因為我個仆街老豆 我被下了一個賓周會變短的詛咒: 11. 命運

這個星期六，Miss Lui兌現承諾邀請了李乘風上自己屋企吃飯，同時還有今天剛回到香港的Daisy。
 
「飲杯~ 恭喜李同學終於好返晒~」望著一枱豐盛的餸菜Daisy主動舉杯和李乘風慶祝。
 
「李乘風未成年你唔好教壞我學生呀下!」Miss Lui立馬阻止。
 
Daisy:「咁開心飲少少唔驚啦~」
 
Miss Lui:「唔得!」
 




「咁李同學飲汽水，呂家寶你代佢同我飲啦!」Daisy把酒放到Miss Lui面前。
 
Miss Lui沒好氣望了望Daisy，然後還是拿起酒杯把裏面的酒乾了。
 
Daisy:「Woooo~ 果然係女中豪傑! 咁李乘風依家係咪真係好返晒㗎喇?」
 
李乘風:「應該又未算真係100%好返，間中都仲有啲”怨住怨住”咁，不過日常生活就完全無問題，再做多陣物理治療應該就完全無事lu。」
 
「咁真係值得慶祝喎~再飲~」Daisy又逼Miss Lui陪她乾了杯。
 




「咪淨係掛住飲，快啲襯熱食試下我手勢啦~」Miss Lui又乾完後說。
 
「Miss Lui食蝦呀~」李乘風主動剝了一隻蝦放到Miss Lui碗裏。
 
「我呢?」Daisy看見後把自己的碗放到李乘風面前。
 
「依家即刻剝…」李乘風不好意思又開始剝第二隻。
 
「算你啦~ 不枉我之前講咁多Miss Lui嘅嘢比你聽…」Daisy笑笑口說。
 




「邱美恩! 你之前又亂講過啲咩呀!」Miss Lui聽到後立即咆哮。
 
「無呀… 咪講過你鍾意食海鮮但又唔鍾意剝殼覺得好污漕囉~」Daisy說完望著李乘風露出了一個好像只有他們二人才懂的笑容。
 
不過看見Miss Lui有點鬱悶，李乘風就把話題轉向了Daisy。
 
「咦，Daisy，咁你同鄭生近排拍拖拍成點呀?」
 
「係喎，近排點呀? 之前話搵日請佢上嚟坐下都無咗件事添~ 同埋你近排好似成日明明返咗嚟香港都無返嚟瞓喎…」 Miss Lui立即附和。
 
Daisy啤了一啤李乘風，一副”好呀你，為咗救你個Miss Lui攪返我轉頭”的表情，但很快又露出甜絲絲的樣子說
 
「幾好呀~佢好gentleman，又好錫我~」
 
「咁就好，恭喜你搵到個好男人~值得飲杯~」這次到Miss Lui主動舉杯。




 
這兩人越乾好像越興奮，隨著一杯又一杯，二人都開始醉起來。感歎著她們對自己完全沒戒心，李乘風引導她們二人坐到梳化休息後自己便開始幫手執拾餐桌上的殘局。
 
也許真的是平時訓練有素，李乘風執拾途中看見Daisy被電話弄醒了，收線後打開廚櫃快速沖了杯不知名飲品後，便像沒事般瀟灑地留了句”我去搵David喇~” 後便離開了。
 
洗好了所有碗碟，望著仍在梳化上昏睡的Miss Lui，李乘風便打算把她抱回床上睡覺再離開，幸好Miss Lui並不重，剛傷癒的李乘風還是能順利把她抱起。把Miss Lui安置好在床上，為她蓋好被後，李乘風又偷偷吻了她的額頭一下，不過當他打算離開時，Miss Lui卻突然捉著了他的手。
 
「阿威唔好走…唔好扔低我呀…」
 
(可惜我唔係阿威…)
 
李乘風失望的同時，打算輕輕拉開Miss Lui的手，但Miss Lui感受到他想撇開自己卻捉得更加用力。
 
「求下你唔好走，唔好再離開我…」
 




聽到Miss Lui的哀求，李乘風心軟，於是便索性也上了床把Miss Lui抱在自己懷裏。
 
「阿威喺度今晚唔會走， 你乖好好地瞓一覺啦…」
 
看見Miss Lui漸漸靜下來，李乘風亦慢慢閉上眼和Miss Lui一同入睡。
 
 
第二朝Miss Lui醒來，頭帶點痛但卻發現自己正在一個溫暖的懷抱內，一看是李乘風便嚇了一跳。
 
(琴晚我發咗個夢，夢見阿威返咗嚟同我傾咗陣偈，跟住無耐佢要走我就捉住佢唔比佢走，最後佢應承咗我唔走仲攬住我一齊瞓… 唔通琴晚我又當咗佢係阿威?)
 
這時察覺到Miss Lui的異樣，李乘風亦醒了。
 
「Miss Lui你醒嗱?」看見自己仍抱著Miss Lui李乘風立刻尷尬地鬆開了手。
 




「嗯… 點解你會瞓咗係我隔嚟?」Miss Lui還是想確認問道。
 
「琴晚見你醉咗我咪搬你返房瞓，點知我想走嗰陣你突然捉住我當咗我係阿威唔比我走， 我一時心軟就真係扮咗阿威陪住你瞓囉… 對唔住呀Miss Lui，你唔好嬲啦…」李乘風不好意思地邊解釋邊道歉。
 
Miss Lui:「Missie無嬲… 我知係我自己捉住你唔比你走啫，唔怪得你… 事實上自從嗰日同你講完阿威件事後我都未試過可以一覺瞓天光了，所以應該Missie多謝你先真…」
 
「真係? 最衰都係我… 唔睇戲就唔會令你諗返起以前啲嘢…」李乘風有點內疚和難過。
 
「傻啦，有啲嘢埋得太深唔代表佢唔存在，遲早都係要面對㗎…」Miss Lui安慰李乘風。
 
「Missie，咁你哩幾星期都瞓得好差?」李乘風續問。
 
「嗯… 所以我琴日去藥房買咗啲溫和嘅安眠藥本身打算襯今日放假琴晚試下…」Miss Lui嘆了口氣。
 
「Miss Lui，我可唔可以有個請求…」想了一會李乘風說。




 
Miss Lui:「咩請求?」
 
李乘風:「我唔想見到你咁辛苦呀… 如果我幫到你，以後我可唔可以每個週末都嚟陪你瞓直至你自己一個都可以一覺瞓天光? 咁至少一星期你都可以有一日瞓得好啲呀… 千奇唔好食安眠藥呀，會產生依賴性㗎…」
 
(的而且確，好似每次佢係身邊我都可以瞓得好安穩… 但係…) Miss Lui心想。
 
「你信唔信命運? 我信我地係有命中注定嘅緣份。你唔信嘅，一係我地擲公字，公就証明係天註定我地要互相依靠，字就代表全部野都係我亂up，當我無講過我以後唔會再打擾你…」見Miss Lui猶豫，李乘風又繼續說道。
 
不等Miss Lui答覆李乘風便在褲袋拿出了個硬幣直接向上一拋一接…
 
沒來得及細想，下意式Miss Lui心裏竟都期待著那會是一個”公” 。
 
李乘風深呼吸了一口，然後緩緩拿開了掩著硬幣的手，在燈光照射下一個洋紫荊的圖案在他們眼前正閃閃生輝。