只有做愛的時候我才聽得見聲音: （62）

一個禮拜後，樂隊喺原創歌曲比賽中贏得左冠軍，Priscilla開心到爆，而Alex就無咩特別感覺。

佢始終認為佢地嘅原創歌好難聽，並唔值得拎冠軍。

不過見Priscilla咁開心，佢都開心嘅。

「Alex BB，為左獎勵你咁努力練習，今晚我準備左個驚喜俾你，」

贏左比賽之後，Priscilla同Alex講。



Alex一路等到夜晚都唔見有咩驚喜，直到臨訓嗰陣，個驚喜先出現。

房間內燈光昏暗，Priscilla身穿一套性感兔女郎裝束，擺出誘人pose。

Alex心諗，對方講嘅驚喜原來係呢樣。

化身兔女郎嘅Priscilla仲準備左一part火辣辣嘅lap dance，而喺跳之前梗係要有啲音樂陪襯，於是佢就開著唱片機播歌。

歌曲前奏一起，Alex個心立即一沉。



呢首咪係晴晴走嗰日，佢地一齊聽嘅《一去不回來》？

「Sorry sorry，首歌好似唔啱。」Priscilla聽到歌手唱歌先發現播錯左，然後先換返本來想播嘅歌。

然而呢一刻，Alex嘅心思並唔係放喺眼前性感挑逗嘅舞蹈，而係諗緊嗰一個離別嘅夜晚，晴晴緊緊咁攬住佢，伏喺佢膊頭嘅畫面。

當時嘅晴晴，喺佢膊頭上流嘅係眼淚定係汗？

佢摸一摸膊頭，回想當日濕濕地嘅感覺。



「呼~」Priscilla突然喺Alex耳邊吹氣，並伸手入褲浪摸索。

點知一摸落去佢發現Alex碌jer仲係軟嘅，之後佢發現對方面上心不在焉咁，於是問：「Alex BB，你係咪唔鐘意我呢個驚喜呀？」

Alex搖搖頭話：「唔係呀，你跳得好好呀，可能係我今日太攰，狀態唔係幾好，不如我地聽日再嚟過？」

「哦...咁好啦...」Priscilla表示失望。

過左一陣，佢地就熄燈訓教。

Alex攤上床後訓唔著，腦入面一直迴響住Deca Joins嘅歌。

仲有嗰一日，晴晴離開時嘅背影…
 
訓唔著嘅Alex輾轉反側，合埋眼諗起晴晴，擘開眼就望見訓喺隔離嘅Priscilla。



望住對方熟睡嗰樣，佢個心不禁感到十分愧疚。

難得Priscilla花左咁多心思，打扮得咁靚，而且仲準備左隻火辣辣嘅舞，但自己竟然卻喺一個本應愛慾纏綿嘅時刻，諗起第二個女人，仲好掃興咁拒絕對方。

諗返起，佢覺得自己有啲對唔住Priscilla。

做得人地男朋友，佢其實就唔應該再去諗晴晴，唔應該再去諗嗰啲過去左嘅事，佢要做嘅要係一心一意對待身邊呢個女人。

佢承認同Priscilla拍左拖後，佢地之間的確係存在唔少未磨合到嘅地方。

不過佢認為唔緊要嘅，只要心中有愛，佢相信好多嘢都可以互相遷就同包容。

或者佢應該係要多啲去了解Priscilla嘅世界，而唔係一直掛住同晴晴嘅往事。



今晚Priscilla俾左個驚喜自己，照計自己都要俾返個驚喜人。

時間已經係清晨四點幾，疲倦嘅Alex打一個喊露，佢諗到聽日俾咩驚喜就進入夢鄉。

到左第二日。

Alex食完個早餐，就親自下廚煮早餐俾Priscilla。

平時佢好少親自下廚，今日特登親手煮早餐俾一個小驚喜對方。

早上十一點幾，Priscilla訓醒落嚟樓下，見到Alex親自為自己煮左早餐，感到意想不到。

「你終於訓醒啦？快過嚟食早餐呀，本人親自落廚，快試一試我啲手勢！」Alex煮左個沙嗲牛肉麵加煎雙蛋。

「哇，呢啲全部係你煮嘅？望落去就好OK啦，但唔知好唔好食呢？」Priscilla一臉歡喜。



「你快試下咪知囉！」

Priscilla嘗一啖沙嗲麵，即刻豎起大拇指讚好：「掂呀，味道好得！」

「哈，好味就食多啲啦，食飽之後我有啲正嘢俾你聽。」

「嗯？咩正嘢？」

「我揾到隊band，佢地作啲歌幾正。」Alex展示手上幾隻嘅CD。

「咦？Polyphia？呢隊band我都有聽過。」

「呢隊樂隊唔錯呀，編曲幾有心思，彈啲嘢show得到技術之餘又好聽，我地可以聽下，學習下點樣喺編曲上show off得嚟整到首歌好聽。」



「好呀，聽完學到嘢嘅話，到時又可以贏返幾個獎，哈哈！」

等Priscilla食完個早餐，Alex就同對方一邊聽住歌，一邊討論音樂，傾得好投契，感覺仿佛就似返到中學嗰陣時咁。

到左下晝，晴晴話想去行街買嘢，Alex就陪佢去，夜晚對方話想食法國大餐，Alex仲一早估到book定檯。

全日Alex都將全幅心機放喺Priscilla身上，無check電話有無短訊，亦無去諗晴晴。