《行山撞到女神，重同佢…》（少甜）: 撞｜Hit

只是我想不到，原來計劃總跟不上變化。
 
要登上老虎頭，都有不少路段可以選擇。當然有私心的我，自然會選擇當中最難的一條，心中暗想會否出現英雄救美的老套橋段。
 
「衡…呼…衡…重要行幾耐？…呼？」說話的是啊峰，和他的健碩身型形成一個落差。
 
「呼…差唔多㗎喇，就到。」我回答。
 
「咁就…」當峰正打算回應我時。
 


「一半。」我再次說話，直接將啊峰打進深淵。行山時用這個去打擊朋友還是很有效。
 
「你唔好咁衰喇，等埋佢喇。」小翹這時氣也不喘。而站在她身旁的家欣已然面如死灰。
 
「係喇！就到觀景台，不過係愉景灣，去到果到休息下喇。」我說。家欣和啊峰重燃希望，因為即將可以休息，而這時看到小翹的情況，相信英雄救美的情況是不可能發生的。
 
「衡哥，我哋重要行多幾耐？」這時我們已到達愉景灣觀景台，家欣便問。
 
「呢到就大約二百米，重要上多二百幾到喇。」我出發前當然做足功課喇。
 


「下…」家欣與啊峰一同抱怨。
 
在一片哀嚎聲的襯托之下，小翹只是投以同情的目光，然後說了聲加油就走出涼亭，俯瞰剛剛的起點，然後我才發覺，小翹原來已經脫下口罩，我第一次見到她的真面目。黑色長髮襯上她雪白的面龐，對比得異常好看，眼睛之下是精緻的五官，她比我想像中更美。
 
 
「真係好靚，如果住係到都幾好，可以日日睇到咁嘅靚景。」我慢慢走到她的身旁，然後她說。
 
「佢咁講即係咩意思！？係咪即係想暗示同我可以發展，重可以一齊住？」常言道毒撚最忌有自信，如同此刻的我。
 
「總有機會，只要我哋比心機啲。」我很佩服我有勇氣說出來，不過戀愛就是盲目的。


 
「你啱，總有機會！不過今日就用相機影低佢先。」小翹說。
 
「咦，你都有玩開影相？」我問。
 
「有啊，iPhone 算唔算？」天真的眼神，又再一次融化了我。
 
「如果我話唔算呢？」我衝口而出。
 
「唔算咁就用你部相機喇！」小翹輕輕取走掛在我頸上的相機，貼得很近，很香，是Penhaligon香水。
 
「但你要教我用。」小翹說。
 
「唔…」我完全比她掌控了
 


再出發時我們四個都已經脫下口罩，繼續往山上走，只見平地愈來愈少，而是成為黃泥色的沙路，這時家欣和啊峰又再次叫苦連天，而小翹和我則在前方找尋一些易行的道路，過程中小翹亦有閒情用我的相機留影，看來她當初在便利店的只是戲言，她是一個經驗老到的山友。
 
當大家都開始手腳並用時，我們亦已來到老虎頭岩石之下，迎面是一條頗斜的碎石路，走上去還算容易，但我不敢想像待會如何下山。
 
「流星啊！」走到碎石路的一半，小翹突然指著天大叫。
 
「好靚啊！」家欣即時加入對話，同時取出手機。
 
「日光日白邊有流星。」啊峰好奇。其實那不是流星，是飛機產生的「尾跡雲」，不要問我這是什麼，我也是用學生的恩物Google了解的。
 
「啊！」就在這時，小翹為了遷就拍攝角度，在這條碎石路中失去平衡，準備轉身向後跌倒。就站在她後面的我，當然不會放過這個排練已久的英雄救美機會，立即向她的方向撲去。然而她只踏空第一下，到第二下時已站穩，反倒是我「收掣唔切」，直接將小翹撞倒在地。
 
「啊衡你擦傷咗。」幸好小翹沒有。
 
「啊衡你相機鏡頭花咗。」人無事就可。


 
「你冇事啊嘛？」小翹關切的問。
 
呢件事教訓大家，唔好咩事都去狗衝。
 
無論明白我連累你 即使你曾是未介意 － 錯愛

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！