念念不忘 都冇迴響: 高峰

講番除夕果日先。我同遊爍嵐一早9點去到海洋公園準備入去大玩特玩啦，點知發現，銀卡喺12月31號係入唔到去嘅:)

其實我同遊爍嵐成日都經歷D類似嘅事，好多時想食某D餐廳先發現佢無開之類嘅嘢，果陣我地覺得自己唔好彩，但依家我個結論係我地兩個都唔夠小心，世界上邊有咁多唔好彩，冇檢查清楚就係冇檢查清楚啦。

反反正我地系OP門前真係呆左，咁其實我係一個幾鍾意行山嘅人，所以我就提議搵吓附近有冇啲容易行嘅山行吓，咁佢又話想行玉桂山喎所以我哋就去啦。

～溫馨提示：千祈唔好似我哋兩個咁，毫無準備去行山～

反正一路搭車一路睇啲圖就越嚟越發覺唔對路，好似真係要買啲手套嗰啲先得。所以我地就去左黃竹坑嗰間百佳，買咗啲餅乾同洗碗手套，咁就開始行上山。





而我而言其實玉桂山都唔算太難行，但係對佢啲心手嚟講，就應該真係幾有挑戰性嘅。個行山個過程同風景都冇乜嘢值得記錄，只不過係佢叫我行慢啲，我又問吓佢得唔得咁。最值得紀念係成件事真係幾癲，兩個女仔帶住洗碗手套去行山，諗返起都覺得好趣怪。