《喺Ocamp入面，我竟然同時成為兩個女神嘅獵物》: 嘅｜as

（…）
 
難道…
 
啊龍緩緩坐下，開始訴說著他的故事。
 
「嘩，啊龍你袋上面嘅公仔好cute啊～」她拿著我袋上那個Q版高達說。
 
「多...多謝。」看著她，我害羞得說不出話來，沒想到她對高達也有興趣。
 




那是我們在Ocamp的第一天早上，她跟我說的第一句說話。
 
「你攞啲嚟喇，一個人攞咁多唔重嘅咩？」她說。
 
「唔使喇，都唔重～」我不想加重她的負擔。
 
我在從一田抽著三個大袋步出，只有她主動過來幫忙。自此以後，我便多留意了她。
 
「嘶嘶…」她獨自在房間內哽咽。
 




「…」我卻只能在房外心疼。
 
第一天Ocamp晚上，我想我應該如何保護她。
 
「唔…好攰啊～」看見她和另一個女生慢慢打開組爸啊謙的房門，然後出來，我立即關好已打開的房門。
 
是因為昨晚的遊戲嗎？到底組爸對她們做過什麼？那天以後，我便多留意一個人，啊謙，這個Ocamp的獸父。
 
「你要小心你身邊嘅人啊😳」看著啊謙在她和另一個女生之間遊走，我忍不住私下傳送一個訊息給她。
 




「我都知，但可以點，我真係好鍾意佢😣」她回覆我。
 
「你不如問清楚佢想揀邊個喇😠」我有點生氣。
 
「算喇，睇埋聽日我地三個出完街，再決定喇😢點都好，多謝你…」她真的很善良，善良得寧願自己承受所有痛苦，那個獸父根本不配得到她的愛。
 
「佢值得咩？」雖然心裡明白，我根本不是她的任何人。
 
「再講喇，我瞓喇，好攰…聽日再傾🙂」她說。
 
那晚，我在謀劃如何將那個獸父的事告訴全世界，那麼至少他會收斂一些。
 
「佢有冇同你地講清楚？」第二天晚上，我主動向她詢問。
 
「比啲時間佢，佢應該都係想搞清楚自己想點😢」她回覆我，當時已是凌晨時分，看來他們玩到很夜。




 
「咁但係佢有咩行動？😕」我問。
 
相隔了不知多久…
 
「佢會分別約我地出街，我諗好快就會知道答案😌」她說得天真，但我知道，這根本就是那個獸父的套路。
 
「你唔好咁傻喇…」我嘗試勸導她。
 
「夜喇，我瞓先喇，多謝你，啊龍…」她的確溫柔得很。
 
最後，我決定在啊謙和那個所謂女神去迪士尼那天，將所有他一腳踏兩船的消息傳開去，如果他老羞成怒，說不定會怪罪在依晨身上，這樣依晨就可以看穿他的真面目。
 
啊龍的故事自此完結。
 




看著啊龍，我只有同情，他成了我們之間的犧牲品，依晨的工具人。
 
想起依晨，我只有愕然，她竟然將我們玩弄於股掌之中。
 
想到芷晴，我只有內疚，她真的只是信守承諾而已。
 
想到自己，我只有自責，我為何當初不相信芷晴。
 
「諗清楚，睇清楚…」
 
芷晴和啊宜當初跟我說時，我還不理解。但當真相大白時，才發覺原來不是沒有人提醒自己，只是我當局者迷。
 
但依晨的目的是什麼？因為這樣做，她不會得到我。
 
「你做咩唔講嘢…你係咪比我講中哂！你到底係咪想玩依晨？你講！」啊龍看著面如死灰的我，不禁怒火中燒。




 
「哈，我玩佢？」我不禁冷笑了一聲。
 
「你笑乜撚，你條仆街！」啊龍對著我咆哮，啊衡和啊峰則在他身旁控制著他。
 
「比人玩嗰個唔係佢，係你，係芷晴，同我…」我說，然後將事實的拼圖補完。
 
「所以，你嘅意思係，我地一直比依晨玩緊？」啊龍問。
 
「係。」我說得直白。
 
「我點解要信你講嘅野嘢，而唔信依晨？」啊龍在作最後的掙扎。
 
「你自己決定～」解釋多了就變成掩飾。
 




「我信啊謙，no offense，就咁聽我都覺得依晨利用緊你。」啊峰說。
 
「應該咁講，啊謙冇動機去呃你，但依晨有…」啊衡說。
 
真相往往都是如此傷人的。
 
「好喇，遲啲請你地食飯，我諗我要去搵一搵人！」我準備動身離開。
 
「要喇，你諗下點補飛吧喇」啊峰笑說。
 
我點點頭。
 
「等等…唔好行住！」拿著手機的啊衡說。
 
「咩事？」啊峰問。
 
「啱啱有人同我講，芷晴會退學，而依晨就因為食太多安眠藥，依家入咗醫院。」啊衡緩緩放下手機，然後說。
 
事情，已經超乎我的想像。
 
「同埋照我睇，而單嘢如果你有少少處理得唔好嘅地方，輸嘅就唔止兩個女仔，而係更多嘅嘢。」
 
我想起啊軒當天跟我說的話。
 
 
你可知道 對我做過 什麼最殘忍 就是你 狠狠把我 一夜之間 變成了大人 愛人 你太知道 害一個人 怎樣害一生 你在他 乾淨無菌 主題樂園 加進了壞人－ 天真有邪


歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！

P.S. 聽日應該1點會係ig更新，3點會係紙言更新～

小弟最近要開始做功課喇，如果真係遲咗更新，請多多包涵～

下一個故應該完咗sem先出～我重諗緊個名～