念念不忘 都冇迴響: 終點

全個DSE所有科嘅考試，分佈系三個星期裡面。我唔記得點解果陣開始，遊爍嵐每考完一科就會同我direct分享感想。

到底作文寫左邊題寫左乜，到底D數學撞左幾多題，到底今年D題目有幾新穎... ...

其實都搞笑嘅，反正後一年遊爍嵐寫卡比我，有一句係

「多謝你令我考DSE果陣覺得有個人陪著，冇咁孤單。」

其實果陣時佢都真係陪左我好多。





有單搞笑野嘅，考試果陣我特等買左對Adidas superstar打算拎個好意頭。實際上好多年前佢買左對superstar但係我完全唔知道嘅情況下都買左。雖然佢成日笑我抄佢，不過每次一齊著果陣感覺都幾良好。所以superstar對我而言係多小有D特別意頭。

另外我地曾經一齊考過bio mock,果次我地無啦啦都考得超好，所以到正式dse bio果陣我地都著翻同當日一樣嘅衫。

中學果陣到底係要崩潰到邊個地步，連小小好意頭都想相信，不可錯過？做好多野只為安心，鬧鐘檢查無限次，D notes臨入考場前死都要望幾眼，或者話補習全件事根本就係大型求安心現場。

不過果陣我地乜都唔知，所以寧可信其有，不可信其無。我唔知道最後我個成績同我做嘅一切，關係有幾大，反正我覺得多小有用嘅，起碼自我感覺良好先。