《喺Ocamp入面，我竟然同時成為兩個女神嘅獵物》: 新｜fresh｜M
（…）
「爸！組！」
說話的是芷晴，跟在他身後的好像是紅組的組仔。
「你今晚跳舞唔好踩到我隻腳啊～」芷晴對著我單眼，我就知道這位組仔是她的裙下之臣。
「WTF！？搵我過橋重想嚟過芷晴硬上我！」我心想。
「組爸老喇，跳唔郁…啊！!」我打算趁機玩弄她一翻，怎知她竟然從背後攻擊我的手臂，真陰險。
「啊！！係呢，組仔你叫咩名？」我轉移話題，果然芷晴立即鬆手。
「我叫啊峰，冇咩事我翻組先喇。」看起上來啊峰似乎很失望。
「唔該哂喎爸組！」啊峰走後芷晴對我說。
「搵我過完橋，有咩著數先？」我問。
「今晚做你舞伴囉！」芷晴笑說。
「oh Sxxt！而啲咪叫自作孽囉。」我心想。
最後，這個遊戲亦是我們勝出，自然是因為我給依晨的貼士。午飯時，大會陸續派發由Angel或是Master發出的信件，我收到的信件有三封：
「爸組，我要蚊怕水！尋晚為咗等你而個衰人，搞到我對腳比蚊咬！衰人衰人衰人！」是芷晴的筆跡。
「尋晚你應該好夜先瞓到，而到係獎勵你嘅！」是我的Angel給我的信，隨信有一包熊仔糖，頓感窩心。
「謙爸，你好正啊！我今晚可唔可做你舞伴，如果可以就打比我喇！9xxx 8xxx。」背著芷晴和依晨的禮物走回宿舍時，我思考著應否接通這個瘋狂來電。
「嘟嘟…」出於好奇，我還是打了。
「喂！」是女生的聲音。
「你…係？」我問。
「哈哈哈哈！謙哥你真係信㗎，啊屌！笑撚死我喇，哈哈哈哈！」怎知道下一秒竟變成啊禧的聲音。
「仆街仔！」我說完便掛斷電話。
你知道嗎？若然思考可以殺人，啊禧早已投胎無數次了。不過他也提點了我，我還未選擇我今晚的舞伴。
「行喇！」啊宜催促著他們盡快趕到下一個遊戲場地。
「算喇，陣間再諗！」我心想，然後把用信紙折好的蚊怕水放進口袋內，亦將毛巾包好放進衣物包。
「喂，尋晚唔夠瞓啊？」啊宜小聲的問我，趁著玩Mass Game時的空檔
「唔係啊～」我說。
「咁搞咩咁頹？」啊宜問。我搖搖頭
「係呢，你搵咗今晚嘅舞伴未？」我說。
「搵咩？咪你囉？」啊宜說。
「一個芷晴加一個依晨都夠煩，你都玩鳩我？」我心想。
「吓！？」我疑惑。
「咩啊，所有組嘅組爸媽都係一Pair㗎喇，有咩好諗？唔通你想同其他人…？」啊宜說。
「又係啊禧！」我想。
「梗…梗係唔係喇！」我頓時舒了一口氣。
這場比賽我們組只得到第二，所以明天就是決勝的關鍵。晚飯前我們先回到宿舍休息，以預備晚上的營火舞會，當然我亦趁機宣佈大會指明啊宜是我的舞伴。只見芷晴和依晨便立即探頭詢問同組的組仔，不一會就已經找到。
晚飯過後，我們移師場地到大棠附近的一個私家地方，因為這裡才可以燃點真火。只見場地中間已有幾名赤裸上身的大會籌委在向營火淋水，以防止過熱，大家亦很快圍著營火排成兩個圓圈，較接近樣火的是籌委及組爸媽，而外圍的是組仔女。
「DSCHIN DSCHIN DISHINGUSKHAN～」是其中一首營舞，林子祥的成吉思汗，伴隨著音樂氛圍，我們很快就沉醉在樂曲和舞步之中。
可能有人會問為何我會懂得舞步，因為世界上有一句說話叫「天下文章一大抄」，營舞也是大同小異，這自然難不到今年籌備大O的我。
真火的熱度，令大家全身濕透，歌聲因為每個人的加入而變得響亮，氣氛亦隨著營火而不斷升溫。
「好喇，依家到交換Partner環節，大家準備好未啊！」MC聲嘶力竭的叫喊著！
「準！備！好！」大家回應。
只見我看著依晨，慢慢的接近我，然後成為我的舞伴。
「唔好意思啊，今晚做唔到你舞伴。」我先開口。
「唔緊要喇，你都唔想嘅。」依晨還是那樣的體貼。
「嗯…」緊握著她柔軟的右手和纖腰，感覺不錯。
「爸組，出咗Camp之後，你會約我㗎何？」依晨突然詢問。
「會，梗係會喇，我哋要瘋狂咁Re u！」我笑說。
「我係話，單獨…」依晨抬頭看著我，營火之下她的雙目顯得格外迷人。
「啪～」MC提示要換舞伴。
我對著依晨，默默的點一點頭。不一會，雙頰通紅的芷晴亦成為了我的舞伴。
「嘩，乜今日關公嚟咗咩？」我決定先發制人。
「係啊，看刀。」芷晴說罷就以手刀斬向我，我則以空手入白刃排解了她的招式，再順勢拖著她的右手和壓著她的蠻腰。
「唔…」感覺到芷晴心跳加速，似是沒有想到我有此一著。
「今次重唔比我食住你！」我心想。
「我唔多識，你就住我。」芷晴迴避我的眼神說。
「唔就喎！」我笑說。當然我不會這樣做。
「你…」難得這個小霸王沒有駁嘴。
「咁乖咪幾好囉！」我笑說。
「乖…你會鍾意咩？」芷晴低下頭說。
「嘩，認真咩？」我心想。
「成日蝦我！衰人衰人衰人！」芷晴差點就哭出來。
「小姐你會唔會調轉咗嚟講！」我心想。
「係喇！」我溫柔的說，然後摸摸她的頭。
當下我的心情的確有點複雜，複雜到言語不能表達。也許當下的我和大家所想的都是一樣，但猜對開頭，猜不中結尾。
火花不等愛人 變幻太多 應該珍惜過程 還是結果 － 火花不等人
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！
P.S. 聽日應該1點會係ig更新，3點會係紙言更新
聽日會休息一天，或者ig會有少少預告，或者咋😆