因為我個仆街老豆 我被下了一個賓周會變短的詛咒: 9. 欣欣
一星期很快又過去，由於陳生已經回到香港，加上經過兩星期的休養李乘風的傷患亦開始穩定下來，所以縱使萬般不捨，李乘風還是要接受離開Miss Lui的家回自己屋企的現實，為了事避嫌疑，Miss Lui把李乘風送到他家樓下後便先行離開了。
打開大門，望著這熟悉又陌生的環境，李乘風放下行李袋嘆了一聲氣便坐到梳化上。
(哩度真係好冷清，如果可以繼續同Miss Lui一齊住就好喇…)
「乘風哥哥，你係咪返咗嚟喇?」還在嘆息時，一把女孩子的聲音突然從門外響起。
(欣欣?)
於是李乘風便起身走到門口，門一打開一個女孩便如一陣風般衝前抱著李乘風並說道:
「乘風哥哥，你哩兩個禮拜去咗邊呀? 咁耐無見又唔打下比我擔心死我喇!」
「乘風哥哥去咗同學屋企瞓嘛，哩家咪返咗嚟囉~欣欣你掛住我隨時都可以打比我㗎~」李乘風沒受傷的手愛憐地輕撫著欣欣的頭頂說道。
「人地就係想睇下乘風哥哥會唔會掛住欣欣打比我… 點知原來真係兩星期都無掛住我!」欣欣撒嬌道。
「乘風哥哥當然有掛住欣欣啦! 不過有時唔方便打比欣欣嘛，一係今日我全日都陪欣欣玩好唔好?」李乘風像氹小朋友般氹著欣欣。
「好!」而這明顯地work。
李乘風:「咁欣欣想玩咩?」
欣欣:「嗯…我地熱下身玩波子棋先啦~」
李乘風:「好呀，咁你拎棋set定局啦，我執一執嘢先~」
不久兩人便開始捉起棋來。
「乘風哥哥隻手仲痛唔痛?」捉了一會欣欣問道。
「有時都會有啲酸痛咁，不過唔係旭得太犀利都無咩事嘅，醫生話依家間中除一除個架休息下都無問題。」李乘風望了一望自己的手答道。
「咁就好了~ 等你好返晒我地就可以一齊出去玩~」欣欣一臉期待。
「過多一個月應該就得㗎喇~ 欣欣呢? 近排返學返成點呀? 有無咩趣事? 功課跟唔跟得上?」李乘風關心欣欣問道。
「都幾好呀~啱啱派咗成績表我全級考第三呀!」欣欣自豪說道。
「咁叻女! 欣欣真係又叻又乖~」李乘風搣了一搣欣欣的臉豬說。
「咁有無獎勵?」欣欣兩眼發光望著李乘風問。
李乘風:「好呀， 欣欣想要咩?」
「等乘風哥哥好返要帶我去廸士尼玩!」欣欣想了一想很快答道。
「無問題~ 」李乘風爽快答應。
「好嘢! 」欣欣興奮歡呼。
「咁你同啲同學仔相處成點? 」因為欣欣的小學沒有原校中學升讀，所以升中後全是陌生的新同學。
欣欣:「我有越嚟越多同學仔喇~ 不過幾日前啱啱調咗位，有個好麻煩嘅男仔坐咗喺我隔嚟… 」
「哦? 點麻煩法呀?」聽到這裏李乘風來了興趣，是啊，欣欣已經升上了中學，身體亦開始發育散發出少女的氣息，可能很快便要開始面對感情的煩惱吧。
「佢成日攪我啲頭髮，上堂又成日瞓覺唔聽書，仲日日逼我借功課比佢抄!」欣欣連珠抱怨。
李乘風:「咁衰? 咁有無同老師講?」
欣欣:「無呀，因為知佢爸爸媽媽一早分開咗，可能都係受屋企環境影響咪忍下佢囉…」
「嘩，欣欣真係大個女識得為人設想喇喎~ 咁你有機會就幫下佢勸下佢乖啲啦。」李乘風很喜歡欣欣既充滿童真但又往往很懂事很善解人意。
「因為佢嘅遭遇同乘風哥哥你有啲似… 不過你叻好多!」欣欣說出了一句窩心的說話。
「傻瓜… 因為乘風哥哥一直有欣欣哩個咁抵錫嘅妹妹陪嘛~ 可能你個同學仔無我咁好彩囉!」李乘風又再愛惜地摸了一摸欣欣的頭說道。
「欣欣都好開心可以一直有乘風哥哥你陪! 唔係實悶死我呀… 第日欣欣要嫁比乘風哥哥以後都陪住你!」欣欣突然沒頭沒腦拋出了最後一句說話。
「多謝欣欣， 不過第日等你遇到鍾意嘅人就唔會再咁諗㗎喇~ 同埋就算唔嫁比我，欣欣都可以永遠陪住我㗎，你係我妹妹嚟㗎嘛~」覺得只是小朋友天真的戲話，李乘風並沒特別在意。
「咁乘風哥哥有鍾意嘅人未?」欣欣又突然問道。
「有呀…」李乘風自然想起Miss Lui。
「咁佢鍾唔鍾意你?」欣欣神色黯了一黯但很快又恢復正常續問。
「暫時唔鍾意… 但我會努力令佢鍾意!」李乘風拿出了他的魄力說。
「咁你要比心機呀~ 乘風哥哥咁好一定得嘅!」欣欣鼓勵道。
「承你貴言! 不過欣欣第日如果遇到鍾意嘅人都要話比乘風哥哥聽呀，要比我望過合格批準先得㗎~」
「好呀，不過要我鍾意至少都要好過乘風哥哥先有機會~」欣欣笑著說。
「咁會唔會太難搵呀?」李乘風說笑道。
「哈哈，到時真係無嘅我咪以後都繼續痴住你囉~」欣欣站了起來走到李乘風旁邊撓著他的手又撒嬌說道。
「一定會有嘅~ 我個欣欣又靚女又可愛，第日追你嘅男仔實由屋企排到隔離邨啦! 到時實有個好過我嘅~」李乘風又輕輕地摸了摸欣欣的頭說。
欣欣:「希望啦… 無嘅你就要埋我啦~」
李乘風:「咁乘風哥哥一定唔會扔底欣欣嘅~」
「你話㗎!」欣欣笑著說。
這天李乘風和欣欣玩了一整天，直至晚飯時間陳太催了幾次他們才一起過去吃飯，然後陳生又陪李乘風回家幫他沖涼換衫，一切都像回歸到兩星期前的生活。
(唉…乘風哥哥你果然已經唔記得我地以前嘅約定… ) 李乘風走後欣欣心裏默默在想。