抱狐狸既環節之外，基本上都唔會掂到佢地

只可以響高位果度睇、影相同餵食


我地幾個買左飼料，好似平時餵狗咁掉落去






「唏！」

chantal係咁掉飼料落去

見到啲狐狸仔響度搶野食，chantal都露出幸福既表情



「唔知..啲飼料好唔好食呢...想試...」

阿純忽然爆出一句，將整個氣氛打破



餵完之後，阿純當然無錯過摸狐狸既環節

而larry都有即刻跟住報


「嘩好軟淋淋呀！」

響工作人員睇住之下，chantal細細力咁摸狐狸仔


而椰奶同阿純兩個女仔都係咁，睇黎女仔都鐘意啲小動物

相反，我同larry就真係未有太大興趣，都係係咁咦摸下



「啲狐狸仔勁得意呀，頭先見到我啲野食就係咁跳！」

響回程既巴士上，一手拎住頭先響狐狸村買既紀念品既chantal笑得幸福


「哈哈佢地見你靚女姐」


larry一句，全車靜哂

「....」




「丫...咁今晚我地食咩呀？我都少少肚餓啦...」

椰奶即刻為氣氛解凍


「我搵過白石呢度出名咩架」

對食有一份執著既阿純拎出手機

「呢款麵叫溫麵，整果陣係唔會落油架...」



既然阿純都咁講，大家無理由唔跟


食緊果陣

「新地，你好似呢幾日都無乜精神咁既...？」chantal問


chantal咁樣自動關心我，搞到larry即刻望過黎



「呃...可能係訓他他mi唔舒服掛...」




「係喎，果日新地你係咪跟左阿梅同愛雯村去左新宿呀？」

larry忽然爆出一句


「呃..係呀...」


「...咦...咁你地去新宿做咩呀？」

chantal好似突一突眼咁



「er...都係買下衫咁啦...」

我慢慢察覺到larry既用心

「果朝訓訓下比佢地拉去，都唔知佢地想點」


「唉佢地兩個不嬲係咁架啦，做乜野都係好即興」

椰奶指一指我：「不過講真丫，新地你又好似真係無乜野話特別鐘意」


「肥昇佢地就鐘意av女優，阿純就鐘意食野」



「係...係咩...」



咁講，又好似真係