《行山撞到女神，重同佢…》（少甜）: 行｜Move

「啊！」

叫聲來自我前方，未到下一秒的我已然失焦，再張開眼時我身旁已經坐著一個女生。接近一米七的她，正茫然地向我連聲抱歉，雪白的臉龐教我捨不得生氣，為了阻止她的喋喋不休，我只好親向她正忙著的嘴，很軟、很香、很疼。

「醒未啊？落車喇！」坐在我身旁的家欣正拍打著我。

「吓！果個女仔呢？」我問。

「咩女仔？你講你由啱啱排隊𥄫到上車，之後重坐你前面果個女仔？」



「佢一早落咗車。」殘忍的家欣已說出了答案。

家欣是我認識了兩年的大學同學，精緻的外表配上瘦長的身型，基本上跟她一齊外出必然會引來為數不少的男生回頭或注目，這樣的條件自然從不乏追求者。不過跟她認識深了，就知道她比男生更男生，所以我的答案是，做朋友可以，女朋友不了。

「慢吞吞咁，未食飯？」家欣又在抱怨。

「大佬，今日星期六，你晨咁早九點幾就叫我去西貢行山，你知唔知係Hall過西貢要幾耐？」這次輪到我向她抱怨。

「我，唔，知！」家欣用杜文澤在頭文字D的經典對白打發我後，便走到一旁拉筋。



家住沙田的她，跟住在港島宿舍的我，光看Google Map就知道我需要比她多一倍的時間才可以入到西貢，更過分的是，她約我在沙田等。要不是體諒佢一個女生，沒有人陪（唔想啲兵煩住佢），加上我又想健康一下（家欣話西貢好多靚女行山），我根本不會出現。今天的行程其實十分輕鬆，由西貢西灣亭出發，經麥里浩徑走到北潭凹，有望在四小時內完成。

「喂，你有冇帶相機？」家欣問。

「有。」我更正完成時間，有望在五小時內完成。

「腳架？」家欣再問。

「有。」我再更正完成時間，有望在六小時內完成。



如同其他女生一樣，家欣行山的重點不在於行，而是將過程的畫面拍下來，當中自然包括她自己。一路上家欣不斷尋覓靚景，而我亦不繼尋找靚女，通通用相機拍下來。

「喂，唔好成日𥄫女喇，幫我影多啲相。」走到一個沙灘，家欣突然大叫，引來人群對我的注目。

此刻沙灘就像一個動物園，我就像被圈養的動物，注目我的是遊客，其中包括她。白色緊身長衫，配上黑色運動Legging，將她修長的外型表露無遺，而黑色Cap帽之下是一張雪白的臉龐，一雙明眸正看著我，我姑且叫她雪兒。也許是家欣剛才的行為太過有趣，雪兒向著我笑了一笑，很美。

「喂，唔好影住，行喇！」我拉著家欣跟著雪兒的方向走去。

「我未影完啊！」家欣抱怨。

「下次，下次幫你影翻喇。」我試圖說服佢。

「你唔係打算識啱啱果個女仔下話？」家欣果然了解我。

「就算唔識，𥄫多陣都好啊。」我答。



「先生，兵，狗公，你自己揀一個去形容一吓自己。」家欣訕笑著我，但仍跟著我的步伐走，很快就追上了雪兒的身影。

「係啊，最近啱啱完Sem，又飛唔到，都唔知做咩好。」我聽到雪兒身旁的朋友問。

「聽人講愉景灣老虎頭個景好靚，我地下星期六去行吓囉？」雪兒講。

「係機會喇！」家欣用手撞一撞我，我示意不要太張揚。

下星期六，愉景灣老虎頭，等等，幾點？

想見你 只想見你 未來過去 我只想見你 － 想見你想見你想見你

歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！