無啦啦有三條女同左我一齊住: 6

「嗱你地黎緊四年呢，就會讀....」

聽住個professor講解未來四年既課程，大半班都差唔多訓著



我偷望坐我前排既椰奶手上既電話，佢響度玩緊telegram

「喂，偷睇咩呀」






仆街，咁都比椰奶周到？


「無...無呀！」我馬上否認



「電話mon倒影睇到哂啦低能！」





椰奶繼續講：「話你毒到爆真係毒到爆，侵犯女仔私隱係大忌黎架」



「sorry囉...」

我再睇多眼椰奶個mon：「telegram喎...你同邊個傾緊呀？」







「砰！」

椰奶成份科目手冊打落我頭頂：「都話左咪望囉，煩」



駛唔駛咁惡呀....



大約三點幾，終於放得

「唉...oday已經咁悶，第時上堂點搞」

阿琨打左個喊露






眼矇矇既肥成回應

「屌大學生都唔上堂架啦，尤其之後我地都住hall架啦」


「屌啦，報就有架啦...」

阿琨道：「你又唔係新地，新地就話住屯門遠姐，你住樂富邊夠分呀」


我屋企得果3百幾尺，又要住屯門碼頭果邊，閒閒地都要個幾鐘先返到

所以我夠分住hall應該都係100%既波







但我無諗到，一星期後

「下？」



我望住封email，呆撚左

我入左waiting list？仲要排六百幾


無可能架喎，明明過哂50分，應該住到架喎





點會好似依家咁，連新hall都無姐




明明大學其中一樣最緊要既，就係擺脫屋企既保護傘，響大學宿舍感受青春

依家連hall都無，玩我咩！


「喂我中左舊hall喎，務賢」

「正呀喂我中左成德呀屌」
「喂新地你入左邊個hall呀？」





電話已經傳黎阿琨同肥成既喜訊


仆街，佢兩個九龍東都住到hall？！

我真係極度懷疑我個分係咪計錯，決定返去poly問一問




「唔好意思呀...我想問下呢...」

去到舊hall個office，我戰戰兢兢咁問：「我係咪計錯分呀？我住屯門蝴蝶村架喎，計落應該都有五十幾分喎」


「同學，今年多左人報，起碼都要六十幾分先穩入到hall」

個男職員答，臉上都顯得不耐煩


屌，有冇咁多人報hall呀...


「吓...但係waiting list都幾百喎」我繼續問，希望有奇蹟發生



「同學，啱啱我都話多人報啦，咁waiting list都自然多架啦」

個男職員再講：「今日派左結果已經有好多人上黎問架啦」


屌，你有幾多野做丫，睇死你平時咪又係鳩hea等收工



「喂，有冇搞錯呀我住柴灣都無？成五十幾分喎！」


office既另一邊，就傳黎一把熟悉既女聲



「poly計分真係痴線架喎，我都話左我要轉兩程車架啦....」


「同學唔好意思呀，但係你呢，住藍灣半島，單位三個人，800尺，所以計埋係得45分架咋」


「痴線架喎真係...咦？」

椰奶呢個時候先察覺到我：「新地？」



「呃...hello」






「哦...原來你都無hall住...」椰奶飲住珍珠奶茶道


「我都唔撚明，我屋企又遠又細，點解咁都無hall住！」

我接住再問：「但係頭先聽到個職員話你住藍灣半島架喎，咁都住hall？」


「多事啦你...人大左就唔想痴屋企架啦，你見我都照返part time架」

住得藍灣半島，椰奶應該都係有錢女，但點解又要返pt又住hall


「咁你點呀？」



椰奶忽然之間問我，我未未知點答好

「吓...咁咪返屋企囉，來回都兩個幾三個鐘」


「....我有打算喎...睇你頂唔頂得順姐」


「下，有咩計呀？」


椰奶吞哂口內既珍珠

「我家姐響土瓜灣一間青年旅舍返part time，睇下去唔去果度住囉」

「吓....你..你有家姐？」


「唔得既咩？」

sorry，我反應大左

只係無諗到椰奶唔係獨女



「但係...貴唔貴架？ 」我問


「我記得...有poly學生證既話好似都1600蚊一個月，計返既話其實都係同hall差唔多姐」

椰奶再解釋：「個老闆以前都係poly學生，所以就響土瓜灣整左呢間青年旅舍，比啲報唔到hall既人住」

「不過聽家姐講，個老闆係少少奇怪...」


緊係奇怪啦，1600一個月咁平，真係志在打個和咩...



「點呀？你住唔住呀？我就應該頂硬上架啦...」


「去...去睇下都無妨既...」

我再問：「但係...點解你死都要唔響屋企住姐...」


「關你咩事....行啦」



直覺覺得，個原因唔簡單