回到過去，破我未婚妻個處: （14）
「喂輝仔，你搞咩春呀？朝早叫你send份資料俾個客，點解個客啱先打嚟話依家都未收到？你點做嘢架？」上司行到埋我個位鬧人。
我開個email出嚟望一望：「Sorry阿頭，我好似send錯左俾第二個客，我依家即刻改返。」
「頂你個肺，你發生咩事？今日全日都遊魂咁，醒少少得唔得！」
我上司鬧得啱，事實上我全日都專心唔到做嘢，因為個腦淨係諗住穿越嘅事。
「喂！你仲喺度發夢？send左未！」上司一把雄厚嘅男聲令我打返起十二分精神。
「Sorry...我…我即刻就send。」
下晝六點半，搞掂曬手頭上嘅工作，臨走前上司叫我入去佢房。
我戰戰兢兢，以為又要俾佢訓話。
「阿頭，你搵我有咩事，你叫我做嗰啲嘢，我全部都搞掂曬架啦。」
「輝仔，你平時都聽下啲band架何？」
我點點頭答：「嗯…間中都鐘意聽嘅。」
上司拎出兩張飛送俾我：「呢度有兩張Kolor演唱會飛，本來我諗住去睇，偏偏後日臨時有事唔得閒，咁我又唔想浪費左兩張飛，咪諗住送俾你去聽。」
「下，咁點好意思，一係我俾返錢你。」
「唔洗，你啱聽咪去聽，最緊要唔好曬左兩張飛。」
「不過…」
「得啦就咁話，我送左俾你架啦，陣間我仲有個視像會議要開，你收工走先啦。」
「哦，咁好啦，多謝阿頭。」
我袋好兩張演唱會門票，離開公司後，搭車過北角陪Veronica睇婚宴場地。
Veronica已經到左酒店等我。
佢今日都係一般OL打扮，一條全黑及膝連身裙，膊頭搭住一件薄嘅灰藍色針織冷衫，著住一對米色平底鞋，同我喺2009年見到嗰一個mk妹截然不同。
我地跟住職員，嚟到酒店宴會廳睇一下環境。
裡面嘅裝修簡單得嚟又不失隆重，喺呢度擺酒都應該都係一個唔錯嘅選擇。
「輝輝，你覺得呢度點呀？」Veronica問。
「幾好呀，唔錯，但地方好似大得滯，我地應該擺唔到咁多圍。」
「都OK啦，擺三十圍啱啱好。」
「三十圍？我地請到咁多人咩？」
「唔計親戚嗰啲，我同你啲同事、大學同學、中學同學加埋都十幾圍啦。」Veronica數住手指計，「我地開多幾圍，收多幾份禮金呀嘛，哈哈。」
佢口中提到「中學同學」，令我下意識諗起佢中學男朋友Kevin，我就問佢：「咁你諗住請邊啲中學同學？男仔多定女仔多？」
「Um…呢層要返去認真諗諗。」
就算佢想請Kevin都無所謂，橫掂我都想睇條mk仔家下變成點。
喺宴會廳睇完場地，我地順便喺酒店入面間西餐廳鋸個扒，食埋飯先走。
「輝輝，auntie有無用我送俾佢嗰支藥膏？佢覺得點呀，佢有無話好唔好用？」Veronica一細塊切開嘅牛扒放入口中。
「我見佢好似都有搽，應該幾好用。」
「好用就好啦，遲啲我朋友如果去開台灣，我叫佢帶多兩支返嚟。」
「咁我代我阿媽多謝你先。」
望住呢個溫柔體貼嘅Veronica，點聯想得到中學時期嘅佢，係一個粗魯又無禮貌嘅mk妹。
可能呢啲就係所謂嘅「人會變，月會圓」。
今朝我有個問題想問佢，但無問到，家陣見到面終於可以親口問。
「Veronica，我有個問題想問你。」
「嗯？有咩想問呀？」
