無啦啦有三條女同左我一齊住: 8

打開門既係一個響健碩既男仔，應該大我少少，上身有幾個紋身

雖然都係大隻佬，但睇佢個樣，係無狗公jack同組爸wilson咁咁狗


「昅你個頭呀，我個細妹同佢同學想黎睇下個環境呀！」

marie扮哂嬲咁






個大隻仔望到椰奶

「嘩呢個係你個妹呀？幾qq喎！」


「警告你咪搞我個妹呀粉腸！」

marie即刻推開個大隻仔，睇落佢地都幾熟咁







「哈哈講笑姐！」

個大隻仔終於肯做自介：「你地好，我叫tyson」


「我叫椰奶，係marie細妹」

「我..我叫新地，係椰奶黎緊既同學」







「新地？你鐘意食雪糕架？哈哈哈」

tyson講完個笑話，成場靜哂




「喂唔好笑咩？我南區笑話大師喎！」

呢個tyson，睇落都無咁乞人憎既....








「登登登登登！！！！！」

突然，隔黎間房響起電結他聲




「唉又黎啦...」marie忽然嘆氣


marie推開冇鎖既房間：「喂呀，開到個amp咁大聲，嚇死人咩！」


「sorry...唔記得左戴headphone練...」





拎住電結他既呢個人，戴圓框眼鏡，留住頭熨過既攣髮

打扮都比較潮，但睇落幾cool


tyson自己向我同椰奶介紹

「嗱，呢個就我roommate阿豪，我平時就叫佢音樂痴漢既，條友日日響度玩結他，嘈住哂！」



「咩音樂痴漢呀...鐘意音樂都有錯咩...」

阿豪悔氣叫道：「你都晚晚舉鐵舉到大大聲啦」








「咁都嘈？你就真係嘈啦，彈都算丫，仲要自彈自唱，又唔知自己把聲難聽！」


「你話我唱歌難聽？！」





「睇黎佢地有排嘈架啦，我地出返去先啦」





marie帶返我地出去：「所以話呢，呢度其實...都同hall一樣咁熱鬧既」

「設施、球場果啲就一定無架啦，但大家既關係都會好close」




錢方面，呢度一個月1600蚊租，其實都係同hall差唔多，雖然環境真係少少鳩kick


交通方面，我頭先響屯門蝴蝶坐巴士出黎，中間轉左兩次車，個半鐘先返到poly

計埋來回既話，就係三個鐘


人方面，雖然我唔知仲有咩人，但tyson同阿豪都算係正常人既

而且有椰奶同marie呢對美人姊妹響度，又好似係幾有so



「點呀新地？我就住硬既，睇你既姐」




「我...住....」

就係咁簡單，我響一日內，由住hall

變左做住呢間咁神秘既「暗hall」




「我...中左hall」

夜晚食飯果陣，我同老豆老母講起

如果同佢地講我其實係住一間叫「暗hall」既青年旅舍，佢地可能會反對

所以，都係呃住佢地先


「哦係呀...之前比你啲錢夠唔夠用呀？」老母問


「嗯，夠呀...」

好彩之前考完dse之後有返下波鞋鋪執貨parttime，再加上兩老比左少少錢我

租既話就夠比幾個月既，但可能遲下都要搵過份parttime幫補下，廢事下下問佢地攞錢


「小心啲喎，出面住唔同響屋企住架」

「嗯，知啦」


由細到大，老豆都唔算管得我太嚴，所以都係提醒幾句就算


同佢地既對話，又令我諗返起椰奶

到底佢同佢屋企人，發生左咩事呢...



不過依家對我最大既問題係

我響暗hall度，會遇到啲咩事呢？


開sem前一日，我執好行李，出發到暗hall

我個喼入面有齊哂衫褲鞋襪、沐浴露洗頭水、水杯、髮泥果啲日用品

再加上啱啱買左既notebook，其實都唔係好多野既...


「咦，新地你黎左啦？」

一入到去，marie已經響reception



「你..你好...」

我問：「椰...椰奶呢？」


「佢啱啱到左lu，去左返工tim」

marie道：「一係我帶你入房先？啲野都執好哂架啦」


「嗯，好呀唔該」



我跟住marie去到廁所隔黎間房

「咯咯！」


「黎緊啦...」

敲左兩下門之後，已經傳黎...tyson把聲


「喂，新地黎左啦？」

黎開門既tyson著住背心成身汗，手中仲拎住個啞鈴


「新地，你就同tyson同阿豪同房啦」


「...吓？」

雖然上次見佢地兩個就無乜野既，但

以為會有啲更加正常既人



「哈哈，多多指教啦！」

tyson熱情地同我握手，令我懷疑佢係咪gay


「咁...新地就交比你啦，我出返去先」

marie臨走前將本書仔交比我：「嗱呢本就係暗hall手冊，寫低哂我地呢度既規矩咁，你慢慢睇啦...」