《喺Ocamp入面，我竟然同時成為兩個女神嘅獵物》: 物｜thing
（…）
但我沒有多作逗留，因為我此刻要趕去一個地方。
「聽日，我地兩點旺角等？」
「好啊～」
這是昨晚芷晴給我的訊息，此刻我比預定早些時間到了旺角。
「Hi～」芷晴也早到了。
今天的她依舊化了淡妝，穿上一條純白色長裙配襯一對波鞋，平實的打扮卻掩蓋不了她散發出來的天生女神氣質。
「咁早啊你～」我笑說，希望有助緩和我們之間的尷尬關係。
「今朝早咗起身～咦，咁大包咩嚟㗎？」芷晴指著我手上拿著的紙袋。
「冇…冇啊，啱啱買咗啲嘢～」我尷尬的說。
「重以為你買咗嘢farewell我添～」芷晴說得漫不經意。
所以，芷晴要離開的傳聞是真的？
「唔得，我好肚餓喇，去食嘢先？」芷晴接著說下去。
「好…」我口裡雖然回應著，但腦內揮之不去的是她剛才說的話。
接下來都是一些普通的閒聊，沒有提到依晨，沒有提到之後的她，沒有提到後來的我們，我和她之間多了一面無形的磚牆，好像告訴我們已經回不去從前。
「我地之後去邊？」步出餐廳後，我問。
「食飽就行下街囉，咁先冇咁易肥～」芷晴笑著說。
「你因住比人打～」我亦笑說。
正當我以為芷晴打算在旺角的不同時裝店血拼，我們卻在慢慢遠離旺角。對了，此刻的我們正沿著油麻地內街往尖沙咀方向走去。
「你講嘅行街就係而啲？」我問。
「係啊，我好鍾意係大街小巷入面遊走，因為咁先可以欣賞一啲平時我地忽略咗嘅風景。」芷晴說。
「最靚嘅風景已經係我隔離喇～」我看著她說。
「唔…」
「可惜世界上冇風景係永恆…」芷晴慢慢的說著。
「除咗相入面嘅你～」我邊說邊拿起相機，將芷晴的這一瞬間留在底片之中。
「嘻，傻仔！」芷晴笑說。
「咔嚓！咔嚓！咔嚓！」
一路上，底片逐張被光線捕捉，時而一個人，時而兩個人。
「終於行完～」我邊說邊在放下紙袋和相機。
「而到真係好舒服！」芷晴就這樣坐在海堤之上。
此刻的我們在西九文化區。
「差杯酒～」我笑說。
芷晴也笑了。
「依晨好翻好多㗎喇，聽日應該可以出院，你唔使咁擔心！」芷晴說。
要開始了嗎？
「其實，依晨係幾時開始佢嘅計劃？」我說。
芷晴若有所思的看著對岸。
「我估，由我鍾意你嗰陣開始…」芷晴說。
「所以，佢係有心想同你爭我？」我說。
但這也解釋不了依晨的目的，因為依照她的計劃，最終她亦不會得到我，除非…
「或者佢只係想我同唔到你一齊…」芷晴說出了我所想。
「你幾時估到？」我問。
「係Ocamp嘅第二晚，我同依晨沖涼嗰陣，佢主動想錫我，我拒絕咗。我嗰陣係到諗，佢會唔會因為咁所以先話鍾意你。所以之後我同你講，希望你可以諗清楚，睇清楚，但嗰陣嘅我未confirm佢嘅諗法。」芷晴說。
就是在那晚我睡著時發生的。
「直到我地三個去愉景灣嗰晚，你係酒店走咗之後，咪得翻我同依晨嘅，咁岩我醒咗，就見到依晨係到錫緊我…」芷晴說得雙眼通紅。
「我當堂嚇到醒咗，然後我問佢係咪因為咁先鍾意你，但佢不斷咁否認，但好快就發生咗…」芷晴接著說。
「發生咗我被人話一腳踏兩腳嗰件事…」我補充芷晴未完成的句子。
這樣一來，整件事就變得合理不過。
