念念不忘 都冇迴響: 外篇 笑臉

寫作有一個手法，叫貫穿全文；而對我而言，我地友誼最大嘅紀念品，對就係當日遊爍嵐系我檯面畫果張笑臉。果張笑臉對我而言有多從含義，佢以前鍾意一次次亂畫笑臉系我D工作紙上面，但更重要嘅係當年我地覺得，每次見到檯面上嘅笑年，我地面對幾大嘅困難都應該笑翻。

曾經讀過一本書叫《最好的我們》，書中個男主角最後將女主角設計嘅圖案紋左上個身，雖然好中二，但係我成日都覺得如果他朝有一日我紋，我好想紋翻當年果個哈哈笑。

無論係因為我想紋身，但單純地我想尋找翻果個哈哈笑，我曾經每張工作紙翻閱，嘗試尋找一個最接近檯面果個哈哈笑嘅笑臉；曾經Last day都特等翻去舊班房，每張檯摸一次，觀察一次，最後當然係徒勞無功。

其實我知道世界上依然有一個地方保存左果張笑臉，中三果陣我地因為做功課所以影左一批相，我記得其中一張我想影我隻錶，個笑臉都入左鏡。最後D相我個groupmate 無send翻比我；而另外一個copy就係系個老師度。有一段好長嘅時間，我總係覺得中學有D耶我未取回，有一份好奇，一份執著依然存在。我真係好想知個老師有無save到一份soft copy，但係無奈個老師無熟，突然問翻幾年前嘅功課好怪，加埋我無機會翻母校，所以一直以來果份好奇，都依然係一份好奇而已。

直到2020年未有一次同班主任約做訪談，我先鼓起勇氣去搵番個老師，嘗試問下佢有無當年嘅soft copy。





「唔好意思啊我係校友，我想問吓呢當年我中心做咗個ICT功課，唔知你會唔會有soft copy呢?」

「你係邊一年畢業嘅校友？」

「2xxx。」

「你死低你中三個班別學號有嘅話我想打電話俾你。」

當時我見到嘅署光，難以用筆墨形容，反正我激動到差啲寫錯咗我中三嗰個年號，好彩經友人提醒，我先至冇錯失良機。





//

過咗一個月，我忍唔住send email問吓究竟有冇下落，嗰陣時先知原來佢已經幫我搵到save落隻USB,所以我又要返多次母後許拎。

當我突然間又出現喺母校嘅時候，我班主任見到我一臉疑惑，我同佢講過下想拎返當年一份功課，佢點都諗唔到點解我咁執着。

反正到我拎返個USB之後，我立即走咗去塗校圖書館嘗試播放，幫我發現終於load到嘅時候我有張段片save埋落google drive, 因為我怕隻USB返屋企開唔到。

播我返到屋企之後，我好認真咁逐張逐張相搵，終於俾我搵到當年我印象中有我隻錶、有個笑臉嗰張相。只不過張相得360p,加埋個小閪蝦又好細，根本就睇唔清楚。





雖然係睇唔清楚，但係我覺得我解開咗心結。可能搵返張笑臉唔係最重要，重要嘅係我拎返當年，我一直覺得遺留咗喺無效嘅嘢。

另外幫我用幾個software嘗試提高佢個像素之後，我突然間發覺咗我張枱同佢張枱上面好似各有一個笑臉。嗰陣時我先開始諗起，當年我哋一人畫咗一個笑臉喺彼此嘅枱面，但係經過幾年嘅經歷後，我唯一記得嘅係佢話俾我果個，已完全唔記得佢枱面都有我話嘅笑哈哈。

當回憶慢慢浮番上水面，你會發現你記得嘅比想像中多；一直你忘記唔到覺得執着嘅，其實係冰山一角。終於解開心結，畢竟我覺得我兩年嘅找尋，都冇白費到。

//

當年每個人都要影一輯相記錄校園生活，記得我同遊爍嵐曾經望住佢以前班friend嘅相,佢最終同我講，其實佢好羨慕咁樣嘅友誼，因為佢哋成班人表面上又真係好firm嘅，佢哋每日都可以因為啲好戇居嘅嘢笑好耐，形影不離，實際上都可以話真係幾開心嘅。

嗰陣時，我比較憤世嫉俗少少，成日都覺得身邊即使好多人都冇明白喎嗰啲，中二病到爆炸，所以見到人哋咁單純咁純粹嘅友誼，我多多少少都有少少羨慕嘅。

其實我冇諗過遊爍嵐會同我承認佢都覺得羨慕，因為當年佢離開佢班friend嘅時候，佢表面上一啲都唔在乎。遊爍嵐曾經講過中學生涯最大嘅得著係明白：想留低嘅人自然會留低。

後來都好慶幸，佢搵到一班願意為佢留低，表面上都OK firm嘅人。我唔知佢實質有Firm 啦，我只係好想講，朋友貴精不貴多，依家我哋身邊都各有唔同嘅圈子同朋友，其實冇一種友誼係值得羨慕嘅，因為每個人同自己朋友相處嘅方式都唔一樣，就好似我最親愛嘅朋友，反而影得最少相一樣，高調嘅友誼唔一定係穩固；低調嘅友誼又唔一定係生疏。





畢竟你都會搵到同朋友相處最舒服嘅方法，畢竟你都會搵到一啲朋友令你覺得無比舒服。相片只不過係一個記載方法，最重要嘅其實都係回憶同埋個心。