十年後的舊情復熾: 和頭酒

既然光選擇了相信MS張，他和蕙的搬屋計劃就繼續進行。光和蕙入伙當天，MS張送了兩份禮物給他們。一份是給光的，是一部智能電話。MS張說在她自己的電話中，她已將這部新電話的號碼的聯絡人記錄成蕙。所以以後光想找MS張的話，用這部電話發短訊或者WHATSAPP就可以了。另外，MS張送了一個名貴錢包給蕙。
 
光和蕙搬屋後，MS張就經常以不同的理由或者藉口來他們的新居作客。新居大了，一張沙發打橫有三個坐位。MS張作客時，光多數坐在中間，兩女則坐在兩邊。光可以擁著其中一個或者同時拖著兩個女伴，樂在其中。性事方面，他們仍然維持一男一女的性愛。MS張即使常到光蕙家，但如果蕙在家時也不會要求和光幹，她和光的性愛主要只在黃昏幽會時發生。
 
這些日子三人都很開心。光得到了新電話，可以主動關心MS張。雖然兩人在電話上的對話仍然不能暢所欲言，但光已心滿意足。光蕙之間也過得甜蜜，沒有吵過架。直到五月底兩人卻因為蕙被公司解僱而鬧得極不愉快。原來蕙的公司要求員工選擇每天早半小時上班或者晚 半小時才下班，即是延長工時，但薪金不變。這政策令到公司內怨聲載道，但大家都是敢怒不敢言。唯獨是蕙趁一次在升降機偶遇管理層時向上司表示不滿。過了幾天，蕙就被告知八月約滿後不獲續聘。她覺得這樣也沒有意思，就選擇提早離職。光覺得蕙沒有智慧，沒有好好保護自己的飯碗而對她不滿。而蕙認為錯在公司，自己的男友卻反而埋怨她，令她傷心。
 
MS張知道兩人鬧翻後就請他們到外晚膳。MS張親自為光和蕙倒汽水：”拿！汽水代酒！你地飲左佢就和好如初！”
蕙：我都想畀面妳架阿雪。但佢今次太離譜。
光：咁你咁大個人做野都唔成熟啲！
蕙：有幾唔成熟？而家人地恰我，你唔幫我仲畢特止喎。


光：我唔係話你錯。路見不平出聲冇錯，但你都要諗下自己先得架嘛。
蕙：我唔係冇諗自己喎。係我估唔到佢咁奸咋嘛。
光：老細梗係奸架啦。你做左咁多年野冇理由唔知。
蕙：哈！因為老細奸所以就乜都唔做。咁我地打工就成世畀人恰囉喎。
光：咁呢個世界係咁都冇辦法架嘛。
蕙：你睇佢呀雪姐姐。佢唔係企喺自己女朋友嗰邊架。
MS張：咁光仔都係擔心你啫。
光：係囉。我地啲租我都應付得到。但係你屋企人呢？都要你畀錢佢地駛架嘛。
蕙：哼！我又唔係大駛，銀行仲有錢。同埋，工冇左咪搵過第份囉。我呢啲去邊度做都係咁上下人工G架啦。你呢啲大學畢業專業人士唔明架啦。
光：MS張你睇下佢，佢都唔知我係緊張佢先至咁樣樣。


MS張：但係光仔你都唔應該咁唔撐阿蕙個喎。份工冇左佢都唔開心架嘛。你唔撐佢佢咪仲可憐囉。
光：係……但係……
MS張：仲但係？冇得但係呀。就算阿蕙唔應該同老細咁講都好，你做男朋友都唔應該咁。我宣判係光仔錯，道歉！
蕙：哈：聽到未呀！阿雪都話係你錯。
 
光想了想，也覺得蕙其實是受害者，加上MS張站在蕙那邊，決定屈服：”好啦。對唔住。我錯啦。畀我𡃶返啦好唔好？”
 
在MS張調停下，這場小風波就過去。三人吃過晚飯離開飯店後，本來緊緊地拖著蕙的光說要去洗手間，就甩開蕙急步向前走。蕙於是就挽著MS張的手在櫥窗前漫步。MS張一邊望著名店內的手袋一邊說：”哈！你地鬧完交咁快好返，好似都幾穩定囉喎。”
蕙：都係多得你做和事婆啫。
MS張：不如快啲結婚啦。睇住你嫁我會好開心。


蕙：哈！都唔知佢忍唔忍到我。
MS張：即係你OK 啦。
蕙：唔好講呢啲啦。睇中個手袋呀？
MS張：靚呀，不過好貴囉。幾千蚊。
 
第二天，光在辦公室收到MS張的來電，勸他向蕙求婚。MS張說兩人感情算好，而且蕙年紀也不小了，也應是時候了。光也同意。他趁蕙不用上班就拿了幾天假和蕙到韓國旅行，並在當天向蕙求婚。蕙接受，兩人訂下年底的婚期。