念念不忘 都冇迴響: Last day 三

其實我冇諗過last day要寫三章。不過last day真係你最後對中學生涯，一個唔全面嘅收尾，所以記憶猶新，地位堪比其他平凡日子。

最後我地全班去左party room,一齊唱明年今日。果日我地全班都無人喊，因為我地二班D人比較chill，Ｄ老師都唔係講感性耶果D人。曾經班camp果陣D人投票，覺得我last day會係第一個喊，不過我都估唔到，最後我一滴眼淚都無流過，都唔知係咪一種遺憾了。

到我最後翻到屋企我先見到游爍嵐寫果句係：「記得搵我。」

我諗大概係果陣我嚇得身邊嘅人太多，因為我懷著破釜沉舟嘅精神讀書，所以我成日同身邊嘅人講如果我考唔到大學我會retake dse,果一年我就會cut大家contact。所以當時我D friend聽我講得多，都覺得我係認真將嘅，雖然我又真係好認真。好彩最後證實唔到如果retake，我係咪真係會cut人contact,不過都搞笑嘅，我冇諗過游爍嵐會在意我聯唔聯絡佢，我一直都覺得當有一日唔再係要補習，我地都無任何理由再見面了。

其實我一直都知道我鍾意遊爍嵐，係人生一個過渡，一場虛幻·不切實際嘅夢。但係當你真係好鍾意一個人，又真係好難分清楚現實同虛幻，所以果陣我覺得鍾意得一日係一日，中學畢業我就可以正正常常去大學識個男朋友，好好生活。





只不過好顯然去到last day,我依然都係咁鍾意游爍嵐，我設立比自己嘅限期，我自己都達唔到。我只係好想繼續留系身邊，繼續用自己嘅方法對佢好，而嚟種思想，都幾係延續左好耐好耐。

//

中學果陣我用左好多好多時間去鍾意遊爍嵐，每一日最大嘅亮點就係可以見到佢，可以幫到佢；其實後來我有思考過我係咪浪費左中學生涯。實際上二班兩年內都發生左大大小小有趣游青春嘅事，但係我一係就掛著讀書，一係就掛著諗埋D不設實際嘅嘢。實際上投入自己班嘅時間，從來都冇真係百分百投入過。

只不過後來我睇書見到句，其實冇人真係可以百分百善用青春，既然青春無論如何都係要浪費，不如浪費系你身上。

嗯，所以後來我都冇後悔過。而中學生涯，都算係話上做一個句號了。