《喺Ocamp入面，我竟然同時成為兩個女神嘅獵物》: 神｜god
（…）
還是因為對我的失望？
「…」我沒有回應芷晴。
「即係你覺得係喇…」芷晴哭著對我說。
「衰人！衰人！我唔想再見到你啊！」芷晴說罷轉身就跑，我們猶如一對剛分手的情侶。
我沒有挽留，只是靜靜的待在原地，想著，淚水卻不期然的滑了下來。
「如果芷晴真係鍾意我，點解佢要咁做，定其實佢一直係到玩緊我？」
「你其實有冇諗過，芷晴從來冇承認過自己就係嗰個告密者…」
「咁點解佢唔否認？」
「好喇，就算係芷晴講，都可能係因為想問人意見姐，你又知佢係有心？」
「如果佢真係冇心，咁點解佢唔解釋？」
「否認又點？解釋又點？你會聽咩？你一直都覺得兇手就係佢地兩個其中一個，根本你一早已經有咗前設。」
「咁依晨都話係芷晴講，但佢又唔講邊個係邊個話佢知，咁明顯佢係最大嫌疑喎。」
「都係果句，嗰下你根本已經假定咗係佢，你重期望佢講咩？」
「我只係想搵出告密者…因為我唔想係佢」
「佢只係希望你相信佢…因為佢好鍾意你」
魔鬼與天使的交戰使我心力交瘁，伴隨的只是一個沒有答案的問題，我該如何是好？還是先離開這裡吧，但我可以去那？
人，的確是一種很需要安全感的動物。
「咦…」疑問的不是啊軒，而是我媽。
以我自出生就認識的她，下一句就是…
「翻嚟瞓唔早講，我留湯比你嘛。」果然。
「算喇，你快啲去沖涼先～」看著我滿佈血絲的雙眼，我想她是明白的。
浸泡在家中的浴缸的，我正嘗試理清整件事的脈絡。
1. 和芷晴約會那天，有人將我跟她們倆約會的事流傳開去，同晚，啊宜和啊軒將消息告訴我，那時的我懷疑那個人就是依晨。
2. 到了第二天和依晨約會，她告訴我芷晴曾提及關於我的事件，那即是就依晨並不知情，所以我便開始懷疑芷晴。
3. 就在剛剛，芷晴說是別人告訴她，但始終卻不肯說出那個人的名字。
當中最難解釋的位置在於，為何我和她們兩個之間的互動，那個人可以那麼清楚。這猶如一樁羅生門事件，要找到真相，除非找到一個可信的第三者，但有如大海撈針。
梳洗過後，我躺在久違的床上，滑動著今天的手機訊息。
「今日冇咩特別，都係講翻啲舊嘢，如無意外我諗好快完😀」來自啊宜的訊息。
「仆街仔今晚唔翻嚟瞓？」來自啊軒的訊息。
其他都是一些對事情好奇的花生友，或是群組的訊息，我通通沒有理會。咦，這是誰？
訊息欄中出現一個只有電話號碼的新聯絡人，好奇心的驅使下我按了進去。
「謙，得閒就覆一覆我，我係啊衡😌」是他，系會主席。
「有事搵我？」我直覺想，會否與這件事有關。
不一會他已在輸入中。
「聽晚得唔得閒，有啲嘢想搵你傾😗」啊衡說。
「關於咩㗎？」我還未送出這個訊息，啊衡的下一個訊息就到了。
「有關你同芷晴依晨嗰件事」啊衡說。
果然。
「謙哥，而排你就威喇，成個系都係到講緊你喎～」說話的是啊峰。
我聳聳肩，表示沒有什麼回應。
翌日晚上，我身處在系會室，同場的有啊峰和啊謙。
「唔好再串佢喇，我估佢而幾日都煩死㗎喇～」啊衡笑著說。
的確，這很惱人。
「所以，今晚你地叫我嚟，唔係淨係想食花生㗎嘛？」我問。
「我地今晚係幫你解決問題～」啊衡說。
「其實而個係啊衡嘅意思，因為我地嗰陣臨時臨急搵你幫手，你都即刻應承，依家見到你有難，冇理由唔幫嘅～」啊峰接著解釋。
我流露出感激的眼神。
「咁你地搵到啲咩料？」我決定直接進入主題。
「根據我地對比咗咁多個group，同埋各方小道消息比我地嘅資料，而單明係有人做你。」啊峰說。
「點解咁講？」我疑惑。
「因為我地搵到一開始send訊息出嚟嗰個，同埋之後加鹽加醋嗰個，係同一個人。」啊衡說。
「嘩，你地點搵㗎？」我不得不佩服他們的偵查能力。
那麼，是誰？
「陣間你可以問佢，佢應該差唔多到～」啊衡說。
那個人會出現，到底..
房門正緩緩打開，進來的既不是芷晴，亦不是依晨。
那個人竟然是啊龍，那個我一開始不太記得他名字的組仔。
「點解？」他還未坐下，我已經按捺不住我的怒火，直接向他咆哮。
我努力接實手中緊握的拳頭。憤怒和內疚同時在衝擊著我，是他，令我誤會了芷晴；是我，為何不能對芷晴多一點信任。
「你冷靜啲，聽佢講埋先～」啊衡拍一拍我的膊頭，示意我控制一下情緒。
「你sure佢接受到？」啊峰說。
難道…
多想有個林夕 躲在心中描述 感情的起伏和不想掩飾的痛苦 － 心有林夕
之前啲篇章可能有啲線索，大家可以留意下。
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！！
P.S. 聽日應該1點會係ig更新，3點會係紙言更新～
小弟最近要開始做功課喇，如果真係遲咗更新，請多多包涵～
下一個故應該完咗sem先出～我重諗緊個名～