念念不忘 都冇迴響: 記憶

記憶中我開始想更了解你，係因為某個星期五。

果陣我地兩個都有系我屋企樓下間補習社補數學，你補星期五5點幾，我補星期六。因為星期五我要翻田徑，所以補唔到大部分同校同學果班。但係每逢星期五放學，我都會陪你系補習之前食D嘢，直到你去補習我先出發去田徑（所以我每次田徑都遲到）。反正陪你等補習成為左一種常態。

我記得果個星期五你系pie&tart買左足足兩個tart,妳仲同我解釋：「我今日好肚餓嘛！」我先冇笑你。果日英文堂要分享自己最好朋友係邊個，我地俾人分左去唔同組所以我唔知你講邊個。但果日我係有D有感而發嘅。

「唉，當我思考邊個係我最好朋友，我係發現我好似冇一個最好朋友。」

「你平日唔係好多朋友㗎咩，求其講一個都有好多啦。」





「即使身邊好多人陪我笑，大家都只不過係一齊笑下，冇一個人會陪我傷心，陪我喊。」

你安靜坐左片刻之後問我：「咁你寫左邊個啊？」

「我個小學同學咯，你呢？」

你話：「其實我都係... ...」

詳談之後先發現你都明白我嘅感覺，果種其實係中二病嘅孤獨感。但果陣我無啦啦就覺得你真係好明白我，同埋我都好希望系你身邊，令到你唔好咁孤單。





由果陣開始，我好鍾意咩都同你講，慢慢地我地嘅關係都又普通笑笑嘅同桌，上升到每個星期五會一齊講心事嘅朋友。而我果年個田徑出席率差D無夠，諗起都覺得搞笑。