念念不忘 都冇迴響: 今日

其實如果林程荌唔講，我都真係冇意識過自己係念念不忘。但係我念念不忘嗰個位，一定同我當初有分別。

今年生日，遊爍嵐提早送左生日禮物俾我，佢封信寫話：多謝我做咗佢好好嘅朋友，我咁多年幫過佢嘅一切佢都唔會唔記得。我嚴重懷疑佢呢封信係想提醒我唔好過界，提醒我永遠都只係佢「好好嘅朋友」。

唉都好啦，之前去補習掛阿sir吹水話：

「如果你真係鍾意一個人，其實佢多多少少都一定會feel到。」

我諗無論點其實佢都一定知嘅，只不過差在我會唔會有一日真係同佢講出口啫。我嗰日問林程荌，佢話：





「總有機會嘅，但係你一定唔會普通咁講出口，即係平日你講講吓嘢你冇可能突然間講。」

唉咁我知，但係之前我有真心考慮過表白，係因為我想嘗試吓，或者話俾個機會自己喺佢未俾人搶走之前。但係直至今日為止我都未鼓起到勇氣咁做，或者話表白只不過會喺我嘅幻想世界出現喺現實根本做唔到。

2019台灣出咗首歌叫做《刻在我心底的名字》，全首歌都好應景咁我就唔特別copy and paste，不過真心推介大家去聽吓，有啲大話講咗可能就係一世，如果唔係都唔知點樣過成世。

我系大學特燈讀左幾個sexuality course嘗試好好了解自己，但係書本上嘅學識，根本應該唔到喺我呢個瘋狂嘅故事裏面；反而睇咗篇論文講，現實生活上嘅愛，根本就唔會去到電影裏面嗰種瘋狂嘅程度，好多人同另外一半結婚其實都冇試過嗰種衝動同極之心跳嘅感覺，只不過係有個人係一個啱嘅時候出現可以同你長相廝守，好多人就咁對生活妥協左接受咗佢哋嗰個另一半。

如果你而家問我嘅話，其實我都有興趣搵一個新嘅人可以俾我愛佢愛到好似愛遊爍嵐咁。其實老實講我都好驚，我接怕你都搵唔到一個人我可以咁愛佢。