回到過去，破我未婚妻個處: （13）

隨住時間越嚟越夜，人就越嚟越多，有一家大細，有情侶一對對，亦有一大班朋友出嚟慶祝，當中後生仔嗰啲打扮都好類近，男嘅就著窄腳褲、留執遮曬眼嘅斜陰，女嘅跌膊衫加熱褲。

我由下晝留喺尖沙咀揾，揾到依家差唔多夜晚十一點，都見唔到佢地兩個出現。

唔通我估計錯誤？佢兩個無打算嚟尖沙咀倒數？

咁仲可以去邊度可以倒數？蘭桂坊？

斷估唔會直接去左酒店扑住嘢嚟倒數掛？



我開始感到氣餒，話曬咁大個香港，要揾兩個人出嚟，談何容易。

不過或者又唔需要太灰心，畢竟Veronica曾經講過，佢係喺大學先破處，假設佢無講大話，咁照計佢會拒絕Kevin嘅引誘，保得住隻豬。

只有佢「平安」過到今晚，咁之後我先有機會，做我穿越返嚟想做嘅事。

處於半放棄狀態嘅我行到攰，到文化中心條長樓梯，揾個位坐下。

突然喺遠處五十米有一個高佬生得好似Kevin，隔籬仲拖住一個短裙妹。



四周圍逼滿人，我幾經辛苦先逼到過去睇清楚，結果卻令人失望。

我沿路返轉頭，行到半路，一個女仔同我擦肩而過，驟眼睇有啲似Veronica，咁就擰轉身，上前再望真啲，原來又喺認錯人。

眨下眼，仲有唔夠五分鐘就到十二點，睇嚟今晚應該無機會見到Veronica。

望住慶祝緊嘅人群同亮麗嘅燈飾，我回想緊當時2009年嘅自己，係同咩人點樣過聖誕節。

又諗到自己之所以穿越返到呢年嘅聖誕節，一定係上天想我喺一個咁美好嘅日子，得到未來老婆嘅第一次，留下一個深刻難忘嘅回憶。



可惜，我無把握到機會。

「十…九…八…」

熱烈嘅人群開始倒數，大廈外墻閃動倒計嘅數字。

「三…二…一！
Merry Christmas!」

氣氛達到最高，歡呼聲沸沸揚揚，但一秒之後，突然間，我耳邊咩聲都無曬。

周邊嘅人定曬格咁，郁都唔郁。

我呆左咁唔知發生乜嘢事。



隨即眼前無端端浮現一啲「肉帛相見」嘅畫面，兼夾帶住聲音。

喺畫面中，我見到Kevin全身赤裸，身下壓住同樣光脫脫、臉上泛紅且表情羞澀嘅Veronica。

「阿Ling，我愛你，Merry Christmas!」

男方雙手揸實女方對波，講完呢句說話，一下用力擺腰，向前挺進。

插入嗰一瞬間，女方捉實男方雙手手臂，好肉緊咁瞇埋眼，用嬌嗲嘅語氣「啊」左一聲。

下一秒畫面就消失，然後一道刺眼嘅白光照埋嚟，耳邊傳來「wee-wee-wee」嘅聲音。

大概十幾秒後，光線同聲音越嚟越強烈，最後我頂唔順扎醒左。

我成個人趌左起身，睜開眼發現自己喺屋企張床度。


 
「鈴—鈴—鈴—」

床邊嘅電話鬧鐘喺度響。

我拎起電話熄左佢，屏幕上顯示年份為2021年。

究竟我係從2009年返到現實，定抑或頭先嗰啲全都係夢境？

唔係…唔係發夢！

我對腳著緊嘅正是醫院嘅拖鞋，兩邊膝頭哥亦都瘀左一撻。

咁足以證明左我剛才經歷嘅所有嘢都係真實。



只但係，頭先嗰啲畫面係咩回事，點解我會見到Kevin同Veronica上床嘅畫面？

我整理一下思緒，結合當日同流星雨許下嘅願望，得出一個答案——

嗰畫面應該就係2009年平安夜，Kevin破Veronica處時嘅情形。

上天俾我返到去嗰個日子唔係要我留個好回憶，而係有原因。

個天知道Veronica嗰一日會俾Kevin破處，所以送我返去2009年12月22號，就係想我喺平安夜之前搶先Kevin一步，奪取Veronica嘅第一次。

最終我失敗左，就好似打機咁game over左，因此就俾送返嚟現實。

而Veronica對我講左大話，佢明明中學就破左處，但就呃我話係大學先破。

點解佢要呃我？如果我早知道Kevin先係破佢處嘅男人，咁穿越到2009年嘅我肯定一秒都唔會鬆懈，爭取時間搶「頭啖湯」。



不過依家講咩都無用，唔衰都衰左，咁就白白浪費左上天賜嘅機會。

「叮！」電話響左一聲。

一大早，Veronica text我話佢物色左一間酒店擺酒，約我今日收工去現場睇下。

我回覆左一句「好，無問題」。跟手快速打左一段字，順便想親自問清楚，佢個處係咪中學俾左個叫Kevin嘅mk仔。

打到一半覺得呢啲嘢都係面對面問好啲，於是刪除左段字，留返見到面先問。

喺2009年我前後經歷都有三日，返到嚟現實，原來只係過左一晚嘅時間。

你上司係唔會關心你琴晚經歷左啲咩，只在乎你朝早有無準時返工。

我將穿越嘅事暫時放埋一邊，拿拿聲換好衫，搭車返工。