因為我個仆街老豆 我被下了一個賓周會變短的詛咒: 10. 周紫盈
因為傷勢己經穩定，缺席了三星期的課堂後李乘風終於重回校園上課，當然早上亦得麻煩陳生過來幫他換校服和送早餐。
「李乘風你點呀? 仲痛唔痛?」
「幾時拆得個架同好得返呀?」
「哩三個星期有無悶到傻咗呀?」
到了班房，很多同學都逼不及待過來慰問李乘風，唯獨一位女同學除了慰問外，還拿了一個保暖湯壺給李乘風。
「花生雞腳湯，我琴晚專登叫媽咪教我煲㗎，雖然你傷嘅係手唔係腳，但我估都一樣有效掛…」臉帶點紅，女同學有點靦腆把湯壺放到李乘風的班桌上，同時間惹來班上很多同學的叫囂聲以及數位女同學的敵視眼光。
「賢妻呀~」
「我都想有人煲湯我飲呀~」
「你慳啲啦，就算你斷晒手腳都無人會煲比你㗎喇~」
這位女同學正是陸運會中亮過相的周紫盈，不過明眼人都早已知道她喜歡李乘風並不是甚麼秘密，所以這行為除了叫囂聲外並沒造成甚麼混亂或是八掛新聞價值。
「多謝…」雖然很不好意思，但善良的李乘風還是狠不下心拒絕同學的一番好意。
「對唔住呀…嗰日陸運會我最後盡咗力跑都只係得第三名贏唔到…」周紫盈見李乘風沒甚麼反應又繼續說。
「傻啦，駛咩同我講對唔住… 盡咗力跑就夠㗎喇，繼續努力練習下年贏返!」李乘風不自覺又露出了他那無敵陽光的招牌笑容說道。
「嗯!」抵受不住這笑容的威力周紫盈刻面紅耳赤飛快地應了一聲然後立刻逃回了自己的坐位。
這時，班主任Miss Lui到來讓班房回歸寧靜。
「李乘風返咗嚟喇? 不過你隻手仲未旭得我搵個同學照特別顧下你啦~ 周紫盈你反正煲開湯不如順便幫我照顧李乘風直至佢好返得唔得?」Miss Lui 亦襯機取笑道惹來全班的哄堂大笑。
「知道…Miss Lui」恨不得找個地窿躲藏，周紫盈十分尷尬答應道，不過望了望同樣臉紅的李乘風，她心裏又有點甜絲絲的感覺。
「有無野需要幫手? 駛唔駛餵你?」午飯時間，拎正牌坐到李乘風旁，周紫盈問道。
「唔駛喇，我仲有左手可以自己食…」李乘風仍然尷尬地說。
「咁我幫你倒啲湯出嚟襯熱飲呀~」說完便打開自己之前給李乘風的湯壺倒了碗湯出來。
「唔該…」
「好唔好飲?」看著李乘風喝下了自己煲的湯，周紫盈一臉緊張地問。
「好飲呀…周同學你煮嘢食應該幾有天份喎~」李乘風抹了抹嘴說道。
「真係? 咁以後我煲多啲湯同整嘢食比你食呀~」聽到李乘風的讚美，周紫盈笑逐顏開。
「咁又唔駛特登為我整…」李乘風想解釋，不過周紫盈已自動把這句說話過濾掉。
周紫盈是一個十分漂亮的學生，擁有高挑的身型和長著一雙絕對吸睛的長腿，是不少男同學眼中的女神之一。曾經，她也是冷豔又帶點高傲的女孩，直至中二和李乘風同班後，她很快便淪陷被他所吸引。
而為了接近李乘風，她甚至為此加入了田徑隊，為的就是希望能接近他多一點，讓他的眼睛能停留在自己身上多一刻。確實，這行動讓她和李乘風多了不少接觸，成為了朋友，不過同時間，她的長腿配上田徑熱褲也吸引了很多其他男學生的眼光和靠近。
為了營造平易近人和溫柔的形象，周紫盈慢慢收起了自己冷傲的性格和其他人打成一片，亦不特別抗拒接受一些步兵給她的討好，因此才給Miss Lui造成一個經常遊走於不同男性之間的感覺。但其實直至這一刻，周紫盈喜歡的對像仍然只有李乘風一個。
「無啦啦做咩搵周紫盈照顧我啫…」放學後李乘風發了個短訊給Miss Lui。
「咁你隻手唔方便梗係要搵個同學睇住你啦，佢又咁希望照顧你~」Miss Lui答道。
