《行山撞到女神，重同佢…》（少甜）: 到｜arrived

呢件事教訓大家，唔好咩事都去狗衝。
 
幸好的事，我只是普通擦傷，不斷揮手示意狀態還好，還可以繼續行程。小翹這時正在查看我相機的損壞情況，以我所見應是鏡片碎裂，我的手不痛，銀包卻很痛。
 
「衡哥，你得唔得㗎？」離開老虎頭岩石下頗斜的一段路，是一段較為平坦的大石路，這時家欣問。
 
「ok啊，小事喇。」這時小翹正從旁攙扶著我，當然沒事。
 
「係喇，衡哥成日係學校pk㗎喇，我哋都見慣。」我督了說話的啊峰一眼，心想畢竟某港島大學到處都是樓梯。
 


「你行唔掂你同我講，我哋可以坐底休息下。」小翹跟我說。
 
「咁我哋去到老虎頭岩石頂果個位休息下，我諗佢哋兩個都就死。」我轉移話題，而小翹就點頭笑著說好。
 
十五分鐘後，我們就坐在老虎頭的岩石頂看著整個愉景灣野餐。
 
「喂啊峰，幫我影多幾張相打卡，小翹一齊？」家欣說。
 
「我食埋少少嘢先。」小翹說。
 


只見啊峰可憐的不斷幫家欣拍照，連喝水都沒有時間。
 
「佢哋好搞笑，啊峰係咪追緊家欣？」小翹問我。
 
「係啊，果陣我哋做FM（Freshman新生）果陣，已經同我講過佢好想識家欣，我估由果陣追到依家。不過之前冇得搞Ocamp，冇機會比佢哋。」我解釋。
 
「唔緊要喇，今日都幾好啊，有機會就比佢哋獨處下。」我反覆思考著小翹這段對話，是否暗示我和她有獨處的空間。
 
大約1個世紀以後，他們終於回來。
 


「衡哥，你睇吓呢個景幾靚，呢到又影到哂成個愉景灣，不如食完就落山喇？」家欣說。
 
「但我想上山頂睇吓個景，一係咁喇，家欣你同啊峰食住嘢先，我同啊衡上山頂影幾張相就落嚟搵翻你哋喇。」小翹說。當下我在想，是小翹想製造機會讓他們還是我們獨處。
 
只見家欣瞄一喵我，以及我身後上山的碎石路。
 
「好喇，不過你哋要小心啲，由其是啊衡你，唔好又撞到小翹喇！」家欣說。
 
「啊衡應該會好小心㗎喇。」小翹加入訕笑著我。
 
「鳴…你哋蝦我！」我裝作無辜。
 
「好喇，我哋行快啲行喇。」小翹說。
 
接下來的山路與剛才的無異，只是更斜更多碎石，小翹呼吸亦開始慢慢變得急促。


 
「呼…小翹你ok嘛？」我向她伸手。
 
「ok啊…呼。」她捉住我伸出的手，很軟。之後有不少路段我們都是互相攙扶上山，感覺我和她的距離更接近了。十分鐘後，我們就在老虎頭的山頂，俯瞰整個愉景灣及青山公路。
 
「呢到真係好靚。」小翹說。
 
「係喎，你話陣間要影相，但依家相機應該影唔到喎。」我說。
 
「你又知嘅？唔好意思啊，個鏡頭好似有條裂痕，我諗可能要攞去換。」小翹說。
 
「我啱啱見到嘛。淨係唔好意思咋，你諗吓，我又要Check機，又要攞去換，又要…」正當我說笑之時，突然感覺到小翹的頭跟我愈來愈接近，直到她薄薄的嘴唇親到我的臉頰上，愛意配上Penhaligon的香氣同時侵襲著我的思緒。
 
「咁樣心情有冇好啲？」小翹害羞的說。
 


「唔…」我明顯還在沉醉在剛才的一刻。
 
「唔？」小翹問
 
「錫多下同你講。」我笑著說。
 
「唔錫！最多嚟緊陪你一齊去整機，但你要幫我影翻啲靚相㗎！」小翹對著我說。
 
「都好。」我當下即時答應，心想著我們的續集。
 
卻原來已接近故事的結尾。
 
 
雙方交纏 是這麼驚心 也同樣很興奮 － 戀人未滿



歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！