念念不忘 都冇迴響: 繼續

故事記錄到今時今日，我都係一如既往過住平凡嘅日子。繼續聽遊爍嵐得閒DM，每日返學、幫吓人補習咁，其實我又唔會真係特別諗返起當年，但係我得閒都係會諗返起遊爍嵐呢個人名。想當年睇來自星星的你，個女主角話佢有咩事都會講吓個男主角個名，我覺得我同佢真係差唔多不過我冇講錯咁解。

呢種情況我諗唔會咁輕易改變，亦都暫時未見到將來有啲咩新轉機，但係我真係幾鍾意而家。

遊爍嵐喺我封生日信問我，點解會覺得佢有趣，明明佢自己唔覺。我諗呢個問題可以解讀成點解我會鍾意咗佢咁多年肯留係佢身邊。

老實講，其實我真係唔知。呢個問題我亦都問咗自己無數次，我亦都解答唔到自己。

佢已經唔係當年嗰個鍾意成日整蠱我笑我嗰個女仔，佢亦都唔係當年天真無邪同我周圍去漫無目的係條街度行嗰個人，取而代之係今時今日嘅佢。只不過係即使有咁多改變都好，只要佢需要我都同當初一樣醫無反顧感想係佢身邊，同當初一樣我好想永遠可以留喺佢嘅世界裏面，好想一直都係咁。





以前曾經有一段時間我不斷咁諗翻起我哋兩個以前嘅回憶，但到今日將一切紀錄落嚟，先發覺唔記得嘅亦都有好多。

我都唔知點樣去面對呢種情感，我亦都抱一個開放態度相信中一人我都會搵到自己嘅幸福。

「其實我們都值得幸福，誰的青春不糊塗。」

我未有勇氣去面對自己，亦都唔覺得有啲咩改變到我呢個決定。

但係我最大嘅心願由好耐之前開始，就係係我遊爍嵐開開心心，健健康康，直到永遠。





之前睇過延禧攻略，有一句台詞係：

「我守護了你這麼多年，為什麼你一點希望都不能給我。」

不過我諗冇希望可能係你比我最大嘅仁慈，如果有機會我都想光明正大咁愛你一次。