念念不忘 都冇迴響: 漸漸

慢慢地當我地二班啲人越嚟越團結，我返去搵佢哋嘅次數都相應減少左。例如放學，無謂下下等埋佢哋或者要人哋等我。又或者係食飯，以前無論我幾忙我都會編一日比佢哋，但慢慢發覺啲話題都唔係好啱，或者話我發現我唔搵佢哋佢哋根本就唔會搵我，所以慢慢地都唔會再一齊食飯。

但係我同遊了嵐係有keep住每個星期一齊補習嘅，所以都叫繼續有Ｄ交集。再加上佢係我最鍾意嘅人，就算無任何交流都好，只好有共同出現嘅場合，我都好自然會系望望人海中一眼望到佢。嗰種感覺就好似finding wally,不過我係finding Christina咁解。

事實上我哋嘅交集係真係唔係好多，我記得倒數果日我地好耐之前一齊約好咗去海洋公園之後同埋另外果兩個去倒數，但係我完全唔覺得佢會記得我地要去海洋公園。過晚佢whatsapp我：(果陣未用Signal)

「聽日我哋九點見,ok?」

「Am or pm?」





「pm」

「ok.」

「are u kidding me?」

之後佢就打左比我

「點解係pm?」





「倒數呀嘛！」

「我哋聽日唔係去海洋公園咩？」

哈哈，遊爍嵐竟然記得，我都覺得無比驚訝。反正果日我地就一齊去左OP啦，個門口。