「所以，我離開咗嘅話，你就唔使比人講，依晨亦都冇原因去整你。」芷晴還是控制不住她的淚水。
「點解你唔講出嚟，我地可以一齊面對㗎嘛，做咩要走喎…」我努力控制著早己哽咽的聲線，可惜只是徒勞。
「謙…」芷晴抬頭看著我，兩對通紅的眼睛就這樣隔空連接起來，愈來愈近，直到我感受到她嘴唇的溫度。
我們就這樣，迎著淡淡的海風，沉醉在只有我們二人的世界。過了不知多久，芷晴靠在我的肩膀，看著和Ocamp第一晚同樣的星空。
「你可唔可以唔走？」我緊握她的手問。
芷晴沒有回答，只是用手心的壓力回應著我。
「真係唔可以？」我再問。
「或者比啲時間大家，對你，對依晨，同對我都係一件好事，你就比我任性一次…」芷晴緩緩的說出。
看來芷晴已經決定了。
「如果係咁嘅，你要帶埋佢去！」我將那個紙袋遞給芷晴。
「真係比我㗎～」芷晴展露久違的笑容，果然女生還是喜歡禮物。
芷晴將包裝拆開，那是那天她在迪士尼抱了良久的Winnie the Pooh毛公仔。
「你幾時買㗎？好QQ啊！」芷晴愛不惜手的抱著公仔，就像回到迪士尼那天。
「唔知呢～不過我唔係亂送公仔比人㗎！」其實是昨天我趕往迪士尼買的。
「多謝你～」芷晴說罷便吻了我的臉頰一下。
「我會帶埋佢過去㗎喇！」然後接著說。
後來的我才知道，芷晴不是轉校，而是去了英國一年Working Holiday，但她沒有和任何人聯絡，我只能通過她的IG去查看她的日常，和那隻經常出現在相中的Winnie the Pooh毛公仔。
至於依晨，則是只有上課才會看見她的身影，一年後她離開了香港，去了美國讀書。
果然有錢就是任性！
「在一個名為Ocamp的草原上，有兩個女生正凝視著一個叫組爸的獵物。只見一個女生拿起相機，打算將她喜歡的獵物永遠保存在她的記憶和底片之中。但另一位女生則拿起獵槍，打算射殺獵物，只因她不想獵物奪走那個她喜歡的女生。」
伴隨著鍵盤聲音滑落，我想這作為故事的結尾也不錯。然後我將那杯放了良久的咖啡一飲而盡，蓋上電腦，準備這間咖啡店，只是...
「鈴鈴…」是誰在暑假這個悠閒的日子騷擾我。
「喂，謙哥，搵到你就好喇！」聽筒傳來了啊峰的聲音。
「嘩，咁好搵我，有咩事？」我笑說。
「唔好話我唔益你，今年有個組爸空缺，我叫下莊預埋你！」啊峰說。
「上年重未比你玩夠咩？」我心想。
「唔…」我正打算說。
「唔係唔做下話，有個姓張嘅組女指定要入你嗰組…」啊峰說。
那一年，我們在新一個Ocamp，看著同樣的星空，這一次我們之間不是多了依晨，而是那隻遊歷了整個歐洲的Winnie the Pooh。
想起來好像昨天 我們初次見面 想不起很久以前 少了妳在身邊 謝謝妳陪我 迷途樂園 繞了一個圈 才體會 這樣的迂迴 多麽可貴 － 兜圈
我係ig開咗你問我答，大家有興趣就去留下言喇～我都想聽下大家點睇！
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！！
P.S. 聽日休息一天，星期三會開始講埋芷晴同依晨嘅告白。
小弟最近要開始做功課喇，如果真係遲咗更新，請多多包涵～
出咗新故喇～《嗰晚，女神竟然攻擊我嘅Coin Master村莊》，希望大家多多支持～