無啦啦有三條女同左我一齊住: 7

「嗱就係呢度啦」

我跟住椰奶，黎到土瓜灣炮仗街
雖然話同舊hall既地理位置比就一定差好遠，但起碼，都近過我響蝴蝶邨返poly既



不過，眼前既..只係一座唐樓

「....呢度...就係？」






「係呀，你諗住點呀，香格里拉酒店咁grand呀？上去啦」

椰奶講野真係好直接


呢棟傳統唐樓無lift就一定架啦，但估唔到條樓梯都咁殘舊

一路行上去，直到三樓






「就係呢度？」

門口大大隻字寫住「暗hall」，咩料？


「嗯，係呀，因為響呢度住既多數都係大學生嘛，咪叫『暗hall』囉」

椰奶禁左一下門鐘後，道門就「咔」一聲開左







「歡迎...咦，椰奶？」


「家姐！」


坐響個reception既呢個女仔，樣貌有少少似椰奶，甚至更標致

皮膚更白，身長更高

唔單止響大學既世界，就算響出面，佢都應該係女神級






「點解你黎左既？斷估你邊有咁好死黎探家姐丫！」椰奶個家姐苦笑道


我張望周圍環境，牆壁雖然有畫上塗鴉同彩畫，但依然見到有好多污垢

兩部舊式冷氣，加上頭頂慢到仆街既中學課室風扇，令室內同外面既温度冇乜分別


右手邊有條走廊，隱約見到都有十道房門


椰奶氣道

「咁諗我架家姐！睇下，我仲買左珍珠奶茶比你架！」






「嘿，算你啦！係喎...呢位係？」

家姐指住椰奶身後既我


「呃，你好....我係椰奶響ocamp既....groupmate，我叫新地」

椰奶家姐太靚，拎到我講野都lag機


「講到口吃咁做咩呀？係咪我家姐太靚嚇親你呀！」仆街，又比椰奶笑








「哦...原來係椰奶啲同學，我係椰奶個家姐，叫我marie得啦...嗯好飲！」

marie大啖啖咁啜珍珠奶茶，問：「但係，點解椰奶你帶埋同學上黎既？」


「我地兩個都報唔到hall」

椰奶答：「所以...想租呢度...」











「椰...椰奶你認真架？」

marie臉有難色，望向走廊：「但係呢度，同hall相比差好遠架喎...冷氣又唔夠...」


「定係...你只係唔想返去咋？」



「咁...家姐你都無返去啦...咪又係響度住...」

....嗯？原來有打工換宿呢支歌仔唱


「丫你個椰奶丫駁家姐嘴喎..」marie苦笑道



「總之我依家就無辦法啦，點都要黎暗hall呢度住啦...」


椰奶同佢家姐講既呢幾句，令我肯定之前我既懷疑係無錯

椰奶同佢屋企關係，應該去到水火不容既地步




「咁...新地呢？」marie問


「嗱我就住既，你呢？」

椰奶咁短時間又帶我黎暗hall呢度，又問我住唔住

我都唔知點答好


「點解...呢度咁平租既？而且，仲可以搞到咁大...」我先問


「哦...因為呢棟大廈係老闆自己既物業黎架」marie答



「物...物業？」我有冇聽錯



「我聽以前做過既同事講過，老闆應該係某啲富家子弟黎，呢度成條街...都係佢家族所擁有，所以佢先可以搞到『暗hall』，上年仲特登出錢幫呢棟樓做保養維修tim」

marie回答：「不過佢平時行蹤都好神秘，一星期淨係返黎睇一睇就算」

真係無諗到，原來唔係所有有錢人都鐘意清拆舊樓





「er...我....可唔可以睇下啲房...」


「嗯，可以呀，有間吉房可以比你睇」

marie帶我地去最尾果間空房




間隔上同poly啲hall係差唔多，但佢就係有上下格

即係話，一間房可以訓到四個人


另外，床邊亦都有窗簾，保障私穩

冷氣都係舊式野，而且出面就係馬路，所以都有少少嘈



marie再帶我地去公家用既廁所外

「呢度呢，啲房同廁所都分左男女既...所以你唔好諗住可以同女仔同房呀！哈哈」

都合理既，hall都係咁



「咔！」

廁所門突然打開


「屌！嚇死人咩marie企響屎坑門口！想昅我呀？」