十年後的舊情復熾: 雲爆舊事

光和蕙成為了正式的男女朋友，蕙更搬到光的住處與光同居。同時，蕙容許光繼續和MS張保持著不倫關係，兩人的黃昏幽會仍然繼續。三個人晚間約會的頻率更是有增無減。有時MS張不會上光家，純粹享受著約會的歡樂。有時蕙也會識趣地找藉口讓光和MS張在三人約會後在家獨處。但經過上次三人性愛的尷尬後，沒有人再提出要多來一次。
 
個多月後，光提議搬去一個較大的單位，讓自己和蕙有更大的生活空間。蕙就大膽建議不如搬到MS張居住的屋苑，光和MS張當然叫好。在找新居期間，MS張介紹了光予自己的丈夫認識。當然，光的身分是蕙的好友的男朋友。很快，光和蕙就找到一個合適單位租住。當光和蕙忙於搬屋事宜之際，雲提醒光要出席她兒子的生日會。光告訴蕙有這個生日會後，蕙就嚷著要一起出席。光覺得既然蕙已是同居女友，帶她和雲等好友認識也無所謂，於是光就通過短訊問雲是否可以多帶"一個女仔"參加生日會。雲的回應是："嗰個唔係MS張就得"。
 
蕙跟著光到雲家出席生日會。交際能力甚強的蕙要打入這個圈子當然沒有甚麼大問題。雲見到蕙和光狀甚恩愛，也稍感安慰。不過，雲還是趁蕙上廁所時拉光到一旁問："嗰壇野你搞掂左啦？"光一臉尷尬地說："差唔多架啦。"雲對這回應感到有點意外，但見到蕙已從洗手間出來就沒有再追問下去。
 
生日會結束後，蕙在回家的路上問光："阿雲個囝囝好得意呀。如果你肯同我生翻個就好。"光毫不猶豫地回應："好呀。你咁靚女，生出來個BB一定好靚啫。"這句說令到蕙心裡覺得超甜，她挽著光的手說："好呀。我地今晚就製造啦。"
翌日早上，光在上班時候收到雲的電話，約他中午午膳。兩人在光工作地方附近的餐廳見面。
雲：尋日個女仔好似好愛你喎。個樣甜到漏。
光：係呀。佢好𡃶我嘅。


雲：既然你都滿意，咁就唔好對人地唔住啦。快啲搞掂嗰壇野佢。
光：其實……我都唔知點同你講。件事唔係咁簡單。
雲：即係點？講來聽啦。
光：唔知點講。
雲：我同你冇秘密個喎。
光：好啦，我講啦。不過你有啲心理準備。件事有啲怪。
雲：好。
光：阿蕙係MS張個好朋友。阿蕙話我可以繼續同MS張一齊。
雲：下？
光：真架。


雲呆了一會，再說：”呢個阿蕙係MS張派來同你一齊？”
光：唔係呀。咪好似我地以前咁，我唔可以同佢兩個出街，MS張就成日叫埋阿蕙來。點知之後就咁LU……
雲：佢追你？
光：算係啦。
雲：咁阿蕙係MS張派來架啦應該！
光：咩意思？
雲：你諗下喎。佢本身係MS張個朋友，同你一齊又可以話由得你同MS張一齊，你話有冇理由先？如果真係鍾意你點忍得到？
光：我都覺得係有問題架當初。但係佢話我自己都冇叫MS張離婚，情況一樣。
雲：痴線！你同MS張結左婚咩而家？你唔可以再咁樣落去架啦。一切都似係MS張舖排去綁住你。
光：唔明呀。


雲：咁佢搵個朋友睇住你，仲要個朋友話你可以繼續同MS張一齊喎。即係搵人去綁住你啫。佢怕你第時搵到第個女仔就唔要佢。
光：冇咁變態掛。
雲：你而家都夠變態啦。
光：但係就算MS張係咁諗，阿蕙都唔需要咁做啫。
雲：你點知佢兩個之間有啲乜野勾當？你唔好諗到人地咁簡單至得架。人地係為左自己，你估為你咩？快啲斬纜啦。
光：可能唔係你咁諗呢？
雲：唉……其實有一樣野我瞞左你好多年。我估都應該話畀你聽。
光：乜野？
雲：當年MS張同你分手嗰晚，你記唔記得你打過畀我。
光：記得。我喊到痴左線。
雲：嗰晚MS張都SEND左個ICQ畀我，話同你分左手，叫我睇住你。之後佢就唔聽我地電話啦，喺ICQ又INVISIBLE左我地啦。
光：我記得。
雲：我見你咁傷心。我第二日其實走過上去MS張屋企搵佢。佢話佢其實唔愛你。