李乘風:「咁你幾時兌現諾言煮飯請我食返餐呀?」
Miss Lui:「仲要咩? 嚟緊日日都有人煲湯比你啦~」
李乘風:「我可唔可以理解為Missie你呷醋?」
Miss Lui:「呷你個頭! 等你好返之後啦，Daisy都話掛住你，到時搵晚上嚟食餐飯我煮比你地食~」
「好啦咁… 」不能二人獨處讓李乘風微微有點失望。
接著的時間，雖然算不上感情突飛猛進，但看見周紫盈對自己用心的照顧，每日噓寒問暖，李乘風還是有點感動，暗地記下了這人情的同時亦讓兩人關係拉近了不少。另一方面每星期李乘風還是會和Miss Lui出外吃一餐晚飯，平時每晚則會到陳氏一家裏吃並和欣欣玩一會耍。
很快四星期就過去，覆診過後李乘風便可把支架脫掉重新過正常人的生活。
「恢復得好好呀，嚟緊小心啲唔好有碰撞，再加埋做兩星期物理治療就無事㗎喇。 」醫生拆了支架檢查了一會後說。
「唔該醫生~ 」聽到醫生的診斷，李乘風和陪他覆診的周紫盈都鬆了一口氣，但同時間周紫盈又有點失落。
「唔駛客氣，記住多謝你身邊哩位女朋友仔重要啲~ 」醫生看了看周紫盈取笑道。
因為尷尬二人急急腳便離開了診症室。
「恭喜你好返可以唔駛再做楊過喇~」出來後周紫盈恭喜李乘風。
「多謝你哩幾個星期幫咗我咁多就真，我請你食飯呀當報答你呀~」
「唔駛客氣啦… 哩幾星期我其實都好開心可以照顧你…」說到後一句，周紫盈低下頭越說越細聲。
「我會一直記得你對我嘅好㗎， 唔駛唔好意思喎，行啦~」李乘風沒為意便捉著周紫盈離開醫院去吃飯，卻不知自己這些無意的說話和行為經常讓周紫盈紅都臉晒心猿意馬。
「終於可以用返右手食飯!」去到一間西式餐廳，李乘風像個大細路一臉興奮地用右手拿著匙羹舀湯喝。
「哈哈，你睇你個樣有無咁興奮呀~」周紫盈笑著說。
「你哩啲四肢健全嘅人唔會明白傷殘人仕嘅痛苦㗎喇…」李乘風展示了一個”你不懂”的表情。
周紫盈:「知你慘喇… 咁你平時夜晚係點算?」
「所謂遠親不如近鄰，都係靠由細識照顧到我大嘅鄰居幫手咋，陳生陳太佢地一家真係一直幫咗我好多…」李乘風把之前陳家幫手媽媽的身後事和近期的照顧告訴了周紫盈。
周紫盈:「咁佢地都真係幫咗你好多喎，真係羨慕，依家喺香港好少咁有人情味嘅鄰居lu… 你仲因為咁可以多咗半個妹添~」
李乘風:「係呀，真係好好彩，所以住舊屋邨都有佢好處嘅~」
「咁你自己一個住有時會唔會悶，覺得好寂寞?」周紫盈又問。
「都會㗎… 特別初初得返自己一個嗰陣… 好彩Miss Lui見我咁特別照顧我每星期都會請我食飯陪下我，加上仲有欣欣佢地先好啲…」想起欣欣和Miss Lui，李乘風發自內心地笑了笑。
「Miss Lui都真係一個好好嘅老師…」直覺讓周紫盈覺得李乘風的笑容有點古怪，但當然亦沒有想過李乘風會喜歡上Miss Lui。
「Totally agree~」
「咁一係以後我每星期都盡量同你食餐飯等你無咁悶少啲時間自己一個人呀~」不讓Miss Lui專美，周紫盈又大膽提議。
「咁又唔駛每星期都搵時間陪我咁誇張，你第日有時間悶咪搵下我囉~」李乘風沒所謂地答道。
「好呀~或者等你好返晒練返田徑後我地一齊練習完咪可以順便去食飯囉~」沒被拒絕周紫盈表現得十分興奮。
「又好~」
為期六星期的休養期終於結束。不過沒想到因為這次受傷，李乘風和Miss Lui以及周紫盈的關係，卻得到了不少的躍進。