《喺Ocamp入面，我竟然同時成為兩個女神嘅獵物》: 迎｜welcome｜A
（…）
那時的我，還不知道依晨就在附近的暗角目睹整個過程。
趁著大家還在各自輪候梳洗之時，我和芷晴悄然回到房間。當大家都整理好自己後，我們便開始Ocamp最重要的活動──房Game。
不知道從何時開始，報Status成為了房Game的必備環節，是為了滿足眾人的好奇心？還是為了方便那些潛伏在Ocamp內的獵食者行動？我沒有答案。
「嘩組媽你咁正都未出pool?」一眾組仔女對啊宜的單身感到好奇。
「你哋淨係關心組媽，唔使理組爸㗎喇？」我說。看得出啊宜的失落，我猜想是剛分的手，因此決定幫她解圍。
「WOW，咁組爸你又係幾多？」說話的是啊龍，他才喝了一罐啤酒，已然滿臉通紅。
「你組爸我身經百戰，有冇聽過A380？」我笑說。
眾人露出一臉「你繼續吹」的神情。
「爸組，你講緊你放人飛機嘅次數？」芷晴這時開口說話。
「吓！？」我知道她是在說剛才的事，所以決定裝傻。
「哼！」芷晴正想說下去。
「組爸依家係A3，重有80個人未到，你咁多嘢講，咁你呢？」我決定轉移話題。
「我？我依家A2。」芷晴說。
眾人露出不置可否的神情，包括我，因為我原本猜想她是有更多的前度。
「我A0。」坐在芷晴旁的依晨突然開口。
眾人對依晨的Status更是驚訝，單身且從未拍拖，即是代表她…
雙腿還是合攏的。
報過Status之後，我們便玩了一系列的房Game，像「我係熊啤啤」、「火麒麟」、「九唔拾八」諸如此類的。直到在「First Impression」時我被一眾女生評定為「白痴」、「好蠢」（我均表示不認同）、「好玩」（而個睇你點定義）、「最唔想同佢一齊流落荒島嘅人」（你有得揀咩？）等等不同形象之後，我決定逼他們睡覺，原因是夜已深。
第二天早上吃過早餐後，大會宣佈即將進行Detective Game，由於籌委人數不足，我需要扮演遊戲中的一個角色。當接到角色的簡介時，我差點想將啊禧碎屍萬段。
你的角色：天梯的守護者
位置：營內的一條樓梯
對白1：若然你要從我身上得知秘密，你就需要和我一同登上天梯
對白2：你的選擇很正確，我亦看得出你對我的虔誠，神蹟就藏在某一個園林之中
除了DLLM之外，我想不了更好的粗口發泄我的情緒。想著要和每一個到來的組仔女走一轉面前這條至少一百級的樓梯，我除了可以流汗之外，還可以流淚嗎？
「呼…你的選擇很正確，我亦看得出你對我的虔誠，神蹟就藏在某一個園林之中。」我第十次重覆這句說話，正當我拖著疲乏的身軀走回起點時，一個熟悉的身影正向我揮手。
「爸組，你係到做咩啊？」依晨笑說。
「我都想問自己…」我心想。
「唉，做on…任務囉…」我說。
「嗱，比你㗎。」依晨從身後拿出一罐可樂和毛巾給我。
「嘩依晨你真係好好！」說罷我便打開可樂一飲而盡，是幸福的感覺。
「飲慢啲喇你，最多陣間買多罐比你喇。」依晨笑說。
「夠喇，再飲變肥仔。」我亦笑說。
「陪我行多轉咪唔肥囉，爸組～」依晨說。
「原來份禮物係有代價嘅！話時話，而條毛巾係？」我問。
「我自己㗎。」依晨說。
「吓，咁好似唔係咁好喎。」我卻步。
「唔緊要喇，你洗乾淨之後比翻我咪得囉。我哋快啲行喇。」依晨不打算讓我退貨。
「咁唯有下次Re u比翻佢。」我心想。
「等等，慢慢嚟，組爸會死！」我說。
然後，依晨主動伸手從上而下拖著我。
「咁會唔會好啲？」依晨微笑。
「會…會。」我竟語塞。
這一百級的樓梯突然變得很漫長，就如天梯。
「你的選擇很正確，我亦看得出你對我的虔誠，神蹟就藏在某一個園林之中。」到達終點後，我依舊將對白說出。
「我都知我選擇正確。」依晨說。
「梗係喇，而個對任務好重要㗎，快啲去搵喇。」我說，當然要優待一下自己組仔女。
「嘻嘻，我唔係講緊任務喎，傻爸組。」依晨調皮的說。
「吓？」我疑惑，心中亦盤算著依晨剛剛說的話。
「如果你想，我今晚可以做你嘅舞伴。」依晨說。
對了，今晚Campfire之前，每人都需要找到一個異性舞伴，否則就要接受大懲罰。
「你諗吓喇，我去做任務先喇～」依晨不等我回覆，然後輕輕拍了拍我的額頭就轉身離開。
「我係咪應該應承佢？」
「其他人會唔會話我係豆腐爸爸？」
「佢今次係想玩我？但佢係依晨喎。」
腦海之中不段浮現出新的問題。
「唔知點解我有一個直覺，就係芷晴都會叫我做佢舞伴，如果係咁…」
「喂，而到係咪有天梯守護者啊？」有人在起點大叫，打斷了我的思緒。我很快的便循原路回到起點。
「如果芷晴問我，咁我揀邊個好…」在單獨前往集合的地點時，我仍在想。
然後，有人在叫我。
「爸！組！」
能共你 沿途來爬天梯 不用忌諱 中傷流言全悍衛 － 天梯
歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！