念念不忘 都冇迴響: 禮物

話就話我地四個一齊渡過左除夕，但實際上我地個firm嘅程度，已經慢慢成為0。

直到我四月生日果陣，突然見到游爍嵐同陳珊蕾出現系我課室門口，我第一反應係扮睇唔到先，到佢地真係托人叫我，先見到游爍嵐拎住2L 家庭裝鈣X寶送比我。我果陣問佢係咪上堂抽到D班會禮物定先佢又唔肯答。直到我研究左一輪先發現個到期日係4月3號，姐係我生日。

我後來問返遊爍嵐果陣佢仲要沾沾自喜話自己搵咗好耐，我都唔知信唔信佢好，都唔知佢係咁啱見到買嚟9hea我，定係佢真係咁痴線日日去超級市場望住有冇我生日到期嘅嘢食（利申本身唔飲鈣X寶）反正多謝佢份奇怪禮物，後來我地每年生日都搞到整蠱大會咁。

有一年我送左純白地獄，上面求其寫咗啲嘢俾佢；佢又送返個扭計色上面係我啲相俾我做回禮；我又送個包咗好鬼多層垃圾搞到勁大份嘅香水比佢... ...反正其實我已經唔太會送禮物比人，但係我好期待每一年送禮物俾佢，或者收到佢份禮物。

不過我估果次送禮物，係佢唯一一次主動佢我班班好搵我，我哋其他大部份交集都得翻補習班。