十年後的舊情復熾: 相信MS張

光感到難以置信。他記起十年前分手那天，與MS張是難捨難離，她怎會第二天就跟雲說她其實不愛他？可是，雲是光最信任的朋友，也沒有理友騙光。光沉思了一會就說：”妳好肯定？”
雲用非常堅定的語氣說：”真架。嗰一日我一定唔會記錯。佢話佢其實唔愛你，只係鍾意同你上牀。”

只愛和他上牀？這不是早前光的擔憂嗎？這一刻的光心亂如麻，難道MS張從來就只是當他是性伴侶而已，沒有愛過他？但這又如何解釋蕙的角色呢？真的如雲所說，蕙只是MS張用來綁著光的工具嗎？但據他知道，二女共侍一男的意見是蕙提出的。他想起那天蕙和MS張兩人和他做愛時，明明是蕙做主動而MS張初時是不知所措。難道當時兩人是在做戲讓光上當？雲見到光的臉色變了，就說：”對唔住。係咪我唔應該咁講？”

光：你都係對我好啫。我會問下佢地架啦。放心。
雲：佢地唔會認架。
光：但係我真係鍾意佢地兩個，如果真係要分開都要佢地有個交代呀。
雲見光已很不安，在這次午餐期間就沒有在談及這個話題。但在道別時她還是加上一句：”有咩野記住搵我。我係你背後嘅女人來架！”
光微笑地說了聲”嗯”。雲是光背後的女人，是他們兩人中學時期開玩笑時常講的話。今天雲突然再說這句話，令光記起那個相對天真的時期，令他更懷疑MS張和蕙。



光回到辦公室，第一時間發了電郵給MS張：”頭先同阿雲食飯。佢話你當年同佢講過你其實唔愛我。係咪真？我聽完好唔開心。”
過了一小時左右，光收到MS張的電話。MS張的聲線很慌張：”阿雲同你講左啲乜？”
光：佢話當年我地分開之後嗰日，佢上你屋企搵你。係咪真？
MS張：係真。佢話佢喺我屋企發生左乜野事？
光：佢話你同佢講你唔愛我，只係想同我搞……
MS張：就係咁？冇其它？
光：冇啦。
MS張：哦！你唔好唔開心先啦。
光：即係係真？我知阿雲唔會呃我。


MS張：阿雲唔會呃你，我都唔會呃你。但係我會呃阿雲呀嘛。
光：下？即係點？
MS張：咁佢上來我屋企係想我同返你喺埋一齊呀嘛。咁你知我當時係乜野狀態架啦。我唔想佢死纏爛打咁咪講大話，所以就咁樣講希望佢死左條心。我之前嗰晚，喺你走左之後我咪一樣喊到變豬頭咁。
光：哦。
MS張：有啲野我唔係咁方便喺學校講。但有三個字我而家呢一刻好想同你講。你明唔明？
光：我明。
MS張：信唔信我先？
光：嗯。
MS張：咁好啦。我唔方便講咁耐電話呀。BYE BYE。
光：再見。



對於MS張的解釋，光基本上接受，但無論如何，雲這番話也已植根在光心裡。他晚上回家和蕙吃飯。蕙告訴光MS張已告訴她下午發生甚麼事：”你要信阿雪呀。雖然我嗰時未識佢，但佢背住佢老公同你一齊其實好大壓力。要有好多愛先至做到知唔知？”
光：嗯。
蕙：同埋，為左分手呃人好正常啫。我呢幾年都呃唔少人啦。
光：即係點？
蕙：哈！玩到厭老作個理由咪分手囉。但係呢，對住真正愛嘅人，女人係唔講大話啫。所以我對住你句句真話，阿雪都係。你要信佢呀。我呢啲蒲精做埋啲變態野你都信，你冇理由唔信你個MS張啫係咪？

經過蕙再花唇舌解釋，這次危機也暫告解除。臨睡前，光發了個短訊給雲：”我知你為我好。但MS張話佢咁樣講係特登騙你。”雲的回覆是：”我好肯定佢唔係呃我。但係你都咁大個人，你自己判斷啦。記住：我係你背後嘅女人呀。”光收到回覆後，覺得有雲這個朋友實在太好。但今次他選擇相信MS張。