念念不忘 都冇迴響: 外篇：海洋公園 一

中四果年個暑假，遊爍嵐同我一齊買左海洋公園全年飛，呢單野溪值得同大家分享嘅。

唔知大家知唔知啦，如果你拎住用完嘅即日門卷去個counter,你可以補餘額買全年飛。遊爍嵐同我就睇正咗呢個機會，去海洋公園外面嘗試問人哋攞人哋用完嘅飛，之後直接補錢，就慳咗一大筆錢了。

果陣真係厚面皮到爆炸，我哋同啲人講我哋要做功課，見到香港主題公園門票歷年來嘅變化，又真係有一對好好心嘅舞女俾咗張門票我哋。但係個問題係，我哋都帶唔夠錢，嗰陣時又未有銀行戶口，搞到我要由海洋公園搭車返去彩虹嗰邊問最近個陳珊蕾借錢，而遊爍嵐系海洋公園等我。

一來一回天都黑埋，果排遊爍嵐屋企裝修，由夜晚八點開始冇食水供應，據我所知我搞到人要去親戚屋企沖涼刷牙，依家諗返起有少少對唔住，但係更多嘅係覺得成件事好搞笑。

其實純碎係分享下，因為依家大家都知海洋公園好似變左內地嘅經營模式，按你玩咗幾多機動遊戲收費(?) 《巨輪》有句歌詞「時代變 人物風景都改變」正如遊爍嵐話齋，世界上冇嘢係永遠嘅，所有有型體嘅嘢中夠都會有變化嘅一日，我哋只可以努力守護心底裏面嘅價值觀，共挽之。