《喺Ocamp入面，我竟然同時成為兩個女神嘅獵物》: 營｜camp｜P
（…）
當下我的心情的確有點複雜，複雜到言語不能表達。也許當下的我和大家所想的都是一樣，但我猜對開頭，猜不中結尾。
生物學時間，當一個人唱得比喇叭大聲，舞步愈來愈用力，會迎來什麼後果？
「喂，咳，攞罐啤酒嚟啊。」躺在宿舍冷氣底下的我沒好氣的說。
「...」啊宜已直接睡在我的旁邊。
對的，就是皮已收。
「咩話？咩話？聽唔到喎～」當芷晴還在玩弄我的聲帶時，依晨已把Sapporo 遞了給我。
「唔好玩爸組喇，我哋去沖涼喇！成身好臭啊。」說罷她們使用同一個浴室。
我可以告訴你，這是女生的專利，小弟見識少，尚未聽聞過男生會與同性朋友一同淋浴，除了那個肥皂的故事...
「如果我可以join埋佢哋一齊沖就好喇...」我敵不過睡意，直接睡在啊宜的膊上。
「起身喇，爸組～」天旋地轉，我被依晨搖醒。
「呼～我瞓咗幾耐？」伸懶腰時，蓋在我身上的被單滑落在地，是依晨。
「應該都有個幾鐘喇！」依晨說。
「係囉，差你未沖涼咋，爸！組！我哋等緊你啊！」芷晴說。
「等我？」我疑惑。
「係啊，佢哋想玩國王遊戲～」依晨聳聳肩，表示無奈。
WTF，傳說中嘅淫賤Ocamp遊戲。
「邊個建議玩啲咁嘅遊戲！」我隨便將全身沖洗一翻，然後入房。
「芷晴講話玩㗎。」啊龍說。
「哦...係咩，你哋識玩？」原來是她。
最後訂立的規矩如下：
1. 從牌堆中抽取與玩家數目一樣的啤牌再另加一張啤，而K只可以有一隻
2. 每人獲派一張牌，然後自己觀看，取得K的人要向所有人表明自己的卡牌，然後拿取一張新牌，但不可觀看。
3. 手執K的玩家構思，例如要紅心9背著梅花3走一圈，任務人數不限。
4. 最後所有人翻開自己卡片，並根據K的指示執行任務，而K本身亦有可能要執行任務。
5. 不執行任務需要飲完一罐500ml啤酒。
「底線係唔准嘴對嘴同埋做咸濕嘢！」啊宜和我商量後定出這條底線。
「同埋都唔好太過分！」我說，因此我建議了若真的不想做，就需要接受飲啤酒懲罰。
如果以我用一句去形容此刻的場面，我只能說「酒後亂性」。一開始都是叫某某和某某出去跑圈、去隔離房間拿某某電話號碼，到後來大家喝多了，就開始要用口傳紫菜，某某錫某某嘴邊，令這個遊戲正式進入高潮，包括我們。只見芷晴和依晨都喝了不少的啤酒，是做任務的常客。而我更是常比抽中的一位，酒精及挫敗感正衝擊著我的理智。
「嘩，今次重唔到我中K！」略帶微醺的我看到抽中的啤牌是K時，興奮得跳起大叫。
「唔...」啊宜看來已徹底陣亡。
「K好威咩！快啲講有咩做喇！爸！組！」雙頰泛紅的芷晴說。
「係囉係囉！」其他人和應。
依晨則是靜靜的看著我。
「唔...就紅心A同紅心9要同Joker一齊瞓！然後大家瞓覺！」我決定將一晚的怨氣傾瀉而出。其實現在大家基本上都已經睡在一起。
「Wow」
「吓，唔玩喇...」
「邊個邊個！？」
氣氛達至頂峰，我以為。
「Sxxt！」我後悔，因為我是Joker。緊張的我立即掃視誰是幸運兒，千萬不要是男生！
「Wow！」身材較為健碩的啊花拿著紅心A大叫。
我想，我的床已經沒有可以容納我的位置。
「Wow，邊個係Joker，可以同依晨瞓！」啊龍大叫。
嘩，有冇咁好運，雖然有點美中不足。
「嘩，真㗎！有得同依晨芷晴瞓，嗰條友執到喇！」啊花大叫。
「吓！芷晴...」只見啊花將她手中的牌還給芷晴。
然後，我翻開我的底牌。
「豆腐爸爸！」、「獸父」、「食組女」等說話在我心中如晨鐘般響起。
「組爸你係咪特登㗎！」他們都在議論紛紛，但球證（洗牌）、旁證（切牌）、裁判（派牌）都不是我的人。
只見芷晴和依晨互相瞥了大家一眼，卻迴避我的眼神。
「傻喇，講笑咋！」然後我一口氣喝了一罐半啤酒。
「之後嗰一罐半我聽日補翻！」我說。
「車...」大家的反應像是看了爛尾收場的電影。
「好喇，大家執好嘢就翻房瞓喇！」我跟還清醒的人說，不包括自己。
在浴室內，我看著鏡內扭曲的自己。
「咁好機會點解唔珍惜...」魔鬼在引誘我。
「你唔好做臭自己個名喇！」天使在提示我。
一場天堂與地獄的交戰，發生在這個破舊的浴室之中。
我草草梳洗過後，就回到房間，關燈，關門，上床，準備睡覺。
門縫透出一絲微光，慢慢延伸，擴大。
芷晴先進來，然後是依晨。
「爸組！我冇飲到酒！」芷晴先說。
「我都冇...」依晨接著說。
「傻喇，我咪幫你哋飲咗囉，翻去瞓喇！」我試著為自己解圍，但說話的過程中她們倆已入侵了我的領地。
「唔講喇！瞓覺！」芷晴說。
「瞓喇...」依晨說。
此刻...
「呼～」芷晴正睡著我左邊的身旁。
「唔～」同時，依晨的手正繞著我的右手。
我是啊謙，現在兩個Ocamp的女神正在同一張床上與我共眠，我在發夢嗎？
當你以為我已被她們成功捕獵的時候，事情卻原來比想像中更為複雜。
說不定這也是一種 幸福的資格 － 三人遊
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！
P.S. 聽日應該1點會係ig更新，6點會係紙言更新（改咗時間）