念念不忘 都冇迴響: 見面

果陣上堂其中一個話題係穿耳，你本身已經有穿到，而我係一個耳窿都冇。但係中三果年我鍾意左某隊女團，覺得佢哋對耳環好靚，所以我會問你一堆關於穿耳嘅問題：

「到底係咪會發炎？」「係咪好痛？」「要點打理？」

可能係你本身想釘多個，可能係俾我潛移默化之下搞到都想釘，反正我地約好左聖誕假一齊去釘耳。

到出去之前前一日，你突然話妳個friend group其中一個人都想去，果陣我莫名奇妙有小小傷心(?) 分無清係因為我怕同你個朋友無熟會尷尬，定係冇得同你單獨相處所以傷心。反正我好臨時又搵到我有個想釘耳嘅friend, 我地一行四人就咁第一次出左街。

記得果日其實真係好無聊，就係去釘耳，然後一齊周圍行商場一齊食野，我果陣個人比較搞笑小小，大家講下笑下都好快打成一片，甚至應承要再出街，要寫聖誕卡比對方。





中學嘅友誼就係咁簡單直接，天真爛漫。慢慢地我地個group竟然越來越firm,會一齊食lunch,一齊放學。我已經當左你係我最好朋友，甚至本來我班friend都開始feel到我已經冇咁多時間投放比佢地，甚至同我講過。不過，我分無清到底我係鍾意同你相處，你比較明白我；定係我已經鍾意左你，反正慢慢地你就係我新嘅friend group,班舊朋友就慢慢退場了。