我乾咳兩聲，清清喉嚨，講出心中嘅疑問：「我想問你中學嗰陣，係咪有個男朋友叫Kevin？喺入u之前你就已經將第一次俾左佢，我有無講錯？」
Veronica瞳孔擴大，臉上現出驚訝嘅表情：「哈…都…都唔知你講緊乜…」
「我咩都知道曬，你無需再隱瞞。」
「你知道曬？係...係邊個話你知？」對方放低手上嘅刀叉，神色緊張。
「你放心，我唔係同你攤牌，亦都唔係追究啲咩，我只係想知點解你要講大話，呃我話自己喺大學俾個師兄破處，而且都從來無提過你中學有個男朋友。」
佢沉默左半分鐘，然後用感懷身世嘅語氣講出佢同Kevin嘅故事。
「你講得無錯，讀中學嗰陣我的確有一個叫Kevin嘅男朋友。我嘅第一次亦都係俾左佢，只不過我唔係存心呃你，只係我唔想再提起呢個人。」
每個人總有一兩段不堪回首嘅往事，對Veronica嚟講，Kevin就係佢人生一個污點。
佢同我講，中學嗰陣佢本來係一個品學兼優嘅乖學生，但升上Form5識左Kevin之後，就俾對方帶壞左。
每日放學佢就跟住Kevin同一班豬朋狗友周圍玩唔讀書，當時年少無知嘅佢仲俾Kevin嘅甜言蜜語所迷倒。
直到隻豬俾人拎左佢先發現，原來對方係一個不折不扣嘅賤男，背住佢勾三搭四，拎完著數玩厭左就一腳飛起佢。
咁耐以嚟，佢好少向人提起呢件往事，原因係佢好驚俾人知道年少嘅自己係咁蠢咁憨居。
佢仲同我講，每次諗返起呢啲往事，佢都會感到非常後悔，每一次都忍唔住怪責自己，當初點解咁輕易就將寶貴第一次俾左一個人渣，甚至恨不得將呢段黑歷史從記憶中抹走。
仲有就係，佢其實唔太鐘意用口，當時都係Kevin逼佢含，細個唔識拒絕，下下硬食，大個左先學精左。
「輝輝，對唔住，我唔係有心呃你，你唔會怪我架何？」Veronica眼泛淚光，楚楚可憐。
我搖搖頭：「我點會怪你，都係我唔好，我唔應該挖你啲舊事出嚟講，勾起你啲傷心嘢。」
事實上，係人都會收埋一啲唔想人知嘅過去或者秘密，正如我何嘗唔係一直瞞住對方 ，從來都無同佢提過家族詛咒嘅事，所以我無資格怪佢。
再者，青春期階段，大部分人心智都未成熟，最容易誤交損友，唔小心信錯人一啲都唔出奇。
相反，聽完佢一番說話，我反而有啲責怪自己。
話曬我穿越返過去2009年，假如我有阻止到Kevin條打靶仔食Veronica隻豬，咁Veronica就唔洗俾條mk𡁻完鬆之餘，我又可以達成破未婚妻個處嘅願望。
可惜，我衰左。
「輝輝，你真係唔嬲我呃你？」Veronica雙眼汪汪咁望住我，再次請求原諒。
「我真係真係真係唔嬲你。」
我特意強調一次，跟住轉換個輕鬆話題，舒緩下氣氛：「我地唔好講呢啲，今日我阿頭送左兩張Kolor演唱會飛俾我，後日夜晚八點你得唔得閒，不如同我一齊去睇？」
「Kolor？我未聽過喎，唱啲咩歌架？」
「係一隊local Rock band嚟，啲歌幾好聽。」
「唔啦，你知我麻麻地鐘意聽啲band，我諗我都係唔去。」Veronica表示無興趣。
我本身都知佢唔係好鐘意聽啲rock嘢，一年前我都試過同佢一齊去睇One OK Rock，佢就嫌啲音樂太嘈，開左場無幾耐就頂唔順嗌走。
今次佢唔想去，我都唔逼佢。