《喺Ocamp入面，我竟然同時成為兩個女神嘅獵物》: 獵｜hunt
（…）
我想起啊軒當天跟我說的話。
當晚，我打給啊宜，希望她可以幫我做一件事。
「你依家係學校？轉頭過一過嚟我樓下。」啊宜沒有答應或拒絕我的要求，她應是想更新事態的最新發展再決定。
十五分鐘後我出現在啊宜家的樓下，只見她正向我揮手。
「謙哥，依家點？」啊宜劈頭就問。
我將剛才與啊龍見面發生的所有事告訴了她。
「真係佢…」啊宜淡淡的說出這一句。
「而一刻我唔敢講太多，因為我怕我諗嘅方向錯咗，然後影響咗你判斷…」我忽然想起啊宜曾經說過。
「所以你嗰陣就已經估到？」我問。
「應該係話我嘅第六感同我講，依晨而個女仔唔簡單。」啊宜說。
「但我怕如果我估錯，就會直接影響到你嘅判斷。」啊宜接著說。
的確，人很容易受身邊的人所影響，好像啊龍。
「我明嘅，你都係想我公平啲去對待佢地兩個。」我沒有怪責她。
「係，所以我嗰陣叫你諗清楚，睇清楚。」啊宜說。
「諗清楚，睇清楚...」我想起另一個說過這翻說話的女生。
「所以…你決定聽日真係想咁做？」啊宜問。
我想了一想。
「係！」我肯定的說。
翌日早上，我依著啊宜給我的資料，來到依晨入住的醫院。
此刻我站在她的病房門前。
「呼…」我深呼一口氣，準備推門進去，但門卻在此時打開。
一個身材高佻的女士走了出來，樣貌與依晨有幾分相似，這應該是她的母親。
「Hello～你係？」那位女士先開口。
「你好～我係依晨嘅大學同學，我叫啊謙。」我表明身分。
「哦～佢啱啱瞓咗喎，或者我幫你叫醒佢？」她說。
「唔使喇，我可以等一陣，佢…還好嗎？」我問。
「佢冇咩事喇，個傻妹原來早幾日整親對腳，又唔同我地講。佢Daddy尋日見佢行路好怪，就送咗佢入嚟，做哂檢查，應該只係普通韌帶撕裂。」
「係啊衡收錯風，定呢個係依晨嘅自導自演。」我心想。
不想了，反正很快就會知道答案。
「我走喇，啊謙你幫我睇住我個女喇～」那位女士說。
「哦…」但我的目的不是…
依晨的母親走後，我便推門進去，她還在床上熟睡。
「成件事真係佢做？」雖然事實放在眼前，但看著她潔白無瑕的面孔，我還是不敢想像原來內裡藏著一頭惡魔。
「唔…」隔了不知多久，她終於醒來。
「你醒喇～」我說。
「咦，爸組，你幾時嚟㗎！」聽到我的聲音，依晨才驚覺這個房間有第二個人存在。
「嚟咗一陣，諗住嚟睇下你…」我說。
還有想問清楚事實的真相。
「爸組你好衰！我個樣咁殘比你見到哂喇！」依晨在向我撒嬌。
「衰嘅真係我？」我心想。
「你因咩事入醫院？」我問，無視她的撒嬌。
「哼！咪因為你囉！我對腳痛咗幾日喇！」她說。
「但有人話你因為食太多安眠藥所以入院。」我嘗試試探。
她眼睛裡閃過一絲猶豫。
「冇...冇啊，邊個講㗎！」她帶點生氣的說。
我知道她在說謊。
「尋日，我見過啊龍，佢同我講哂成件事…」我不打算再和她糾纏下去。
依晨睜睜的看著我，我和她就這樣沉默對望了數秒鐘。
「然後呢？」依晨先開口，冷靜的語氣與平時的她截然不同，令人感到心寒。
「所以，全部嘢都係你嘅計劃？」我問。
也許是知道真相戳破，依晨沒有反駁，只是低下頭，眼淚不斷的滴下白色的被子上。
「真係你…點解你要咁做…」我追問。
她依舊沒有抬頭，只是哭得比剛才更狠。
就在這時，房門被人打開，有數名女生走了進來，應該是她的中學同學，因為芷晴亦在其中。
「依晨你做咩啊！？」
「係咪好痛啊！」
「唔好喊喇...」
她們見依晨哭得可憐，都走上前詢問。
「跟我出嚟…」芷晴沒有走到依晨身旁，而是在我耳邊細語。
臨離開前，我和依晨對望了一眼，但從她通紅的雙眼中，我看不出一絲的悔意。
「芷晴，我…」在房門外，我跟芷晴說。
「得，我知你想問咩…」芷晴阻止我說下去。
「所有嘢都係依晨佢…」我搭著芷晴的膊頭，試著解釋。
「我明，我知…」芷晴沒有縮開。
「點解？」我問。
所以芷晴是知情，所以她也是...？
不，我說過要相信她。
「我可以同你講，但唔係依家…」芷晴看著我說。
「聽日…聽日我再同你講…」芷晴接著說。
「好…」我說。
「咁我入去先，我再message你～」芷晴正打算回頭。
「我應該信你，Sorry…」我由心的說。
聽到這句說話，芷晴看著我，淚水開始盈眶。
「唔係所有嘢都可以翻轉頭…」拋下這一句，芷晴便推門進去。
餘下我一人在這條冰冷的走廊上。
但我沒有多作逗留，因為我此刻要趕去一個地方。
請問 好想知道 這個世界 會有什麼人 願意把 第一枝槍 送給未經 污染的靈魂 雖然天地也不仁 若非必要 喚醒防禦的本能 能不能等一等－ 天真有邪
因為太鍾意首歌，所以用多日～
睇下大家意見，可能會寫埋女主嘅角度，我係ig開咗個story投票，會跟story結果決定～
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！
P.S. 聽日後日會潛水上堂同寫文，下星期應該會出哂㗎喇！
小弟最近要開始做功課喇，如果真係遲咗更新，請多多包涵～
下一個故應該完咗sem先出～我重諗緊個名～