《行山撞到女神，重同佢…》（少甜）: 山｜Hill

下星期六，愉景灣老虎頭，等等，幾點？
 
「山不在高，有仙則名。今次呢座山名唔名，就睇下有冇女神係到喇。」我說，時間為早上九點正，此刻的我正在中環開往愉景灣的渡輪之上。
 
「衡爺，夠喇，你約八點中環等都算，重要由啱啱早餐講到依家，你唔好咁癲喇。」家欣抱怨。這是當然，讓你感受一下上星期我早起的難受感覺。
 
「係囉衡哥，你再係咁我就同家欣自己行㗎喇。」說話的人叫啊峰。上星期當我打聽到雪兒要在今天行老虎頭，我便推掉所有工作，準備一早就在山上「偶遇」女神。想不到家欣猜到我的想法，死要跟著我來，說想看我如何出醜。為了防止家欣再好像上一次使我處於尷尬之地，我便把啊峰叫上，他是家欣的其中一個追求者。
 
「咁又唔好，行山緊係一班人行先開心㗎喇。」家欣努力地將話題推開。
 


「唔係㗎，如果陣間我同女神有下場，你哋要識做喇。」家欣想轉移啊峰的話題，我偏要將話題捉住。
 
「啊衡就講得啱喇。」啊峰當即向我發出感激的眼神。相反家欣的眼神，只能用百感交集去形容，帶點仇恨卻有帶有哀求，相信如果這艘渡輪現在可以開窗，她會先後將我和啊峰踢出去。
 
「不過前題係見到女神先。」我草草了結話題，便倒頭大睡。睡夢間聽到啊峰的甜言蜜過，感覺整個夢境都成了冰山，真想道知家欣是如何捱過的。
 
甫下船，家欣便到處拍照。
 
「嘩，呢到咁靚嘅，勁似歐洲啲小鎮，不如唔好行山喇，係到Chill一日算喇。」家欣驚嘆，我當下潛意識感覺啊峰會借題發揮。
 


「你想嘅我日日陪你嚟Chill都得喇，只要你想。」Oh, sxxt。果不然，啊峰真的發動攻勢，真不知道是誰教他的「甜言蜜語」。
 
「買完水同嘢食好上山喇，見唔到女神邊個都冇得Chill!」我決定中止啊峰的對白，要知道今日的目的不是來玩。
 
就在便利店買水的時候，家欣拍了拍我的膊頭，示意我望向愉景灣廣場。原來今天的目標雪兒就站在廣場的中央，奇怪的是只有她一人，她的朋友未到？還是她打算一個人行山？
 
「喂，佢過緊嚟喇。」思緒轉動之間，家欣提醒我。
 
「邊個？女神？」啊峰大聲問，家欣示意他安靜。
 


「嗱，衡哥，唔好話我淨係食花生，如果佢陣間入嚟，我就幫你問下佢一唔一齊行喇。」家欣說。此刻除了感激，還有感動。
 
接下來我們三個就如同潛望鏡般，從門口追蹤雪兒到飲品區，再看到她取出兩枝500毫升的水，我正想告訴家欣出手，卻原來她已拿著一包朱古力前往排隊。
 
「咦，你咪上星期係我哋前面行山果個…?」家欣問。
 
「係啊，咁啱嘅？」雪兒笑著說，眼神很甜，我融化了。
 
「真係你啊，我重怕隔住口罩認錯人添。我哋陣間諗住行老虎頭啊，你呢？」家欣再問。
 
「咦，我都係喎！不過我Friend今朝肚屙嚟唔到，所以陣間打算一個行咋。」雪兒說。
 
「唔介意嘅我哋一齊行？」家欣問。
 
「你哋唔介意我行得慢就得喇。」雪兒說。


 
付款後家欣和雪兒一同走過來，家欣拿起朱古力，示意我要幫她付錢，我知道她成功了。
 
「係呢，我叫家欣，呢個叫啊衡，而佢就係啊峰。」家欣先開口。
 
「Hello，我叫Christy，你可以叫我小翹。」小翹說。
 
「我認得你，今次唔好周圍𥄫女喇？」然後小翹指著我說。
 
「啊！佢認得我啊，唔通佢對我有意思！？講真佢同我哋行，我邊會𥄫其他女。原來佢叫啊翹，果然人靚，個名都特別好聽。」我腦海閃過無數的念頭，此刻的我心如鹿撞。
 
「家欣果日佢講笑姐，明顯我就…」我尚未說完。
 
「𥄫女！」家欣不讓我說完，之後撓著小翹步出便利店。
 


女生果然容易打成一片，雖然看不清楚口罩下小翹的樣子，但亦相信她不介意和我們一同前行。至於啊峰，眼白白的看著小翹將她的女神帶走，此刻的我不禁對佢產生一點同情，因此我便搭著他的膊頭跟了出去，腦內則一直計劃著如何可以更進一步認識小翹。
 
只是我想不到，原來計劃總跟不上變化。
 
趁一切 都正好 撮合無盡 的偶然來盡興 － 東京人壽