念念不忘 都冇迴響: 衝刺

有人講過，study leave等同於考DSE之前嘅大直路；甚至有人覺得study leave可以急起直追，創造奇蹟。

對我而言，study leave只係一場長達兩個月嘅deadline fight. 因為好多野已經忘記左，或者從來無認真記過入腦，所以果陣每日都跟住自己個垃圾時間表，嘗試逼自己溫習。

實際上果段時間塞到幾多野入個腦，我都唔知道；但肯定成效應該唔係太高，每日擔心惶恐嘅時間，肯定多過我實際溫習嘅時間。

用自己嘅方法創造奇蹟，係我study leave嘅寫照。雖然果陣我唔覺得自己好努力，但所謂「有些事現在不做，一輩子都沒有機會做了。」，我估果陣已經係我人生最認真溫習嘅時光，後來直到依家都無咁努力過。

我嘅生日咪系四月嘅，其實記憶中每年生日都係學校D中期考試，今年仲要啱啱好DSE。但係我記得我生日果日係某補習名師嘅last lesson, suppose遊爍嵐係同我上同一班嘅，不過佢調左堂早D上，所以都冇乜特別耶好講。





反正日日閉關，夜夜笙歌，一直到好記得係4月1號第一日考DSE為止。六年來嘅結局，一試定生死。